صباح\مساء الخير بدووون مقدمات هاذي
قصيدتين للشاعر المبدع ياسر التويجري
صح انهن مهن من جديده لكن حلوااات
ملاحظه واحده صوت والثانيه كتابه والثانيه عباره
عن رديه بينه وبين الامير الشاعر السامر
الاولى
ياللي عرضتي عنوة ٍ بدروبي
العيب عيبك والذنوب ذنوبي
اما تبلين الخفوق الممحل
ولا عن العشق الموهق توبي
ياللي جمعتي فيك مالا يجمع
لاتشبحين بوجهي المشحوبي
تشتتي مثل شتات امتنا
عقب صلاح وعمه الايوبي
وتجمعي مثل تجمع ربعي
على الشرف والرفق والماجوبي
خلي عنبك يصير طولي وانتي
اليا احتظنته لو سمحتي ذوبي
ذوبي مثل احساسك التلقائي
لاقمت اغازل مسمعك باسلوبي
تنخبوي مثل قصايد غازي
وتشعبي مثل خليل النوبي
ياليت في جوفي قلوبٍ واجد
عشان احبك في جميع قلوبي
نعم احبك حب ماهو عادي
حبٍ من اقصى خافقي مجذوبي
حبٍ كثر ماذقت واتحملته
من سرمدٍ في ليلي الأثيوبي
وكثر ما حنا فالعرب املنا
ولا استفدنا غير بار و لوبي
واكثر من اعداء النجاح الفردي
ياللي على صدور الصحف قالوا بي
أرجوك ياعين العديم الصافي
لدّي ., ليا مني دعيتك صوبي
لا جيت أبنسى مامضى وأطنش .
تطري علي ذكراك يامحبوبي
نظارتك وأشياءك المركونه
وسوارتك وألماسك المكلوبي
وكتابك اللي فهرسته عروقي
وعروقك اللي فهرست مكتوبي
الصدر بيتك والضلوع ضلوعك
نامي على جنب السعد بجنوبي
ولأيقضك قلبي وحن وصوت
مغلوب وهذي حيلة المغلوبي
وسلامتكم .
والثانيه
النجم ياسرمحمد التويجري يبدا هذه الرديه بثلاثة ابيات جميلة
يوجهها على شاعر آل سعود الامير عبد العزيز بن سعود السامر ...
ويختزل الوفاء في مشاعر لاتعرف انصاف الحلول ويقول:
ياسر التويجري
عطيتني ياللي زهتك التواصيـف
واجزلت يازيف السنين العجافـه
ماتت بعد مدتك كـل المعاريـف
تقصر مع العيطا رقبه الزرافـة
تسلم ياشوق مظمرات السراجيف
طرق البنات اللي تضـم بلطافـه
الســـــــــــــامــر
ثلاثة ابيات حكرها على الكيف
الشاعر اللي يطرب النفس قافه
صقار طير نشوته شوفة الريف
فيه الحباري قـدم والاخلافـه
وقصايده تشفي كبود المواليف
واللي من الفرقا همومه لحافـه
واخيرا" يفجر التويجري قنابل الابداع والاثاره ويقول:
ماهـن ثلاثـه يازبـون التكاليـف
فيك انت اغرق طابعـات الصحافـه
يامسنـدي مالـك عليـه محاليـف
احيان احس اني على الشعـر افـه
لومنت اجاذب بالقصايد الغطاريـف
والعب على الطاروق والعن سقافـه
ولـي مكـان ماذرتـة العواصيـف
والشعـر اناباءه00ونونه00وكافـه
معك انت نوخ والبقـا بالسواليـف
سوالـف عنـدي بلـيـا كـلافـه
ياللي تحسبون العطاءوالمصاريـف
ومتعبيـن موظفـيـن الصـرافـه
ومن بنك تجاري الى بنك تسليـف
تجارلكـن مـن حسـاب الضعافـه
تعيش ياللي ماتعـرف التحاسيـف
ياللـي تمـدو لاتعـرف الحسافـه
صيتك من البشمرق لحدود مالديـف
ومن اليمن الـى حـدود الرصافـه
اشهرمن اللي فوق روس المشاريف
شاعر وننهل من بحـرك ونخافـه
واقطع من اللي زرقواله على السيف
حـر غواطيـه العريضـة رهافـه
مناكبه من تحـت راسـه مواقيـف
وعليـه زور وقصرسـاق وهدافـه
ماقلبوه اهـل الدسـوس الملاقيـف
اللـي يحسبـون الصقـاره لقافـه
جاءعند ابوك مقطبينـه ولاشيـف
ماغير ابوك اللي من الروس شافـه
تطري علي اليا ستـل بالمراديـف
وارهى على جول الحباري00وطافه
وقام يتقلب مـع بطـون القراقيـف
يوم الرعيف اروى ضماه وجفافـه
تطري نعم يامعدل الكيـف للضيـف
ياعيـد ميـلاد القصيـد وزفـافـه
خلقك ربي في وجيـه الصواديـف
وعلاج لامراض الفقـر والكسافـه
فالمختصـر وادق دقـه وتصنيـف
عندي غلاك يزود زافه000وزافـه
خليتني يعني علـى اقـل تعريـف
شاعر وسجل في غـلاك احترافـه
وسلامتكم
اتمنى ان تحوز على رضاكم
الى لقاء قريب ان شاء الله
رد مع اقتباس
المفضلات