سلام عليكم وشلونكم
يالله ياربي ينجحكم وينجحنا
وناكل جح ونجحجح
هههههههه
هذا سلمكم الله ابو معيمر
كائن حي برمائي أليف رخوي الى حد ما
يحب الناس ومتفائل لدرجة التشاؤم
في يومن من الايام اللي ماتعوذنا به
قال نبي نروح نتعشى
وعقبين ناخذ لنا راس معسل على الطاير قبل الدوام
قلت انا خويك بالليالي المياسير والا الشدايد ماعندك الا بياض رجليي
المهم تعشينا عاد هو الله يحفظه وينصره ويشد على يدوه
تبي تعرفون ليه ادعي لوه بآخر السالفه
المهم تعشينا وهي تمسك معوه
قال لي هماهو المعسل تفاح
قلت ايه
قال هماهم يحطون بوه جلسرين
قلت ايه
قال هماهم يحطون بوه معطرات
قلت ايه اخلص وش عندك
قال انا جتن فكره؟؟؟؟
قلت الله يستر وشي؟؟؟
قال ابي اسوي لي معسل
الله واكبر يالاختراع الحين
سو معسل ياخي ولاتزعل
وحنا نرجع للشقه
وهو يقوم يقطع لوه تفاح ويجيب المحلى الحمر وياخذ قزازة الكلونيا
وهو يخلط ويعجن ويغني وتغديلك الدنيا خميعا
زيــــــــــن
وللعت الجمر وعبينا الروس من هالمعسل
وحنا مار نحط الجمر
ونغديله طرطعتن هالدنيا
وانا مار التفت لوه
وشرايك نهون وننهج للمقهى
ووجهن تعرفه ولاوجهن تنكروه
قال اسحب
قلت يارجل
قال اقول لك اسحب
وانا مار امكره يالربع ياعدي اسحب من اباطي
واسحب الثانية
وانا التفت يموه ياهذي كلوديا الشمالي عندي
ياهلا ويامرحبا بـ كلوديا يادلللي
هي هي سليطين ؟؟
لحظه!!!!
الصوت صوت ابو معيمر والوجه كلوديا وش السالفه
اثرينن رحت بخرايطه
تخبرون مفعول الخلطات اللي هو معجنهن قليل الفود
قال هات اللي
وهو مار يمزه والاخرى واللي وراه
وهو يصيح زلزال وهو يعض الارض
اوخذنا زلزال زلزال
وانا امسكوه اقعد وهو يبي يقوم ويقع على الشيشة
وهي تغديلك شعثرى بعثرى
واتلاهن ابو كعدرى
ونغدي قش صلبه
وانا اعتزي بام خرطوم
ويالله اتزحف نوبن على بطني ونبن على ركبي
ياما وصلت الثلاجة بالمطبخ
وانا اخذ الماء وانا ارشوه على راسي
آهـ آهـ
وانا احس اشوى تقل استقعد راسي
وانا انكس يموه وارشق عليه من هالماء
ياما تقل صرنا اشوى
الوكاد ياقليل الفود لاتعوده
وحنا مار ننام ونطوف الدوام
ياما جا من باكر والا الريس زعلان وليش وليش؟؟
وحنا نضبطوه بلوه كبسه تحت الجدر
ويومن انه تقل سمح لنا
الآن
وبعد مضي خمس سنوات
ابو معيمر بالخفجي يعمل مأذون انكحة مسيار
وعندوه ميتين حرمه جاهزاتن للتسويق
ومحاكيكم مازال يبحث عن الفخفخينه
عرفتو ليه ادعي لوه؟؟؟
ابو ضاري اشي مد اللي
رد مع اقتباس
المفضلات