في يوم من الايام
كنا في بر حفر الباطن عروس فليج
وجدي الله يرحمه كان مركب اسنان بس من نوع تجاري
يعني مهن ثابتات اذا جاء ينام ينزلهم
كان نايم في بيت الشعر وتعرفون لقافة الماعز
يجون داخل البيت
الوكاد يوم قعد جدي والا يصارخ انتم وين الوغدان جمعوهم كلهم
ابي العن والعن
والله لاسوي واسوي
وخصوصا سويلم الملقوف وينه
جاء ابوي سلامات وش عندك
قال وين عيالك السرابيت
من اللي اخذ اسناني
وجمعنا ابوي وبالعقال وين اللي يوجعك
وانا اقول والله ماشفت شي وصلاة امي ابوي ماشفت
قال مافيه غيرك انت اللي تسويها جيب اسنان جدك والا ترى اذبحك
قلت والله ماشفتهم
وجدي يقول جيبه بس انا اوريك فيه هذا هو اللي ماخذهم
قلت وش ابي فيهم من زينهم عادي كل واحد تقل اسنان بعير كل واحد طوله متر ههههههههه
لا وبعد اللون اصفر يلوعن الكبد هههههه
قال ابوي بعد الجلد خلاص انا بوديك واسوي لك احسن منهن
قال لا مابي ابي اسناني مصدق نفسه كنهم اسنان
اللبن الحين
قمت ادور عليهم والا اشوف العنز الملعونه تتعلج فيهم قلت جدي شف اسنانك من اللي اخذهم
العنز وباقي بس ثلاثه منهم
هاذي قصت اسنان جدي والعنز
وسلامتكم
رد مع اقتباس
المفضلات