بيتي مسروق والحظ مخنوق

**الحيمري** · 17-08-2010 22:28

الراسي
ابشر بالعوض وشو اللي وخذ من البيت ياسنادي
والله اني صادق اذا مافزعنا لواحد مناء لانعتبر نحس
برفيقنا انت او غيرك ومالنا لاشكر ولامعروف
هذا واجب بيننا وسخ الدنيا يروح ويجي
كم عندنا راسي هو واحد بشير

شكرا
ابومنيف

**عبدالله الجعيثن** · 17-08-2010 22:53

<<<<يدق على ام غازي

جهزي شناطتس

نبي نسوي صلة رحم ونزور ربعنا بأنحاء المعموره

**عبدالله الجعيثن** · 17-08-2010 22:54

>>> حوّل جواله موجود

**بشير اللويش** · 17-08-2010 23:58

ريال

اعرف الاستراحه حقتهم ... وبلاش الغلط

ابومنيف

تسلم ولا يسلم ردي العزايم

(تراها مزوح تجي وتروح)

ابوغازي

بلاش من الشماته

يجي لك يوم يابدوي

واشوف شناط فلوسكم رايح فيها

**ريال الفسحه** · 18-08-2010 00:04

8

ابوغازي مسمينه بالشركه ( الدرهماني )

**بشير اللويش** · 18-08-2010 00:13

المشاركة الأصلية كتبت بواسطة ريال الفسحه

8

ابوغازي مسمينه بالشركه ( الدرهماني )

وانا اشوف ما ادري ليه اغليه

خاصه الايام هذي

بس المصيبه ماينطينن وجه

اول ادق ولا يرد

وبعدين ينطينن مشغول

وبعدين قفل الجوال

الله يلعن الشحذه

**عبدالله الجعيثن** · 18-08-2010 01:07

بشير

قرّب اذنك

الشبث البارح يحرّج على اثاث بحراج ابن قاسم

هو يدل بيتك؟

**ابو فارس** · 18-08-2010 02:23

يتصل بحملة باكستان
حولوا 10% لبشير

اسمع انت بس عطنا صور من البيت وارفع لنا البصمات
وانا متاكد ان اللي طمع فيك من المضايف

وانا شاك بواحد بس ماني معلم فيه الان

يمكن هو يعترف

**أحمد** · 18-08-2010 02:39

الله يعوضك خير ياخالي

متى تبون تروحون لبقيق انت وسلمان؟

**يـــوسف** · 18-08-2010 02:50

الله يعوض عليك يابشير

وترن حلمت وفسره لي الشيخ اللي بالحارة القصيا

يقول اللي سرق زوله مروح واسمه بدايته بحرف السين وساكن بالشرقية وسيارته الله واعلم ان له صناعته امريكية

بعدين بيني وبينك اللي صارلك شي طبيعي يصير بالعاصمه الرياض بما انهم يجبرون جميع المحلات تسكر الساعة12 بالليل

وانت خابر البطالة والشباب وقت الفراغ وش يسوون لاتلومهم لاسرقو