وبس !! مات مشاري !!؟

[الجازي]

الخادمه يفترض عملها لايتجاوز التنظيف والغسيل والكوي
الاطفال + الطبخ ...عمل ربة المنزل
وخصوصاً الاطفال
كيف تثق الأم بغريبه لتأتمنها على فلذة كبدها ؟!!
الله يصبر اميمة مشاري
.
.

النقطه المهمه اللي اثرتيها يالغاليه
هي انه رغم مشاكل الخدم وبلاويهم
والجرائم اللي تصير منهم
القوانين تأتي لصالحهم اكثر
مع ذلك هناك فعلاً من يسئ معاملتهم
وبالتالي يزرع بذرة الحقد في قلوبهم

.
.
اما الحديث عن الاستغناء عن الخدم فهو حديث غير واقعي
يمكننا الحديث عن ذلك اذا عدنا نسكن في الخيام وبيوت الطين
ولانلبس الا ثوب او ثوبين خلال السنه
اما مع البيوت الكبيره وخزائن الملابس الممتلئه
ومطبخين بمساحات كبير ومواعين مالها عدد
فهو حمل لن تقوى عليه امرأه واحده قد تكون موظفه او تدرس
او لديها كثير من الاطفال بالاضافه احياناً لحمولة زوجها
واذا كان بعلها ..شمري ...ينحر الذبيحة تلو الذبيحه
وبابه مفتوح وضيوفه لاينتهون ....

وبعد كل هذا !!!!!!!!!!

يجب ان تصبح زوجه جميله ذات رائحه عطره ولبس مرتب
تستقبل زوجها بالبسمه وتودعه بمثلها

فبالله عليكم

اي امرأه خارقه تتحمل كل هذا لوحدها ؟!!
ان اردت ان تطاع فامر بما يستطاع ؟!
ومقارنة حياة جداتنا بحياتنا لاتصح

بالطبع استثنى زوجه جديده
تسكن في شقه صغيره هي وزوجها
فان احضرت خادمه فعليكم بها شرشحوا اللي خلفوها


.
.

وليه يشرشحونها بعد انتي

دامه حلال مالهم حق يشرشحونها

ياختي عائشة رضي الله عنها بيتها كله عبارة عن غرفة صغيرة مرة لافيها أثاث يبي له تنظيف ولا ديكورات ولا حتى مطبخ <<< المفروض نقتدي بهم في هالنقطة بالذات

ومع ذلك عندها خادمه !!

أما القوانين فحكايتها حكاية ,, عشان كذا أبي صوتك في مجلس الشورى والانتخابات البلدية الجاية عشان ترشحيني لمنصب وزيرة عمل واذا ماطاعوا على الأقل منصب المديرة التنفيذية ورئيسة اللجنة الوطنية لمكاتب الاستقدام في المملكة عشان أحط شروطي وقوانيني اللي تصب في مصلحة المواطن وما تضر بالعمالة

ياحبي لك ياريومة مايحس بالبنات الا الحريم << انا البنت وانتي الحرمة

تسلمين ياعسل على هالمرور العطر

الا وش نظام الاستقدام في الكويت !!؟

[الجازي]

مصيبه من مصائب الامه

ماهو ذنب هذا البري

الخادمات الى متى هذا التهاون معهن والله من اتت الخادمات الى البيوت نرى

قتل وسحر وخراب وفساد للبيوت

تزهق ارواح اطفال بسبب هذه الخادمات

حياك الله أخوي أبو ضاري

وهذا بعد من أخطاء مكاتب الاستقدام

لأن اندونيسيا بالذات معروفه الأماكن اللي فيها سحره ,, فالمفروض يمنع الاستقدام من مناطق المعروفين بالسحر ,,

ويقتصرون على المناطق الثانية !!

لكن لاحياة لمن تنادي

كل الشكر لحضورك وإضافتك

[طلال]

وش معنى غيي !!؟

له عدة معاني ، و الأقرب لـ الإحساس

[ الإغراء ]

والله أعلم

[عبدالواحد]

هلا بك أخوي عبد الواحد
مافهمت قصدك ((منطق الخادمة بالشرع مايجوز )) !!؟
اللي أعرفه إن عائشة رضي الله عنها كان عندها جارية والرسول صلى الله عليه وسلم كان عنده خدم
والزوجة في الإسلام يحق لها طلب خادمة تعينها على مسؤوليات البيت عشان تتفرغ لزوجها <<< لاتدقق

معذرة اختي الجازي .. كان ردي علي شق العنوان فقط
ما ستوعبت في البدايه مضمون المضمون

بالنسبة ل كلمة (خادمة ) حسب اللي اعرفه تختلف مع مسمي(مساعده)
والمسلم يستعين بانسان او انسانه لاجل مساعدته ,,
مساعدته في اي شي .. كالموظف يؤدي دور معين
وهكذا كانت وظائف الجواري عند المسلمين ..

