الســــــــــــــــــــلام عليكم ورحمـــــــــة اللـــــــــــه وبركــــاته :
اخـــــــــــواني الاعــــــــــــزاء عيـــــــــــدكـــــم مبــــــــــــــــاركــ وعســــــــاكم مــن عـــــــــواده
هذه القصيدة من قصائد الشاعر المرحوم / راضي بن فهد الربوض الشمري
احببت ان انقلها لكم ... اتمنا ان تنال اعجابكم
قالوا يجيبك لزوم وقلت جايبني
قالوا تعلم و قلت العلم يقرابه
ياللي ترد السؤال أرجوك سيبني
لا تبحث الجاش عن شي (ن) تهذابه
مثايلي عن نوايا القلب يعربني
وليلي قمر ما عليه غروس يسرابه
مشي (ن) بوضح النقا ما هو معيبني
وأما العذارى يبيهن كل مهزابه
اللي مجرب وطيب ما يعاتبني
واللاش ماني ورى درواه وعتابه
عز الله أني نظرت وشفت وأعجبني
خشف (ن) عفر يا تولى القلب ولابه
صدفه نطحني ومقسوم (ن) يعذبني
عبثٍ تساوق سهوم السحر بأنيابه
أنقذني جنب رمش العين صوبني
وإليا نطحني يشع الموت بعذابه
سيف الهوى من خدوده قام يضربني
يا ما تشابك ثمر قلبي على انصابه
يمه حبال الهوى بالحب تجذبني
جذب الرشا بالكواكب يوم يدلابه
شن الحرايب على قلبي وحاربني
والحب يازين ما هو ذبح وإحرابه
عندك خبر سنته عاهد وصاحبني
وان كان له شرع نبي الشرع واطلابه
إما فلجتن بحال إنك أتطالبني
وألا حكمتك بسلم (ن) فاتح (ن) بابه
لا تحاول إنك تريح وإنت متعبني
ما دام يتعب رفيقك ثمن أتعابه
بين أبعدن عن رجاك وبين قربني
يا زين الأرماش ركض الماش ماأرضابه
تهون تجنيبتك يا قلت جنبني
وقلبي عن المنتحي ما يصعب إجنابه
على جوابي كحيل العين جاوبني
وأرخص بغالي جوابه ما تغلابه
رد وتبسم وسلهم لين ذوبني
بعيون سود خروس السحر تسقابه
أرموشهن من جذوع الغرس يشربني
تشبه عيون المهات بحاجر الغابه
بخدوده الشارتين اللي تراكبني
دش البياض الحمار وحار وأوضابه
نطحته الشمس بعصير أمس كهربني
ما ذرته غشوته وألا تغشابه
شفايفه حمر ما لازم يخضبني
خضبهن اللي انزل الفرقان وكتابه
ماله شبيه (ن) يشبه به مكذبني
زينه تقفا هبوب البيض وأقفابه
لو العذارى بحفل العيد يلعبني
بالغصب تقني لزينه كل لعابه
ما شفت مثله تحت بيت الشعر مبني
والدور ما ادري عن اللي من وراء أبوابه
على السهر ظامر السرجوف دربني
يا ما تعلمت سهر الليل بأسبابه
نوب (ن) تدوور رضاي ونوب تغضبني
يمر شوفه ثواني ما أتهنابه
تلمح كما البدر يكشف لي ويسحبني
كشيف برق (ن) يشع بغيم نهابه
يا زين عن شوف زولك لا تخيبني
صورة خيالك إلى مرة تمرابه
رد مع اقتباس
المفضلات