الدوري الثقافي الأول للمضيف العام

[الأصيل]

سجلن بثلاث شروط،،،الأول : إن خصمي ( أبوسلطان )،،ثانياً : المسابقة والركض عقب الحج ( خبرك حجاج هالسنه )،،ثالثاً : أنا الكابتن ،، وأي بلنتي .. أنا أشوتوه ،، وأي كورنر .. لي .. وكل فاول .. لي ...تبون .. أهلاً وسهلاً . ماتبون .. ترا الأنديه مناكثره وبرشلونه فاتح أبوابوه للمبدعين***ياعونة الله .. غبت لي شهور .. ولا أحد نشد عني**وبعدين ... الكشرات ليه مايشتغلن؟؟؟
والتنسيق خربان !!!!!!!!!!!!

[منصور الغايب]

شوف شروطك كلها مجابة ...

بالفعل المنافسة لن تبدأ إلا بعد الحج ...

بس تضمن روحك تواصل معانا ...
مانبي سالفة يوم وبعديم ما نشوف وجهك

.
.
.

ها أسجلك ؟؟

[الأصيل]

سجلننننننننننننننننننننننننننننننننن

[منصور الغايب]

تم تسجيل الأصيل أبو ثوب ...


أعتبر هذا التسجيل أعظم دعاية ... للدوري


شكرا .... أبو عثمان

[منصور الغايب]

أعلن إغلاق باب التسجيل للدوري الثقافي للمضيف العام .. في نسخته الأولى (بيتا)


وقد تحصلنا على شرف مشاركة أسماء ... تعتبر من الصفوة في مضايفنا العامرة ...


من طلب تسجيل اسمه ضمن المشاركين هم :

الجازي ... أبو فارس .. المهيني ... حيل حليل ... المشرف العام ..... الشبث ... الشاهري ... الأصيل ابو ثوب ...


ثمانية نجوم لامعة في سماء مضايفنا ...


ستتم مراسلتهم لتأكيد التسجيل قبل إعلان الجدول ومواعيد الجولات ..

.
.
.

وفقكم الله ...

.
.
.

...

[راعي البيرق]

ياحيف .. وان الحيف ما تقري الظيف .. كيف فاتتن هذي .. صاحبة السمو

اقول منصور خلف ابوي .. ما تفيد البخاشيش

كنت ناوي اطقطق على ابو سلطان .. ابو فارس .. الأول ما عندك احد نومان .. والتالي أعرفلوه

[منصور الغايب]

هلا براعي البيرق ...

خسرناك مشارك ... دعنا نكسبك متابع ...

وفقك الله

[ســــارا الرياض]

السلام عليكم ومساء او صباح الخير للجميع
وبعد انقطاع هذاني ادخل على المشاراكات الجديدة
واشوف موضوعك يالعزيز منصور وماشاءالله عليك
وشدني كثير وقلت بإذن الله معهم
وكل ما انزل واقرأ رد اقول عسى يمديني على التسجيل ولا يكون قفلوه
لكن ... يا فرحة ما تمّت !!!!

خسارا يا سارا
وكان ودي اسجل وخاصة ان المسجلين امثال الغالية الجازي وغير الناس ابو سلطان وابو فارس والاصيل والمهيني والشبث والشاهري
ويكفي متابعة الغالية بالحيل ريم شمر الفضيلة

انا بتوسّط ببو سلطان عند اللجنة المنظّمة عساهم يقبولني لو احتياط !!

ممكن القدير ابو عبدالله ما تقول الجولة الثانية يا سارا لاني بالفعل محتاجة اكون بالمضايف هذه الايام
ومهم اتواصل وفرصة الدوري هذا يخليني قريبة لاخوان هم على الزين اعوان ..

اسفة على الاطالة وعلى الحاح ..
اختكم

[ابو فارس]

منصور
انا اقترح عليك ضم كل من الاخ راعي البيرق وسارا
خاصة ان المسابقة لن تبدأ الا بعد الحج

او ادخال احدهما مكاني

فنحن نريد ان نستفيد من اقلام من امثال هؤلاء


دمت بخير

[ســــارا الرياض]

هلا بك ابو فارس وكم ارتاح اذا شفت معرفك
لله وفي الله

يالقدير ابو فارس تسلم على فزعة غير مستغربة
واذا انت في المسابقة انا بشترك اما بخروجك اكيد لا
وانا متفائلة بإشراك اللجنة لنا من غير خروج احد ..