اقول في احد كصايدي
اشتكي لوسادتي دنياي واسمع له فحيح
لحد يقولي هذي حقت نواف بن فيصل
هو يقول واسمعها تنوح
وانا اقول اسمع له فحيح
يعني فيه فرق
<< حشى مهي وساده متوسدن داب الاخ
قبل سنين
سكنا في حاره جديده
كانت هالحاره مهي مثل اللي قبله
لانه جديده ولا فيها بقالات كثير
وبعد كان به اشجار كثير
اما الاوله ممحله الملويه
ولا تأقلمنا بساع مع الجيران
كلن لحالوه
وعيال الجيران ما يقربون لنا حيل
وحنا بعد ما نعطي وجه انا واخوي الكبير << وشعندهم هاري ووليم
المهم
بيوم من الايام جت امي قالت شبيثاااااااااااان تعال ياملا ابو زويعه
وانا اروح يمه
قلت لبيه يالحد الجنوبي وجيناك
امري يمه
قالت ابيك تروح للبقاله وتجيب لنا غرضان
قلت يمه لااااااااااا
حنا الحين بالليل
وحارتنا هذي تخرع بالليل
يمه خلي فلان يروح << اخوي الكبير
قالت امي لاا انت تروح ليه منت رجل
قلت يمه بالله جاني عفريت من الجن ولقطن
وش تنفعن بوه المراجل يوم لا يغني عني لا ابي ولا انتي
قالت اقول اذلف جب لنا الغرضان بسااع
وانا اروح امشي
وكل هطوه اراعي لجميع الاتجاهات
والمصيبه
قبل البقاله فيه شارع كلوه شجر
وظلااااااااام <<< يبي يسوي جو رعب
وانا اخش مع هالشارع << طبعاً شارع مشاة مهو شارع سيارات
واوصل للبقاله
واخذ الغرضان
قلت عبدالحليم << راع البقاله الهندي
شرايك تروح معي ليما توصلن للبيت ولك ريال
طنشن معلون الرقبه
واروح اهيم على وجهي في طرقات مظلمه
لا اعرف ماذا سيظهر لي في هذه الظلام المدمس
وفجأه
وفجأأأأأأأأأأأأأأأأأأأأأأأه << يبي يسوي جو رعب بالغصب
على طاري فجأه
عندي نكته
فيه واحد توه متعلم كلمة فجأه
راح للبقاله
وقال بالله عطني ببسي وفجأه عطني لبن
المهم
فجأه
واشوف هذاك الزول اللي يخرع
زول مره
لابستن عباه
يمه
ياربي وين ازبن
طيب والغرضان وش اسوي بهن
كان معي بالكيس روب ( زبادي مدري هو المراعي ولا الصافي ) وقشطه وخبز وفجل
وخيار وصلصة ونعولي << متولم للهربه)
قلت ابشوف اخرته
اخاف تطلع مره صحيح وتضحك علي
يوم قربت للزول
وهو يصيح
وااااااااااااااااااااااااااااااااااااااا ع
قلت بلا واع بلا هم
امسك الروب ومشتقاتوه
وانا ادعس
بهكا الوقت كنت توني مغير البواجي ومركب بخاخات على كيف كيفك
وطيران من جنبوه
ويلحقن
وافررررررك
امشي ثلاث الاف كيلو طن بالثانيه
من سرعتي رجليني ارتفعن عن القاع
وهو وراي
انا اراعيلوه واركض
اثريني انحرفت عن المسار الصحيح
ويطلع لي كيبل كهرب
بس اشوى جاب الله بابوه مسكر
واصفق بوه
طبعت واجهيتي على الكيبل
وانا انصفر
اثري هاللي يلحقن اخوي الكبير
قال يبي يسوي مقلب هو وخشموه هاللي تقل ممصع بوجي
ويراعي ولا منصفر
يبي ماء ولا ما حولوه ماء
ويلقط الروب ويصبوه على وجهي
ويحوووووسن حووووس
ويالله اصحي
ومنه امي ما ترسلن الا بالنهار
ذالتن علي من الكهرب
وتقلدوا تحيتي
رد مع اقتباس
المفضلات