وش السوات ..!!

[ليلى بنت عبدالعزيز]

كادت ان تتحقق امنيتي
لكن ماشاء الله انها تتحقق
في ليله من الليالي
ونا خلاص ادور مكان احط راسي فيه
واسمع صوت ينادي ليلى
ولا اهتميت قلت دوخت راس
ويتكرر هاللي ينادي..
وابدا اشغل المخ ورفيقه المخيخ الا فيه احد ينادي لي
وشوي وهو ينادي اسمي بدلع هنا بغيت افقد الذاكره من الفرحه
وه ياقلبي واخيرا سمعت صوت سعود >> الجني حقها الي دايم تناديه ولايرد هو ووجه يتغلى
هلا بـ سعود ارحب واخيرا تنازلت ورديت علي كش عليك>> بدت العتب العجيز
واكتشفت اخيرا انه اخوي معه ببغاء ويستملح علي به

ايه نسيت

السلام عليكم ورحمه الله وبركاته
صباحكم ومساكم الله اخواني اخواتي الاعزاء>> صح النوم من اليوم تسولفين وناسيه تسلمين

مديرتي الفاضلة...معلماتي العزيزات.... أخواتي الطالبات واخواني الطلاب
السلام عليكم ورحمة الله وبركاته

أما بعد:
مع غروب شمس هذا اليوم نبداء معكم إذاعتنا المسائيه لهذا اليوم(( )) الموافق ؟/ ؟/ 1432هـ ...
وخير ما نستهل به إذاعتنا في هذا الــمغرب((آيات بينات من الذكر الحكيم)) يتلوها عليكم الطالب/ محمد
وبعد أن استمعنا على كلام الله عز وجل نستمع إلى كلام سيد الأنام عليه افضل الصـــــلاة وأتم التسليم والطالبة/ حصوصه

والآن مع (( كلمة الصباح ))لهذا اليوم وهي بعنوان(( امي الحبيبه ))والطالب/ فلان
والآن هيا بنا إلى زاوية(( علم ومعرفة )) والطالب/ علان
والان مع انشوده اليوم للطالبه / نوره
وأخير نتمنى أن نكون قد وفقنا فيما قدمناه لكم
والسلام عليكم ورحمة الله وبركاته

هاذي اذاعه سويتها بصالتنا عشان الناس الي ماتحفظ
والمديره والمعلمات والمستخدمه وحتى الحارس وسواق التوبيس انا الله يسلمني
والطلاب والطالبات من هنا ومن هناك من سلاله العائله العريقه
وهذا تشجيع طول الاسبوع الي يحفظ الايات او الانشوده يطلع بطابورنا الي يكون مغرب الخميس

يوجد وظائف للجنسين

وسويت طريقه ثانيه

اقرا وياها النص او الايات ونسجلها بجوالي واخليه معها مع التكرار
شوي شوي وتحفظ
ومره من المرات مدري شسوت بالجوال وحطته نغمه عامه
وصادفت اني بالسوق
ابسكته عجزت ونا امعط بطاريته
وكان فيه شله بنات ماتوا ضحك على الاصوات الرنانه.. جت وحده منهن بالله ابي النغمه ذي ياخاله
قلت لها :ذي حصريه ياشاطره

هاه عاد كل واحد و وحده يقول وش طريقته بالحفظ
مع عياله
و
مع طلابه

بحفظ الباري جميعا..

[بنت الجبل آخت القصيد]

الللي مايحفظ يعيده الغلط 30 مره

واللي مايجيبه من بكرى تندبل


^
^

هلا ليالي الله حيه شلووونك << ترد قبل تسلم


شوفي طريقتي مع بناتي طالباتي
يحفظون بالتشجيع والثواب
انا مسويه لهم مسابقه
كل اسبوع اختار " نجمه الصف "
وشغله ثانيه سويته " ملكه بـ آخلاقي "

مو صايره مذبحه بالصف كل وحده تبي هي
الحين ابي اكرمهم نهاية الفتره مدري شـ أهدي لهم ؟


اثناء الدرس
لو كتبت على السبوره شيء
اخليهم يردون وراي كتتاتيب الله وكيلك
.
.
وغالبا الصغار اثبت لحفظهم الكتابه
يحفظ ويعيده بالكتابه احسن لهم

الله يـاجركن مذاكره لهم متعبه

[عبدالرحمن]

حنا وين بمدرسة ولا انا حلمان
بالتعليمي لا بالترفيهي لاوين مهو بس لا واحد
اكيد حنا بمزاين ام رقيبة بعد كلا وكلاوين
حنا وين؟ حنا ضيوف عند الشبث ومسوي بنا مقلب
ايه ايه حنا بفيضة العجز مفرد عجوز مع التكبير مهو التصغير

والله يا اختي القديرة يا ام محمد لكل نفس طريقة في الترغيب في الدراسة
فبعض العيال يحبون التشجيع المادي والبعض المعنوي والبعض الترفيهي
والبعض الشومي والبعض ماينفع معهم شي
لكن ينبغي لولي الامر ان يبذل جهده في التربية حتى يؤدي الامانة
التي اوتمن عليها.

