وش لي بقلبي دامك النبض فيني

[نافع بن طواله]

[GASIDA="type=2 title="وش لي بقلبي" color=#CCFF99 width="100%" border="none" font="bold x-large diwani" bkimage="""]
ياللي خذيتي مني القلب مابيه= وش لي بقلبي كانك النبض فيني
هو شاف زولك والهوا ساكنٍ فيه= عليه خايف والهوا يهتويني
هذاك قلبي تايهتبه خطاويه= طيفك غدى ازمه لقلب ٍ متيني
احب طيشه والخطر في مماشيه= درب الخطر زوّد حلاوة سنيني
واثق من احساسه وانا بس تاليه= الموت والله لو يزيد الونيني
وان كان لك خاطر تروحين هاتيه = قلبي واعرفه لاعشق ما يبيني
ردي لي النبض بعروقي اببكيه = قلب ٍ وفا لك مااضنه يجيني
حاضر وغايب في غيابك مشاريه= مكتوب لي عايش وقلبي نسيني
فيك العوض خلا مكانه وسدّيه= الجوف خاوي والضما في وتيني
وابدله قلبٍ تركني ولا ابغيه=وش لي بقلبي دامك النبض فيني
[/GASIDA]

[هند القاضي]

مشاعر متدفقه كٌتبت بـ إحساس صادق

القدير / نافع

صح نبضك ودام قلبك لها وبِها

[كبرياء انثى]

كبرياء انثى

[هايس الشمري]

وش لي بقلبي دامك النبض فيني..



عذبه يا نافع..




صح لسانك على هالابداااع..




تقديري.. و اعجابي..



أخووك

[متفاائل]

صح لساانك الف على هذه الرائعة

تحياتي

[عبدالله الجعيثن]

روووعه




نافع الطواله



شاعر جزل ومبدع



لاهنت يالذيب

[الشبث]

صح لسااانك يابو طواله


مبدع كالعاده


وتقلد تحيتي

[ابن حزمي]

ياشييييييييييييييخ تفضل بقأمتي الخاصة
لك كل الحتراااام والتقدير
أرق سنووووووووووووووووووووود
ومية مرحبااا اطلآله اروع من الروعه
أخـــــــــــــوك

[رحيل الوهبي]

صح لسانك

يا نافع الطواله

اسم يغني عن التعريف

في كل شي مبدع تحيتي لقلبك وقلمك

مروري المتواضع لمتصفحك شرفي الكبير

[رادار الحرف]

نافع الطواله
كل النعم بك وبالعرب اللي انت منهم
ونصك جميل جدا في معناه وروعة مرماه.
ولي ملاحظه قد تكون خطأ مطبعي
اتمنى مراجعتها في:


ردي لي النبض بعروقي اببكيه = قلب ٍ وفا لك مااضنه يجيني

ليست على البحر


رادار الحرف