.
.
.
هنا .. خلال شهر رمضان المبارك ...
سنستقبل عضوا عزيزا علينا ...
ليحدثنا حديثا رمضانيا ..
نتسامر من خلاله ... فيما يرضي الله عز وجل ...
.
.
.
وضيفنا الأول ...
هو العضوة الرائعة ...
الذهب ...
فرحبوا معي بها ....
ومتعوا ناظركم .. بالاطلاع على أجوبتها على الأسئلة الافتتاحية ...
ومن ثم .. سيكون المجال مفتوحا ... لكرمكم الحاتمي
.
.
.
1- ماذا يعني لك رمضان ؟
شهر اعادة الحسابات
2- كيف تستعد لرمضان ؟
والله حقيقة ما استعد له يوم افطن الا هو جاي
3-هل لرمضان طقوسه الخاصة في حياتك ؟
طبعا له طقوسة الخاصه
واجواءه مميزه
وعاداته إجتماع الناس على السفره
حتى تحس انه له ريحه خاصه
وتقل وجيه الناس تزين بعد
ولاننسى السمبوسه والشربت سبحان الله بغير رمضان مالهن طعم
والعاده المميزه اللي الى الان ما اندثرت ولله الحمد هي اننا نفطر جيراننا من فطورنا
اذا جهز الفطور نحط صينيتين او 3 على حسب ونرسلهن للجيران وهم كذلك احيانا يجينا فطور من الشارع الثاني ولله الحمد حتى جيراننا من جنسيات مختلفه صارو يتفاطرون معنا
له نكهه خاصه
4- ماهو جدولك في اليوم الرمضاني ؟
يتميز بكثرة الزيارات والروحات والجيات طبعا مع الاكثار من العبادات
5- ما رأيك بمن يجعل الكسل والعجز عنوانه في رمضان بحجة الصيام ؟
الرفاهيه والتعود على ان الواحد كل ماجاع ولا عطش يلقى الاكل والشرب قدامه وهالنظريه تختلف برمضان فنفسيا يكسل الواحد
6- فقدنا الشعور بلذة رمضان ... التي يتكلم عنها الأولون .... لماذا من وجهة نظرك ؟
يمكن علشان الاولين ماعندهم تلفزيون
والفسق وكثرة الانعام يالله لك الحمد
7- هل تؤيد قضاء رمضان خارج حدود الوطن لاسيما وأنه يتزامن مع الاجازة الصيفية ؟
والله ممكن تكون حاجه طيبه اذا كان السفر لاحد البلاد الاسلاميه
تشوف عادات الشعوب في رمضان وتعيش الروحانيه مع اخوانك في بلد آخر
8- هل لصلة الأرحام نصيب من جدولك الرمضاني ؟
طبعا اكثر شي برمضان المسايير والتعلله
9- السهر في رمضان ... عادة .. هل تراها سيئة أم حسنة ؟
هي واقع وانا اشوف انه سيئة لان النهار يروح بالنوم
10- هل تشارك في المسابقات الرمضانية .. التي يعلن عنها في المساجد او الصحف أو البرامج التلفزيونية ؟
لا
11- ماهو طبقك المفضل على مائدة الفطور ؟
الشوربه بإختلاف انواعها
12- رمضان .. والحر الشديد .... سيلتقيان هذا العام ... ما تعليقك ؟
الله يعين من عرفنا الدنيا ورمضان بالشتا وله طعم خاص
ليا عجزنا نروح نصلي التراويح من المطر
13- للمسلمين انتصارات عديدة في رمضان ... هل تذكر منها شيئا ؟
اول مايتبادر للذهن فتح مكه
14- التلفزيون .... يأخذ النصيب الأكبر من أوقات بعض الصائمين ... ما تعليقك ؟
الله يهدينا
عاد باب الحاره اخر جزء
15- هل هناك عادات سيئة تحاول التخلص منها في رمضان ... وهل لك تجربة من هذا النوع ؟
بكل رمضان اقرر التخلص من عادات سيئة واستحداث عادات جديده ولكن لا يتم تطبيق الا 20% منها
16 - لا يخلو رمضان من مواقف طريفة .. حدثنا عن شئ حصل لك ...
بحدا هالرمضانات نتحرا المذن نبي نفطر الحريم بالدار عندهن السفره استعداد للهجوم والمكيف شغال وانا برا اتسمّع للمذن
دخلت بالسيب ذبحن البرد وانا اشوف اخوي طاير بالحوش هو وفروتوه يتصكصك رايح للملحق وانا اسأله طول حسي اقول ( أذن ؟ ) قال لا
الحريم سمعن كلمة أذن وفسرن يفطرن
واجلس شوي وهو يذن واجيهن طايره اذن اذن الا هن متجضعات والصحون يقرقشن مابهن شين
وطبعا هالموقف دايم يتكرر بكل الاسر
17- بعض الصائمين .. يتجرد من أخلاقه حال صيامه ... وجه رسالتك لهؤلاء ...
رسالتي لهؤلاء (ليه ياخي ماصايمن الا انت باكر ليا جيت تدور حسنات صيامك يمار اخذينه هالناس وانت تجلس تدزلب صوابرك )
18- هل أنت من محبي تقديم الفطور على صلاة المغرب أم تأخيره ... وهل أنت من محبي تأخير السحور أم تقديمه ؟
الفطور قبل الصلاة: الما والتمر والقهوه والقيمات وسمبوسة الجبن والقطايف < وش بقى
والسفره بعد الصلاة
ونكف السحور قبل الاذان بعشر دقايق واحيانا على الاذان
19- عادات سيئة لدى البعض لا تحبها في رمضان ما هي ؟
التفرغ للمسلسلات
20- هل تؤيد الذهاب لبعض المساجد التي يؤمها أئمة أصواتهم جميلة أم تصلي في المسجد القريب من البيت ؟
الأقرب للنفس ومن تخشع معه
شكرا لك ....
رد مع اقتباس
.gif)
.png)
.gif)
المفضلات