تسلمين القديرة ام محمد على ادخالنا الاجواء المدرسية.

[صلفيق]

^
^
عبدالرحمن ابتل لاتاقف بالفيضة
ان وقفت تسلّم ماوالله تطلع !
بس خلّك باتل بعزمك للجال

أي تعليم وأي خرابيط اللي تقولون !

اييييه صح ـ اثري أم محمد صاحبة الموضوع..

الله يصبحك بالخير ام محمد

والله شوفي عاد ، يوم جاء التعليم وطاري التعليم..
ماوالله ينفع معهم الا العجرا....
وانشدوا طلال ـ هذاهم مبيدين حيله ويفكر بالتقاعد من هالحين.

والا عطر ،،، هالسنة عدت على خير
لكن نشوف رايك السنة الجاية..!


تشكرات أم حماده

[ابو ضاري]

بوه وظايف يرسل الملف الاخضر


تختلف من شخص الى شخص

احيانا تشجيع بالهدايا والدراهم لكن اهم شي تربيه الطفل قبل الدخول في تعلمه

اشكرك اختي ام محمد





اه على زماننا الاول ياكلينا من الخيزرانات ........واسالي الشبث

ايام مدرسه خشم العان

[الشبث]

ياااحيالله ام محمد


والله انا ولدي ما يدرس



ولا عندي طلاب



بس اذكر اول يوم حنا طلاب


الله من الجلد اللي يجينا




ياكم عصا انكسر علينا



واول المدرس اللي ما يضرب نطنشه هو ودروسه


اما اللي يمحطنا نحفظ حتى رقم الصفحه





واسئلي ابو ضاري عن الكفووووف اللي اكلهن ههههههههههههه







منوه يا ام حماده


ولا تقاطعين الفله



وتقلدي تحيتي

[جمران]

بوه وظايف يرسل الملف الاخضر

حاليا بالشقه ماعندنا لكن حط ملفك عند ابو رافع



اه على زماننا الاول ياكلينا من الخيزرانات

تستاهل بين وجهك ماهو قليل شر

اما انا ماأداني الحفظ

افهم اي شي رغم اني دايم مفهي بس ماأحفظ



الوكاد ان احسن طريقه للحفظ الكتابه


شاكر لك ليالي

[عبدالله الجعيثن]

هلا ليالي




الحمد لله انا حفيّض وعيالي طلعوا لي




وابشرك ما بلش معهم بالحفظ ابد




بس تسان الببغاء ينطق " جعيثن " صح ابشريه منك

[ليلى بنت عبدالعزيز]

الللي مايحفظ يعيده الغلط 30 مره

واللي مايجيبه من بكرى تندبل


^
^
احسن

هلا ليالي الله حيه شلووونك << ترد قبل تسلم

حياك الباري بخير ابشرك


شوفي طريقتي مع بناتي طالباتي
يحفظون بالتشجيع والثواب
انا مسويه لهم مسابقه
كل اسبوع اختار " نجمه الصف "
وشغله ثانيه سويته " ملكه بـ آخلاقي "

مو صايره مذبحه بالصف كل وحده تبي هي
الحين ابي اكرمهم نهاية الفتره مدري شـ أهدي لهم ؟

شباصات من ابو ريالين


اثناء الدرس
لو كتبت على السبوره شيء
اخليهم يردون وراي كتتاتيب الله وكيلك
.
.
وغالبا الصغار اثبت لحفظهم الكتابه
يحفظ ويعيده بالكتابه احسن لهم

الله يـاجركن مذاكره لهم متعبه

الله يكثر من امثالك
نورتي عطروش

[ليلى بنت عبدالعزيز]

حنا وين بمدرسة ولا انا حلمان
بالتعليمي لا بالترفيهي لاوين مهو بس لا واحد
اكيد حنا بمزاين ام رقيبة بعد كلا وكلاوين
حنا وين؟ حنا ضيوف عند الشبث ومسوي بنا مقلب

المهم انك ماتضيع لان ابو سلطان مسكر الباب تدور وترجع
ايه ايه حنا بفيضة العجز مفرد عجوز مع التكبير مهو التصغير

ماعليه ايها الشايب

والله يا اختي القديرة يا ام محمد لكل نفس طريقة في الترغيب في الدراسة
فبعض العيال يحبون التشجيع المادي والبعض المعنوي والبعض الترفيهي
والبعض الشومي والبعض ماينفع معهم شي
لكن ينبغي لولي الامر ان يبذل جهده في التربية حتى يؤدي الامانة
التي اوتمن عليها.

تسلمين القديرة ام محمد على ادخالنا الاجواء المدرسية.

ربك يعين
كل واحد منهم له طريقه حفظ بس المشكله لازم التجديد عشان النفس ماتمل

تعطر الموضوع استاذي الكريم