يوميات الفاضي (((الحلقه الرابعه)))

**الفاضي** · 13-09-2002 01:58

اخواني اخواتي
اليوم ابي انزل الحلقه الرابعه من يومياتي بعنوان
[mover]الفاضي والمساج[/mover]
هذا ياطويلين العمر قلت ياولد ليه ما تسوي مساج منه نرجع شباب <<<بالله كم عمرك عشان تقول شباب:D ومنه نجرب حاجه جديده الوكاد رحت للمحل اكيد الشفايين يبون يعرفون وش اسم المحل ابي اقوله بس انزلوا تحت

مصمم انك تعرف

ليه ذابحتك الشفايه

ياخوي تعود على ترك الشفايه

يعني ما تقدر تتركه

عندي لك حل

تبيه والا تشفها

يعني لازم تشفا

جواب نهائي

عناد لك ماني معلمك

تبي اقولك حل الشفايه

ماني معلمك لانك اخترت الشفيه اول

خلاص خلاص

لاتحسب اني ابي اعلمك ابي اكمل اليوميه
الزبده اخوكم الفاضي مايدري وش الطبخه بس يسمع حمام بخار وتدليك رحت للمحل ياحول يالشفاي هههههه ماني معلمك وقلت ابي تدليك مع نساج
قال الشامي:ولك من عيوني اتبعني
قلت: ترن ماعرف شي وش اعمل
قال: ولايهمك انا راح اعلمك شوه الشغله يعني
قلت:مضبوط .قام وتلن من يدي
المشهد الاول.............

عطان(ن) منشفه
وقال:حطه على وسطك هيك وشوف هاي الغرفه وبدل ملابسك كلها
رحت للغرفه وبدت ملابسي بس مهو كله<<<بزعمه ذهين اخذت احتياطاتي وخليت السروال النص :confused: وطلعت وتلن الشامي وهو يقول من هون استاز وانا وراوه تقل عصيفير

المشد الثاني..............
غرفه صغيره وبه جلسه
وقال:خليك هون لحد ما انا اجيك اوعا تتحوك
انا طارت بوهتي وقلت ابشر على هالفنس
قال تسلملي انت والافس وقله معلم محمود يسلم عليك
انا ضيعت وقلت يبلغ انشالله ومن قو متى العشا
قال شو عشا
قلت لاسلامتك
ومشى من عندي وانا جلست وكان بجنبي ماصوره وقعدت تطلع صوت انا سكيت العافيه وصرت بالربعه وفجاه طلع بخار يوم شفت السالفه قلت ياولد لازم تصلح هالماصوره وانا اقضب الماسوره تسسسسسسسس وااااوووو |1| واقعد اخمس بالغرفه وانا انشقل بنعولي وعلى وجهي بالماصوره تسسسسسسسس وانا اجي مطبز يم الشامي واقوله عندكم بالغرفه بخار يهرب وحاولت اصلحه بس عجزت قال: ولك شو دخلت فيها روح لهونيك ورحت وجلست وقلت ياولد يمكن يدرون اوهذي طريقتهم ويمكنه كبوا جديد خلن اجلس والبخار من عندي ياما صرت ما شوف يدي تقل قبيس يوم انكتمت وقلت ابي اطلع اشم هوا وارجع يوم جيت ابي اطلع وانا اتلمس الجدار وثواني تسسسسسسسسس|1| اكيد عرفتوا وانا على طول للباب سفري واول ماطلعت يمار الي تغصن من ورا اتريه الشامي وهو يزرن داخن ويقول خليك شوي وجلس وكل ماشفته ابعد طلعت شميت ورجعت.

المشهد الثالث..........

