مشل بن طواله يغرز الخنجر عند راس الخصم

[الحيمري]

مشل بن طواله من شيوخ الاسلم

ينسبون له سالفه من السوالف اللي قليل من الرجال وقت الزعل يحكم العقل
يقولون صار يوم من الايام بينه وبينن رجل من اعيان شمر اختلاف على ناقه

كلا يقول هذي لي وهي من ابل الاعداء في ذاك الزمان وعسالله يديم الامن
قال مشل لخصيمه انا ابي تمشي لي حق عند احد عوارف شمر اما الناقه
تاخذها مني من عند العارفه او انا اخذها بحق اللي تحتكم به كل القبايل

قال خصيم مشل الناقه هذي لي ولاني ماشي لك حق لاي عارفه واللي تقدر
تسويه سوه قال مشل اذا مامشيت لي حق عند اي عارفه تراني اجيك واذا جيتك
تراني خذيت روحك يعني اذبحك لكن انا ابي العارفه بخل بك مابي اذبحك قال يامشل
انت تعرفني والله اني مامشي لك واني ماتقدر تمر على جثتي رح قال مشل خذ حذرك
وانا اخو صلفه مشي مشل يم اهله وهو ناوي يذبح هذا العنيد جلس له ايام حتى سنحه
له الفرصه

خصيم مشل رجل شجاع وكريم ودايم الناس اللي ميسره احواله نازله حوله يقول جاء مشل
يم الخصم وهم في ايام الشتا برد ومطر يقول خصم مشل ذابح له حايل من الابل للعرب اللي
حوله والناس وقت جوع تعشو الناس واخذو من لحم الحايل وكلا سراء يم اهله خصيم مشل يوم
سرت الناس صوت الزوجته ومشل قريب منه يسمع الكلام بينه وبين زوجته قال يام فلان عندك لي
عشا قالت عندي خليت لك قلب الحايل قال انتي اعطيتي حريم الجيران من العشا قالت نعم كلهم
اعطيتهم اللا فلانه الرملا مابقي عندي شي قال خوذي عشاي وديه لها قالت وانت قال الله هو المعطي

مشل يسمع هالكلام
قال مشل هالحين ان ذبحت فلان من يعشي هالرمل وهالعجز لكن تدري نبي نشوف لنا طريقه ثانيه
جلس مشل حتى نام خصمه وهو يجيه وهو يحسب الخنجر وهو يغرزها عند راس الخصم وهو يمشي
ويتركه وقتهم قبل الفجر يوم قعد من النوم خصم مشل يهاذي الخنجر مغروزه لنصاب على طرف فراشه
من عند الراس قال والله اني ادري ان مشل اذا قال فعل بس انا يوم اقول ماتقدر تمر جثتي ابي اغثه

لكن تروه ماهو بعيد الحقوه قاموا الرجال ولحقوا مشل قالوا حنا طالبينك ياخو صلفه تمشي معنا يم خصمك
رجع مشل يم رفيقه قال ليه ماذبحتن قال تحمد الله ثم هالعجز وهالارامل اللي انت كل ليله تعشيهم وخصوصا
فلانه اللي انت ارسلت عشاك لها قال خصيم مشل ياخو صلفه خذ الناقه واللي تبي من ابلي خذه قال مشل
يوم اعترفت بحقي قدام الجميع الناقه لك -----------------------------------------------------------------------

ولكم تحيه

[عبدالرحمن]

قصة معبرة عن معدن رجولة الرجال النبلاء.

الف شكر لك الاخ العزيز الحيمري.

[أبو فهد]

عفية يبو منيف



بارك الله بنانك





-----------------
أبو فهد الهمزاني

[الحيمري]

شكر اخوي العزيز/عبدالرحمن
على مرور وتشجيعك

[الحيمري]

تسلم ابوفهد الهمزاني
وشكرا على مرور عافاك الله

[شمــf16ـر]

