الشهبا على كرسي الاعتراف*****

**عبدالله الجعيثن** · 19-07-2010 11:28

ومتى فخامة شرهه زمخشري

تشرف وترد على الاسئله

معه ورقه.. به كم سؤال

**ام الرغفان** · 19-07-2010 14:26

شرشر قومي شوي بجلس ع الكرسي

ابوتس يبيتس قوووووووووووووووووووووومي قمام يقم بليس

بعطتس هالسوعال وبرجع تلهي بوه

لو يرجع الزمن وراا وش الشي اللي بتغيرينه اوماتخلينه يصير ؟؟

لي باكك يابعدي

**شرهه** · 19-07-2010 18:54

صبآآحك خير

هلا وغلا صباح النور

منهو شاعرك / شاعرتك ..!

المحلي ...

عبدالرحمن الشمري + فهد عافت + بركات الشمري +فلة حجاج ... ريوف الشمري + أطلال
ولايهون عساف التومي +سعدالخلاوي

العالمي

ابن جدلان ... الشبرمي .. الفراعنه ... ابن فطيس ...عايض الظفيري .... بندر المحيا ... ريميه ..
تركي حمدان

والقائمه تطوووول

بالعربي مالي شاعر مفضل

احب كل الشعر الحلو

بيت شعر ترددينه دائمآ .!

قص ذيل البزون وقله هز ذيلك تشان بأمك خير

تخجل من تلقى حايط وين تروح ووين تطير

قصيدة سمعته لعبد الرحمن الشمري وهي تنشب بلساني وبس اردده مدري ليه

قصيدة أبكتك ..!!

ما ابتسي

أمنيه تتمنين تحقيقها ..!!

امنيتي مستحيله ... لن تتحقق ابدن

ويا مني كلمتتس اعلمتس وشي

ولكِ حبي والاحترام يالطربه

يا عمري هالوجه

**شرهه** · 19-07-2010 19:09

سلام الله على الجمييع ..

شرهة من الصيداات السماان ..

هلا والله بالسلمي وعليكم السلام

شرهة ..

سمي

اولا .. احييك ع الجلسة ع الكرسي بس ماهو تسذا يقعدون ع الكرسي ..؟؟

وشلون اجل

>>شايفتك متبطحة هههههههههه

هههههههههه وش اعمل كرسيهم مهو مثل الكراسي اللي اخبر

سؤالي ..

اعرضي مسألتك وان شاء الله افيدتس

لايخفى البعض ..

من دخولي المضيف حصلت مرادساات وملاهداات منتس لي والعكس ..

وتم الصلح الحمدلله من فترة شوي مو قريبة ..وهذا الشيء الزين اللي ماندمت علية

لكن ..

معرف سلام قبل الصلح وبعدة ماذا تعني لك وبكل صراحة او بمعنى اوضح كلمة تصفيني بهاا قبل وبعد ..وبكل صرااحة ..؟؟

السراحه اختي سلام

احمدي ربتس اني ماني المشرف العام تسان مبطي شايتتس باند ... كنت ما ادانيتس ههههههههههههه

مدري شنوح ... حسيت انتس ماتدانيني و كرهتتس هههههه

لكن الحين ... اخت عزيزه وغاليه

عادتتس اختي الصغيره

وع فكررررررررررررة ترااني امووووووووووووتس عليتس وع هباالتس ودايم اخلي خواتي يقرن لك ويموتن ضحك ربي يسعدك ..

ههههههههههه

يا لبيه .. انتي وخواتتس

سلمي لي عليهن

لاهنتيش

هلا بتس

**شرهه** · 19-07-2010 19:10

هلا والله ليالي نجد ... منور بأهلوه

**شرهه** · 19-07-2010 19:12

ابو غازي ... اقر اللائحه اللي برا

الدين ممنوع

وغير الدين اسئلن اللي تبي ...

واعتبر ان مسألتك جتك

لاهنت

**شرهه** · 19-07-2010 19:17

شرشر قومي شوي بجلس ع الكرسي

ابوتس يبيتس قوووووووووووووووووووووومي قمام يقم بليس

بعطتس هالسوعال وبرجع تلهي بوه

الييييييييييييييييييييه وش تبين انتي

الواحد ما ياخذ راحته عندكم

يا ربي والله حسيت انني عريس ههههههه

ام الرغفان البسي البشت اللي علي و اجلسي عليه خمس دقايق

بالله ماتحسين انتس عريس زيي ههههههههه

اطرحي سوعالتس

لو يرجع الزمن وراا وش الشي اللي بتغيرينه اوماتخلينه يصير ؟؟

هناك شيء حدث في الماضي البعيد

قلب حياتي فوق تحت

يمكن لو ترجع الدنيا ما راح اخليه يصير

هو وشو ؟

يا مني كلمتتس اعلمتس

لي باكك يابعدي

هلا بالغاليه

بانتظارتس

**سلام** · 19-07-2010 21:04

شرشرة يالبية ع صرااحتس والله

بس والله ماكنت اكرهتس لان الكرة شيء كبير ولا اكرة حد الا لشيء كايد مير كنت جديدة ولا اعرفتس وكنتي تلاهدين احيان مزح بس بما اني ماعرفتس ولااعرف طريقتس كنت ازعل ..

مير اللحين لو تلااهدييييييييين لين تفطسيين بتلقين الهد منتس >>عرفت الوضع اللحين صارت خبرة

سؤاال ثاني

من زمن ليس ببعيد ودي اسعلتس عنة ..

كم تبلغي من العمر ...؟؟واذا بووة احراج او فضوول لاتردين ولاتقولين لمني كلمتس اعلمس ؟؟ والا ارسلية ع الخاص ههههههههههههه العمر كلووة يالله

خلصتي دراستك والى اي مرحلة وايش تخصصك >>تحسنهاا اسئلة ورعاان ههههههههههه

ويالله يعطيييييييييييييييييييييييييك العواااااااااااااااااااااافي عمرتس كلوة وعمر والدينس

محبتي

**شرهه** · 20-07-2010 00:15

اهلا بالاخت سلام

هههههههه انتي ما مثلتس قلبتس ابيض ...لو كل الناس مثلتس تسان حنا بخير

يا ليل الاسعله المحرجه ههههههههه

ابصير زي المشاهير العرب ما عمرهم صرحوا بأعمارهم

في الحقيقه والواقع

احتفلت قبل عام باليوبيل الفضي

نسأل الله حسن الخاتمه

تخرجت من الكليه ... وانثبرت ببيتنا

اي اسئله ثانيه حنا حاضرين

لاهنتي

**-------** · 21-07-2010 04:12

السلام عليكم ورحمة الله وبركاتة
الشهباااااااااااااااااا

لك اسلوبك الخاص ومن الوزن الثقيل متميزة ومن البارزين في المضايف

اجمل التحايااا لك كونك قبلتي وجلستي ع الكرسي

وتحملتي اسئلة الاعضاء والعضوات

كل الشكر لك

والله يوفقك دنيا واخرة

انتهت المدة