جان(ن) الشامي ونادان(ن) وطلعت ومغطن على سرير وقعد يصبصب علي من الماء وهو يسدحن وخذ ياتهميز وخذ ياصياح مني اااااه بشويش على هونك اصبر اصبر اااه
الكلب ما خلى بى شي ما طقه حتى مختي طقت وهو يدلك راسي يوم دخت وجان(ن) النوم وقلت بعد مره يما زهق وقال شو هاد ماعنا غيرك قلت خلاص لا تزعل وهو يروح ويجيب المناشف وينشفن ولد الحلال وانا اطلع واجلس عندهم ياما نشفت بس ترون(ن) غفيت عندهم وهو يقعدن ويقول ولك روح البس ملابسك وحل عنا ورحت لبست ملابسي اتري سروالي الصغير رطب وانا اعلقه وقلت يالفاضي خله بكره تجيهم وتاخذه ورتسبت سيارتي ويوم بقي كيلوين على اهلي وانا اصفط على جنب وانزل اسدح المرتبه لاخر شي وادعس النومه|105| |105| ولاقمت الا من بكره واتفطن السروال وارجع يمه و ودور السروال مالقيته وانا اسأل الشامي
قال:هداك السروال الك
قلت: ايه
قال:للاسف ما اادر اعطيك اياه
قلت: ليه رميته
قال:لا
فاستبشرت خيرا<<<<<اترين(ن) مثقف
قلت:وينه
قالي الطامه الكبرى:علي انا لابسه:confused: اذا بدك ياه بشلحه:D
قلت:لالالالا خله عليك والله يلعن الساعه الي جيتكم به وطلعت وانا ابتسي على سروالي|8| تصدقون قعدت ثلاث ايام ما كليت

انشالله اعجبتكم اليوميه الرابعه
انتظروا اليوميه الخامسه غدا
بانتظار ردودكم
مع السلامه

**ابن جشعم** · 13-09-2002 04:29

حلقة مثيرة بالحيل ورهيبة
و سرد ممتاز للقصتك مع ابو شكيب :D

بإنتظار الحلقة الخامسة :D:D:D

تحياتي وسجل اعجابي

**الفاضي** · 14-09-2002 14:22

كفشتك يابن جشعم وش دراك ان الشامي اسمه ابو شكيب

اكيد اني هناك لالاعاده تعودله
مع السلامه

**عبدالله المهيني** · 17-09-2002 06:14

اقول والله ماظلم حظه اللي سمى المضيف فلة حجاج

خخخخخخخخخخخخخخخخخخخخ

**مفتاح14** · 18-09-2002 09:10

هههههههههههه هههههههههههههه بخخخخخخخخخخخخ

اجل تبي تصلح الماصوره ههههههههه الله يقلع ابليسك

وبعدين المخة وشلون تطق بالله؟
بس اشوا اللي طقت مختك يمكن هالطقه به له كم يوميّه :p

تسلم يالفاضي على هالسالفه وبانتظار جديدك

**الفيتو** · 23-09-2002 08:21

الفاضي

انت كذا صراحه

بس اشوف اليوم الدعوه شفايه :D:D:D

وين خططك الجهنميه :D

**محارش** · 23-09-2002 16:28

بصراحه هالموضوع من افضل المواضيع اللي قريت بمضيف فلّة الحجاج وكنت اتمنى ياخذ حقه كامل من تفاعل بقية الاعضاء .

موضوووووووووووع رااااااااااائع من كاتب متميز .

**سعد2** · 23-09-2002 20:48

السلام عليكم

انا والله عضو جديد واقرا ولا اشارك (لأني داري ان دمي ثقيل ) بس عاد

الشفايه ذبحتن

مار ابيك تعلمن وش اسم المحل ابروح يمه غديه يدلكن (ظهري به خلج)

وسلامتك

ايه صح

وابيك تعلمن ابا احطلي بيت حدر موضوعي

**الفاضي** · 23-09-2002 21:20

هلا بك اخوي سعد2

ابي احيي بك بقصيدتي المشهوره

[c]يا مرحبا ترحيبه تسبق الفار ******** لاصار في دربه ستين بسه [/c]

اما بالنسبه للمحل فلعيونك ابي اعلمك

اسمه

يا كثر الي يبون يتشفون كثرهم انا قلت سعد بس وش جايبكم

المهم المحل اسمه سهل مر ادنى افغاني وخله يخلط خلطه وتحرش به ولا تنحاش وشف وش يعمل:D هذا هو حمام البخار والتدليك<<<<<< يبي يذبحه الخبل:D

اما البيت تبيه فله والا بيت شعر والا شعبي ههههههههه

وبعدين ياخوي مانت ثقيل طينه بس زود الماء

مع السلامه وحياك

**سعد2** · 26-09-2002 02:12

يا هلا وااااااااااااااااااااااااااالله بالفاضي

اشوى يوم علمتن ولا بغيت اموت بس الشي اللي حيرن وقمت افكر به

ودوخن وحاس مريري هو انه (هاه تبي تعرف) انزل تحت

لازم

مصمل

لا لا انزل هالمره

بس ابوريك شلون سويت بنا

ايه اللي دوخن وحاس مريري هو انه(وش رايك تنزل بعد):D :D

انه شلون افغاني يقول ( هاي) (هيك)

و سلامتك عسى ماتعبت بس