بالخير عليكم
وشلونكم
كل عام وانتم بخير وصحة وسلامة بعد الزحمة
/
والله يا فات سناعيسو هالتعيين
لو هو بهاه تسان هالحين محصلن لوه منصبن ماهو بصيط
اتوقع مع حركة هالتعيين الجديدة .. يبون يعينونه النائب الثاني و المفتش العام
بس راحت عليك يا سناعسو ...
اكبر تحيه له بغيابه
/
هكا اليوم جالساتن انا وعشيراتي بنات عمي والزقرتات ونتذكر ايام الطفولة يا عل ما عاده
هالسوالف اللي تقود الوجه عاد ههههههههههههه
وهن يفطنني بلهن سالفه ماداني طاريه
الله لا يبارتس بهن
وانا اسوي روحي تسني ناسيته ولا اخبره
بس ماش سبيعات الابو .. خابراتن السالفه بتفاصيله ههههههههههههههههههه
هذا سلمكم الله يوم انا وغده
على اول تغطيتي
عمامن لي ما يجون الا بالعطلة التسبيره
وانا تغشيت باول الدراسة
يوم لهست شوين على الغطوة
وتقل تعودت
جت العطلة وجو عمامي
وعمامي هذولا كان ولدهم عشيرن لي انا واخوي قبل لا اتغشى
اكبر مني بحول ثلاث سنين
بس اخويا .. انا وهو واخوي ... نحن السرابيت الثلاثة ههههههههه
ولهم عيال كبار واجد
عاد يوم جو وهم يسكنون عندنا
يعني حتى اخواني ما اقدر العب معهم ..
وهو يفوت اول يوم ... وانا مع البنات وصابره
اول ماهنات كنا نلعب حريم وبعدين جلسنا نسولف ونسوي تسريحات وسوالفن توجع التسبد
شوفيني احلا منتس لا لا هذيتس احلا منتس
ونلعب شبرا امرا
وانا اسمع صقع الكورة بالارض ويوجعن قلبي ..
وحالتي يرثى لها اكا اليوم
و كنت العن المجتمع اكا اليوم
هههههههههههههههههههههه
ههههههههههههههههههههههه
يوم جاء من باتسر
وهي تتكرر السالفه
وانا مانا لاهستن على هاللاعبيب الماقسه
والله وانا البس عباتي ونقابي وانا ادخل على العيال
يمار يلعبون بلاستيشن كورة
وانا اراعي يمار ولد عمي اللي هو خويي
واخوي الصغير يلعبون
وانا اشوت اخوي الصغير واخذ اليد منه
واباري ولد عمي
انا وعباياتي
وهو يسحل بي هدف و انا العنه واشتمه واقول لا تغشششش ياحيوان
الا على دخلت عمي ..
قال بسم الله هذي وشي
ويراعي لي بنظرات مدري وش تبي
متهولن من هالمرايه اللي بوسط مجلس الرجال وتلعب بلاستيشن لا وتلعن وتشتم
قال اخوي الصغير هذي شرهه
وهو يذبحه الضحك .. ويجيب ابوي
عاد ابوي قال يا بعد تسبدي اجدعي العباي ماعليتس
واخواني الكبار مسوين فيها .. يغارون
ما لهم الا انا ويتفرعنون علي
وواحد منهم يراعي لي بطرف عين ويمشي صبعه على رقبته
يعني اوريتس
واراعي لعيونهم يمار تقل سعالوه
بعد وجيه ..
وانا انخررررررررش وانا اعيي لا اجدعه
وادخل داخل منخرشن قلبي
عاد هذا اخر علمي ... باللعب مع العيال
عاد اعتزلت اللعب كلوه ...
ماداني لعب البنات ويعنني اتكبر عليهن
عجزت اتقبل انني انثى
ههههههههههههههههههههههه
وانا اشطف البني وانا اروح اخاوي العجز
والله يا معرفتهن تجارة
اخر وحدة من عشيراتي ايام المراهقة ... توفت العام
الله يرحمه ويسكنه الجنة
>>>>>>بالله وش قايدن وجهتس تقولين هالسالفه
ودي امسحه بس انني تعاجزت
رد مع اقتباس
المفضلات