الدوري الثقافي : الجولة الأولى .. العنوان ... الموعد ... تصريحات ... آراء

**متعجب** · 28-11-2010 13:26

اووكي boss

**عبدالرحمن** · 28-11-2010 13:38

بلغت عنه لجنة التحكيم بسبب طلبه للرشوة

وبكذا أكون ضمنت الفوز وهارد لك للبقية

اللجنة لديها علم ودراية بمثل هذه الفنون

نعم نحن نضع في الاتجاهات الاربعة عميل!
وفوق الاربعة خبرة عقود طويلة
في فن الايقاع بالخصم في قاع القاع

لهذا ننصحك بترك القيادة لنا والتمتع بالرحلة

**متعجب** · 28-11-2010 13:43

^
^

يا خوي اللي يسمعكم يقول طالب مليون استرليني

كلهن كم حبّة لقيمات وياليت ينبلعن ياقفن بنص بلعومك

**ريم شمر** · 28-11-2010 16:20

متعجب لازم الواحد يكون واثق من نفسه

حتى لو حرامي او مرتشي يمشي وهو رافع راسه

والمبادئ ماتوكل عيش

توني شيكت عالرصيد والامور تمام

شف لك احد مطخطخ ومشي حالك معه وخلك من ابو التعدد والتمدد ماعنده الا الحتسي

كني سامعه ان ابو ثوب جايه ورث من خاله الايطالي

ضبط امورك معه

**منصور الغايب** · 28-11-2010 17:39

الحقيقة ... كل يوم ازداد اقتناعا بجمال هذه الفكرة ولله الحمد

استطعنا أن نخرج أبو سلطان عن صمته ليتحفنا برائعة ومازلنا ننتظر بقية الأساتذة

واستطعنا ان نجتمع صبحا وعشية بهذه الكوكبة الجميلة من الأعضاء

والقادم سيكون مذهلا بإذن الله ...

**الجازي** · 28-11-2010 18:24

المشاركة الأصلية كتبت بواسطة ريم شمر

متعجب لازم الواحد يكون واثق من نفسه

حتى لو حرامي او مرتشي يمشي وهو رافع راسه

والمبادئ ماتوكل عيش

توني شيكت عالرصيد والامور تمام

شف لك احد مطخطخ ومشي حالك معه وخلك من ابو التعدد والتمدد ماعنده الا الحتسي

كني سامعه ان ابو ثوب جايه ورث من خاله الايطالي

ضبط امورك معه

ياعمري أنت

ريومة إلى متى بتستمرين على طيبة هالقلب والحبابة !!

حتى وأنت حرامية طيبة قلب

العالم يشتغلون من تحت لتحت وأنت ياعمري أنواع التصريحات

تحسبين الناس مثلتس صريحين وواضحين وما عندهم حاقات مستخبية

لا وفزعة مع متعجب تنصحينه بالملايين

بلاتس والله ماتدرين وش قصده باللقيمات

اللقيمات ياحبيبتي في قاموس متعجب زي الأرانب في قاموس إخواننا المصريين

الأرنب يعني مليون جنيه مصري قنيه ينطح قني

واللقيمات عند الأستاز عضو لجنة التحكيم معناها ملايين

بس اللقمة عنده مو مليون جنيه

لا

مليون دينار كويتي

يالهوتي

شوفي وش قال بالضبط

(( كلهن كم حبّة لقيمات وياليت ينبلعن ياقفن بنص بلعومك ))

أنت قريتي هالجملة وفهمتيها على ظاهرها

لكن هذي شفرة تجار المافيا

معناها كلها كم مليون دينار وياليت ينبلعن

والا وش قصده بياقفن بنص بلعومه ,, إلا إن المبلغ كبير ومتوهق به

وتعرفين عقوبة غسيل الاموال

ياقلبي بس ياريومة

ماتدرين عن بلاوي هالشنبات

**الجازي** · 28-11-2010 23:47

إلا صحيح عندي سؤال

ينفع أعلق على مشاركات المنافسين وأشرشحها

عشان أفتح عيون اللجنة على بعض الأخطاء اللي ممكن تنقص نقاطهم <<< أبوتس يالنذالة

شبيثان يا أنا ودي أعلق على موضوعك بس لو أضمن إنهم ماينقصوني درجات تسان تشوف العز

الظاهر بتخلص المدة وأنا ماحطيت مشاركتي

إلا ماينفع تقيموني بناءً على مشواري المضائفي في كتابة المواضيع وتفكوني من عصر الأفكار

<<<<<<<<<<< آوت

**عبدالرحمن** · 28-11-2010 23:59

شبيثان يا أنا ودي أعلق على موضوعك بس لو أضمن إنهم ماينقصوني درجات تسان تشوف العز

اول شي يمنع التعليق ثاني شي انتي بردك اعلاه قد علقتي على الموضوع
وقد لا تعلمين بان تلميحك هذا هو بمثابة تعليق وتعليق واضح لي جدا

لكن امتنع عن الافصاح عما قلتيه بدون ان تكتبه حتى ينتهي التسابق!.
لا عاد تعودينه ياخالة عنبر بلال الخمسينية

:
<<بعدين لا تقلدين ووش اجمعك معي بنفس رقم المشاركات الميات

**متعجب** · 29-11-2010 11:23

شوفي وش قال بالضبط

(( كلهن كم حبّة لقيمات وياليت ينبلعن ياقفن بنص بلعومك ))

أنت قريتي هالجملة وفهمتيها على ظاهرها

لكن هذي شفرة تجار المافيا

على قولت حسنين البرطوشي,,,,

فأستيها

**الشبث** · 29-11-2010 14:53

اليوم نشر الاصيل واختنا سارا الرياض مقالاتهم

وقبلهم كان ابو سلطان

ومازلت اترقب المهيني

المهيني كان يمشي

كان يمشي فوق رمشي

اعجنوه بهدواء

وانا اعطيه نعشي

بالتوفيق للجميع

ومدري ليه

اول مره احس اني ودي اطلع الاخير

لانهم كلهم اغلى مني عندي

بس

هذا ما يمنع ان فيه وجود لتجاوزات واااضحه من اللجنه المنظمه بقيادة ابو عبدالله

اوووما اللي من تحت الطاوله

صار اكثر من اللي فوقه

يا ملا اللي

طيب انا منزل موضوعي قبل ابو سلطان بيوم

والردود والمشاهدات لابو سلطان اكثر

وش معناته ؟

بعدين شوفوه اللي رادينن علي واللي رادين على ابو سلطان

اللي رادين على ابو سلطان

مميز

اسطوري

ياااشيخ منين جبت هالمفردات

ياخي وش هالاسلووووب يا رااااااائع

انت شي ثاني

واللي رادينن علي

شكرا

جزاك الله خير << هذا اطنخهم

مشاركه حليله << حليله بعينك

يعني يالشبث مقالتك كويسه << ياملا الكوسه اللي تصفقك بالصابر

حسيت اني غريب في مضايفي يا اخوان << ابووووك يالمشهد التراجيدي

وتقلدوا تحيتي