يالربع الساعه هالحين ثلاث وعليه
يعني الفجووور
طلعت قبل شوين واشوف جارن لي يغسل حوشوه
قلت يافلان انت صاحي ولا بك بلا
قال ليه
قلت فيه احد يغسل حوشوه الساعه ثلاث الفجر
قال والله يا شبيثان كله من حقين مصلحة المياه
لو يشوفون ماء طالعن من بيتك كمخوك مخالفة 200 ريال
قلت وهم وش ناقصهم
كل هالمصالح يشفطون ليه ما يشفطوه هم بعد
المهم
يالربع هكا اليوم ابلشن بناخيكم ماجد
جاني يقول بابا ابي ثمكه << يعني سمكه بس تخبرون ثقافتوه تمرش
قلت ابشر بالسعد
وانقز لمطعم عمو حمزه واخذ هامور
واجيك طاير مستاانس لاني حققت لابني ما يريد
على طول ونحط السفره ونقلط الهامور
قلت مجوووووود
يابني تعال شف وش جبت لك
ويجي
قال لااااااااااا
ابي ثمكه
قلت واللي قايلن لك ان هذي سلقه منهو
هذي سمكه ياوليدي
قالت اموه لاااا ما يبي هذي
قلت وش يبي
قالت يبي سمكه حيه
قلت اهااااا
وانقز انا وياوه للسوق
واخذ سبع سمكات بحوضهن
اشكال والوان
كبيره وصغيره
صفرا وحمرا وبيج وبهن وبهن وحدتن كبيره برتقاليه
قالي السوداني لازم تعطيهن اكل معين
مرتين باليوم
ولازم الاكسجين شغال على طول
ولازم كل يوم تغير لهن الماء
قلت ابشر
وناخذهن للبيت
وانواع الاهتمام
وكل يومين تموت وحده
ليما بقي وحده بس اللي هي البرتقاليه
ابيه تموت
ابيه تموت
ماااش
ويخلص الاكل
قلت والله ماني جايبن له شي
واقوم اعطيه من نفيش ماجد
وتاااكل عااادي
وافصل الاكسجين
وعاااادي
تخبرون قلبي رهيف مابي اوصخ يدي بدمه
ولا اقدر اعجنه على الجدار
بس ابيه تموت بطريقه غير مباشره
كما يتعامل بعض الاخوان مع المواطنين
واخذ اجازه اسبوعين
واسافر لرفحاء وحايل وافر هالديار
قلت بس
هالحين اجيه معفنتن بالبيت
يوم جيت
ولا حيه
اللي مهولن منين تاكل
وشبلاه ما تموت ؟
اخر الافكار اللي جتن اني اطرفه لبسه واخلي البسه تاكله
واعجن البسه
حيث ان تخصصي بساس مهو سمك
وتقلدوا تحيتي
رد مع اقتباس
المفضلات