اخوي القصه فيها خطاء كبيروالقصه هي ان رجال من الطواله اسمه {سالم بن ناصر جد من اجداد الطواله}ويكنى ايضا اباالرمل لانه كان اي واحد ووحده ارمله تجي عنده وتسكن عنده وهو حالته الماديه ضعيفه شوي المهم به رجال اسمه كهموس ابن شرار من الثابت من شمر وكان شجاع وسمعته بالعراق مخيفه وسوى صلح مع عنزه انه مايغزي عليهم وعنده خنجر اسمه ذهيبه لانه مصنوعه من الذهب وهي معروفه عند العرب المهم وغزى سالم ابا الرمل على عنزه وكسب من الغنايم كثير ويوم غزى عليهم قال انا كهموس ابن شرار اعطوني حلالكم ولا هجمت عليكم وكهموس كان شجاع وقوي وخافوا على انفسهم وخذا حلالهم ونكس وراحو عنزه عند كهموس بن شرار وقالو انت غازي علينا واخلفت الصلح وحلفلهم انه ماهو ودرى كهموس بن شرار انه سالم ابا الرمل انه هو الي غازي عليهم وسالم بام رضمه واتى كهموس من الشط يبي يذبح سالم يوم جاء ببيت الشعر تغيب بالحشيش حق الخيل وهو يسمعهم قال سالم اديتي عشاء لفلانه قالت مرته لا والله نسيت قال خوذي عشاي ووديه يم فلانه ودت عشى سالم للارملهونام سالم هو ومرته بقطيفه وشاف كهموس سالم عمله بالارامل قال اذا ذبحت سالم من يعيش الارامل الي عنده قال بليا الصلح كله مع عنزه وجاء وغرز خنجره ذهيبه على القطيفه معانته ان كهموس جاهم باليل وقعدوا الصبح ولقى خنجر كهموس عنده وقال لربعه دوروا عن كهموس وكل واحد راح باتجاه ولقوا كهموس بطريقه رايح يم العراق قاله ارجع ياكهموس ولك الامان مني ورجع كهموس يم سالم وعغداه وعشاه ثم رحل كهموس و هذكل القصه وروايتك كله خطاء ومشل ماله علاقه بالقصه الا ان سالم من اجداد مشل بن طواله ومنقوله من ابوي ووكاد هذي القصه على وجهه الصحيح والسلام تحياتي ابن طواله

[الحيمري]

اخوي القصه فيها خطاء كبيروالقصه هي ان رجال من الطواله اسمه {سالم بن ناصر جد من اجداد الطواله}ويكنى ايضا اباالرمل لانه كان اي واحد ووحده ارمله تجي عنده وتسكن عنده وهو حالته الماديه ضعيفه شوي المهم به رجال اسمه كهموس ابن شرار من الثابت من شمر وكان شجاع وسمعته بالعراق مخيفه وسوى صلح مع عنزه انه مايغزي عليهم وعنده خنجر اسمه ذهيبه لانه مصنوعه من الذهب وهي معروفه عند العرب المهم وغزى سالم ابا الرمل على عنزه وكسب من الغنايم كثير ويوم غزى عليهم قال انا كهموس ابن شرار اعطوني حلالكم ولا هجمت عليكم وكهموس كان شجاع وقوي وخافوا على انفسهم وخذا حلالهم ونكس وراحو عنزه عند كهموس بن شرار وقالو انت غازي علينا واخلفت الصلح وحلفلهم انه ماهو ودرى كهموس بن شرار انه سالم ابا الرمل انه هو الي غازي عليهم وسالم بام رضمه واتى كهموس من الشط يبي يذبح سالم يوم جاء ببيت الشعر تغيب بالحشيش حق الخيل وهو يسمعهم قال سالم اديتي عشاء لفلانه قالت مرته لا والله نسيت قال خوذي عشاي ووديه يم فلانه ودت عشى سالم للارملهونام سالم هو ومرته بقطيفه وشاف كهموس سالم عمله بالارامل قال اذا ذبحت سالم من يعيش الارامل الي عنده قال بليا الصلح كله مع عنزه وجاء وغرز خنجره ذهيبه على القطيفه معانته ان كهموس جاهم باليل وقعدوا الصبح ولقى خنجر كهموس عنده وقال لربعه دوروا عن كهموس وكل واحد راح باتجاه ولقوا كهموس بطريقه رايح يم العراق قاله ارجع ياكهموس ولك الامان مني ورجع كهموس يم سالم وعغداه وعشاه ثم رحل كهموس و هذكل القصه وروايتك كله خطاء ومشل ماله علاقه بالقصه الا ان سالم من اجداد مشل بن طواله ومنقوله من ابوي ووكاد هذي القصه على وجهه الصحيح والسلام تحياتي ابن طواله

الشـــــf16ــــمر
هههه
والله اسمك خطر انا مستلسلم عجزنا نقاوم اللي بالارض واللا انت بسما
هههههههههههههههه

انت صادق وهل القصه متوهمين

بعدين وشو بن كهموز يمكن قصدك بن قهموز


شكرا اخوي

[ابو عوده]

يعطيك العافية ماقصرت قصة معبرة

لا هنت