السلام عليكم ورحمة الله وبركاته
أسعد الله جميع اوقاتكم بالخير والمسرات
قصيده في شخصية غالية على قلوبنا جميعاً
في الملك عبدالله بن عبدالعزيز حفظه الله وشفآه
برعاية الرحمن تهناء ومحفوف
والعافية بأدراجها سيدي إرق
الشعب نصفه انزلق فيه غضروف
والنصف الآخر صار يشكي من العرق
نطلب من الرّواف في حالك يروف
يا لله ياللي تحصى الغرب والشرق
يا لله ياللي تعلم الخلق وتشوف
لطفك إله الكون أسرع من البرق
إلطف بمن هو بالمعاريف معروف
عبدالله اللي بالملازيم به فرق
أسد أسد وبالطبع يا ناس مألوف
وعداه يحرقهم ليا من زأر حرق
ملك عطوف فيه من ربنا خوف
نزيه كف واضح ما يجي درق
للشعب كله دائم شفق ملهوف
سافر وهو يوصي على الشعب والطرق
يا لله تجيره من بلاء الوقت وصدوف
سرق قلوب الشعب من طيبته سرق
متواضع مكشوف والأنف به نوف
يا شافه الخائن طرقه البلاء طرق
مبدأ الشفافيه مباديه به شوف
ما هو على الدنيا شفوق ولا هرق
يا لله يا معبود يا خير موصوف
يا سامع النمله ويا سامع الورق
نرفع لك الدعوات بقلوب وكفوف
تشفيه من غضروف الأعصاب والعرق
للشاعر /نواف نهير العلوي الشمري
رد مع اقتباس
المشاركة الأصلية كتبت بواسطة راع الجمريه
المفضلات