يا السلام عليكم
>> كان يبي يقول يا صباح الخير وهو يطري عليه السلام
الوالد دائماً وابداً يقولي عليك وجه يقطع المطر
عاد هكا اليوم قاله لي
قلت يبه
هالحين صيف يعني انس انوه يجي مطر
لزقته بخشتي كل هالسرع
قال لو خشتك تخفى تسان تسحب علينا بالصيف
قلت مالك اشكل خذه صن
وكالعاده الحقن حدى نعولوه اللي يسلموه
عاد الشيبان
كلمه مشتقه من الشيب
والشيب هو الشعر الابيض
تدرون ليه ابيض
هكا اليوم واحدن من الخبرا اللي مالين الدنا هاليومين
يقول ان سبب بياض الشعر هو موت هذه الشعره
واذا ماتت ما ياصله دم وتصير بيضا
عفية الغالي عسى ما تكلفت
طيب فيه عمن لي شعروه كلوه ابيض حتى شعر اباطوه
يعني ميتن وهو حي ؟
غريبه
ماعلينا
هذا سلمكم الله واحدن من الربع شايبن كبير بالعمر الله يرحموه توفى
كان الله يغفر لوه ماشي بجيبوه بالنفود ورا لينه
رايحن من حايل يبي رقحاء
وهو يلقالوه شايب ومعوه ولده مغرسين
وهو يوقف عندهم
قال الشايب نبيك تقلصنا شوين ليما تطلعنا
قال ابشروا
بس تروني ما اقدر احول
اربط انت وولدك القلص
وهم يربطونوه
وهو يتلهم اخو سعدى
ليما اطلعهم
وياقف
قال فكوا القلص
عاد هو الله يرحموه بوه شوي صقه ما يسمع حيل
قال الشايب ابو الولد ارجع شوين
وهو يتله اخو سعدى يحسبوه يقول خلاص
ويمشي
يقول احس ان الجيب بوه ثقل
بس قلت يمكن علشان الغراس
ويدعس
والددسن وراوه به الولد
ويصيح
ويطنب
واخونا دااااعس يهيجن
يوم قرب للشارع وهو يشوف سياره لازقتن لوه
قال بسم الله هذا وش يبي لازقن لي
ويمسك الشارع
ويراعي بالمراه ولا الددسن وراوه
وهو يسفط يبي يشوف وش يبي لازقن لوه
يوم نزل ولا هذا الولد
قال الولد الله يااااااخذك ليه ما تسمع
قال اندزلع يا علك ما تلقى ابوك
وهي تقبس
ورحمة الله عليه
وتقلدوا تحيتي
رد مع اقتباس
المشاركة الأصلية كتبت بواسطة الشبث
المفضلات