عسا الرفقة اللي ما يجي من وراها خير= تقطع حبال الوصل عنها مـن آخرهـا
لا صارت هزيلـة لا محبـة ولا تقديـر =وش أبغي بها لا رحم أبو مـن يقدرهـا
أنا بعتها وأقفيت واللي يصيـر يصيـر= وخيل الجفـا منـي وطتهـا حوافرهـا
بعد ما تحطم جسرها اللي عليه نسيـر =وش اللي بعد باقي على شـان أوفرهـا
نويت ابتعد عنها عساها ذلوف الطيـر =والأرزاق عند اللـي لخلقـه ميسرهـا
أنا كم زرعت البر فيها واحصد شعيـر =جفتني وأنا معذور لا صـرت هاجرهـا
عن الخير دايم رفقة الشر فـي تأخيـر =عرفنا النوايا المغرضـة مـن بوادرهـا
ولولاي دايم ضـد الإرهـاب والتفجيـر= لألغـم جميـع دروبهـا ثـم أفجرهـا
ولا عاد عنـدي لا مجامـل ولا تستيـر =وغرقت من أمواج القطيعـة بواخرهـا
بعد ما دخل فيها سفيه وثعـل وجعيـر =دخلها الخراب اللي من الساس ناخرهـا
دخلها البلاء اللي حير الطب والتخديـر= وأنا كنت أصد ولآخر الوقـت ذاخرهـا
أنا وش لزومي في هل النقص والتقصير =وأنا ليش أجامل كـن مانـي بخابرهـا
هل الظلم والبهتان والكـذب والتزويـر= ضعاف النفوس اللي وساعاً حناجرهـا
كلاب النفاق اللـي لهـا دايمـاً هريـر= وريح النمامـة مـا يفـارق مناخرهـا
حثالة بشر مثل البشر والطبايـع غيـر= مع الناس الأحياء كنهـا فـي مقابرهـا
هلايـم رجـالاً لا مـروة ولا تدبـيـر =شياطين بعض الناس تعمـي بصايرهـا
الشاعر المبدع / عايض بن فرزان السبيعي
رد مع اقتباس
المفضلات