انا بدوي وابقى بدوي علم الردى مادنسن
السلام عليكم
هذي مساهمه متواضعه مني وهي قصيده للشاعر مشعل المعلا
وهي احدى روائعه
واتمنى ان تنال اعجابكم
[poet font="Simplified Arabic,14,black,normal,normal" bkcolor="transparent" bkimage="http://www.shammar.org/vb//backgrounds/3.gif" border="double,4,gray" type=0 line=200% align=center use=ex char="**" num="0,black"]
لا ياذلولي درهمي ظاقت علي كل الحلول ** مدري من الحظ انعثر يمكن ليلينا قسن
يمكن صفت دنيا الجفا وظاقت على راعي الرحول ** او يمكن احلام الخيال في شاطيْ الواقع رسن
وكل شي يمكن يصير وش عاد تبغاني اقول ** الاسئله صارت كثير طول مداهن ويأسن
احلى الليالي انقضت ولا لها عمر طويل ** او عانقن درب الجفا ومن طبعها القاسي احتسن
الليل قصة غربتي واصبحت من شوفه ملول ** وليا ابتهج ليل الشقا انجوم ليلي مانعسن
ياما دمحت من الخطا ولا حسبت انها تطول ** عروق قلبي يالقظي من فعلك القاسي يبسن
عيش الغرور اللي تبي عانق سحاب اللي تطول ** ماني على منته تبي طبعي بدوي سيف ورسن
هذا الذي عاش بخفاي ياصاحب الرمش الكسول ** اهل الطنا وريح النفل واللي على الموت اكتسن
واهل النفوس الغاليه وشوف الدبش واهل الاصول ** بيوت الشعر واهل الكرم وصفر على الجمر جلسن
وهرج النشاما والنقا والعز واخبار السيول ** انا بدوي وابقى بدوي علم الردى مادنسن
ماوطي النفس لبشر نفسي عزيزه يالخجول ** ولو حامت نسورك على شيهانة القلب افلسن
ولو انك حياتي كلها ماعاد لك عندي قبول ** حتى خيالك ماذكره ولو تنشد عيوني نسن
ابي اقول اخر كلام ثم درهمي يا اغلى ذلول ** خسارة ايامي معك لوهن على عمري انكسن
[/poet]
رد مع اقتباس
المفضلات