الفلوس راحن والعجل بالثلاجه
صبحتو بالخير جميعا
وعيد الله عليكم مبارك
وبهالمناسبه احب اهني الملك ابو عابد
ونايبه ابو خلودي
صايرن يمون
هههه
ماعليه نرجع لموضوعنا
يالربع امس قالي ابوي الله يحفظه
ولدي يابو جمري
قلت سم
قال ابيك تنهج عقب الفجر يم ماقفة البل والغنم
قلت ايوه
قال وابيك تدوّر على لك اما ثنين او ثلاثه متساهمين بلهم قعود
وتساهم معهم
قلت يبه لحظه
بس البنوك مقفلين؟
قال وشوله تروح البنك
قلت عشان اشتري اساهم معهم يعني
هههه
امزح معك يبه وانا ارفع له يدي ابي اضرب يدي بيده
تخبرون زقرتي انا
قال انت ووجهك كف يدك
قلت تم
وانا لكم عقب الصلاه وانا اعتزي بالهلّي
وانا اجهم وماطلعت الشمس الا وانا مع اولهم
الوكاااااد
توّه تبدى المأساه
زين
وانا القالكم هكالشيبان
واحدن معه مسواكه يتسوّك به
اكيد يتسوّك اجل ينقّش به خشمه
والثاني منزّلن النظارة ينظفه بطرف شماغه
وهم يتناشدون بينهم ماعيّنت اللي يشاركنا ويكمّلنا
قلت بلوت هذي
وانا اوقّف وانا انصاهم
سلام عليكم السلام
انا اشارككم
قالو تروه صغير ولا يمكن يصير قسمنا واجد
قلت باللي هي به
كم ما كم قالو بهالسعر
قلت مهو غالي الماخوذ
قالو لا وش يعرفك
قلت هدى
وهم يتراعون لي قالو هالهايلكس هذي هي لك
قلت ايه
قالو تمام
حنّا بلشنا بتوداتوه لم المقصب
قلت افى عليكم يالله وينه
قالو بهالدنّا
باللي ماهدانن الله تحسبونن رفعت راسي
والا اوقت بالحوض
وانا لكم اوقفه ابد على الباب الخلفي
وهو يرفع القناره وهو يفتح باب الحوض حق الدنّا
ويالربع القعود صار عجل
افى
قلّت الخاتمه
يالربع عيّنو خير
وشو هذا؟؟؟
قالو هذا اللي حنّا متشاركينن بوه
اويلي
يافشيلتي عندك ياأبتاه
بالحتسي هذا ترونن دفعت الفلوس
وانا مار الزّ يم حديهم
قلت يارجل انا احسبنكم على قعود او حاشي
قال زلقت
قلت يارجل
قال لي نياااااااهاههاهاهاها
على طول قلت شريري انت
اييييييييييه
وانا اتوكّل على الله
وانا انهج بوه للمقصب
وهم يقولون بوه
الوكاد
اني بلشان بسهم هالعجل لابارك الله بالشيطان
ورمضان الله يعيدوه عليكم قضى والا تسان بايعه مفروم
والشايب ينشدن هاه وش سويت؟؟؟
قلت ولدك ذيب ابد كل شي تمام
يالربع وش الحل؟؟
الفلوس راحن والعجل بالثلاجه
رد مع اقتباس
المشاركة الأصلية كتبت بواسطة عبدالله الجعيثن
المفضلات