القصد من كلامي ..
افضل طريقه لتجنب اجرام الشغالات هو جعلهن كمساعدين لنا
ولا نتكل عليهن كليا , كذلك الابتعاد عن التمييز في معاملتهن >من واقع تجربه شخصية اكتب

أنا أبيك تكلمني عن الخادمة اللي تتعامل معها ربة البيت بكل إنسانية وتعطيها كافة حقوقها وفجأة لما تلتقي هالخدامة بوحدة من الشغالات الهاربات اللي مامعهم إقامة وتقلب لها راسها وتقول لها انحاشي واشتغلي لنفسك بيطلع لك أضعاف راتبك ,, ومن بكره تلقاها منحاشة من البيت والله يستر لاتكون ماخذه معها شيء !!؟

هنا أنت كمواطن ضاعت عليك الشغالة ,, والمكتب ماراح يعوضك لأن كفالة المكتب تنتهي بانتهاء الثلاثة أشهر الأولى !!

والخدامة تشتغل وتنتقل من بيت لبيت بدون إقامة وبدون جواز وإذا حبت ترجع لديرتها مافيه أسهل من التزوير وتسافر زي سلامو عليكو ومتى ماحبت ترجع تشتغل ترجع من جديد بدون ماتدرج ضمن اللائحة السوداء الممنوعة من الدخول !!

اللي اقتبسته من كلامك واقع موجود وحصل معي شخصيا , واضيف شي
يقهر اكثر لما تختفي وتنحاش للسفارة ,, وقبل شهرين كنت دافع للمكتب 600 دينار !
وتطلب من السفاره يسفرونها !!!
وراحت الفلوس والخدامه ,, ولا اكو احد يظمن حقنا
انا معك اختي الجازي فعلا مشكله تقهر


الجازي ..
اعتبري مداخلتي الاولي للحريم مو للبنات <<مستغرب حماسك
ع باله عندك عشر بزارين


تحياتي لك

[ريم شمر]

الا وش نظام الاستقدام في الكويت !!؟

يووووو شي

نظام خمس نجوم

انا تعاملت مع مكتب عندهم مركز تدريب في دول الاستقدام

شفت تصوير للمركز وطريقة التدريب

يدربونهم على كل اعمال المنزل
بعدين يسوون لهم اختبارات وتقييم
حتى لنفسيتها اثناء وجودها بالمركز

تخيلي مكتوب في ملفها كل المعلومات عنها
حتى اسلوبها بالتعامل ودرجه الطاعه عندها

يعلمونها حتى على النظافه الشخصيه

في العاده تجيك الخدامه بحاجه لتنقيع ايام
وتنظيف من الى حتى تقدرين ترتاحين للتعامل معها

وهنا تجي الخدامه وهي تلق من االنظافه والترتيب

غير كذا هي عارفه ليش جايه مو مثل اللي عندنا

كنها اللي مغصوبه تعرس من يوم تطب الديره وهي تصيح وتولول

اما هنا فهي تحترم عملها واللي تشتغل عندهم

بصراحه الظاهر اني ماعاد اتعامل الامع مكاتب الكويت

طبعا مو كلهم كذا بس الاغلبيه


غير كذا فيه شي مهم يالجازي

العماله عندهم والخدم ماشين على الصراط المستقيم

حتى مع غير معزبينهم ..

مأدبينهم مو مثل اللي عندنا الهندي ينفخ عليك
كنه هو اللي يشتغل عندك
والاندونيسيه ماتخلصين من مشاكلها
لا وفي الاخير نصير حنا الغلطانيين

[شموخ شمالية]

حياك ياعسل

شرفتي متصفحي

بس ماقلتي لي لو حطوك وزيرة عمل وش راح تسوين !؟

اعيّنك وكيلتي


الله يعين على هالخادمات بس الحمدلله ماشفنا منهن شئ


بس انتم خوفتوني من الاندنوسيات وانا ودي اجيب بدل هالفلبينيـّه البارده اللي دابلتن تسبدي

اهلي عندهم اندنوسيه حبوبه وتهتم بعيالي حييل وتحبهم وافضل من الفلبينيه بكثير




الله يستر منهن كلهن ويحمي اطفالنا من شرهن ..



تحياتي لكِ يالغلا

[الجازي]

الخدم عند قدومهم للمنزل فهم يعتبرون من اهل البيت اللهم الا ما حرم الله

وتتم معاملتهم في الغالبية كالأولاد والاخوة ، فمن اهل المنزل من هو صالح ومن هو طالح

فأنت لا تستطيع اختيار ابنائك بنفسك فتحاول صقل التربية في داخلهم لعل الله يهديهم

والخدم كذلك يكتب في المواصفات كذا وكذا ،، كثيرا ما سمعنا عن انفلات وظهور اجرامية

الخدم نتيجة بعدهم عن بلدانهم واحساسهم الكبير بالغربة او ترك احد الابناء في الوطن .

ولا توجد سجلات اجرامية لهؤلاء الخدم ،، فقد تكون اول جريمه هي ما ترتكب في ارض العمل .

نتيجة لظروف او عدم مراقبة من الاسرة وترك الخادم او الحادمة يسرح ويمرح ، فالخادم يحتاج الى تربية ايضا

تتطابق مع عادات وتقاليد وقوانين اهل المنزل .

ما نقول الا لا حول ولا قوة الا بالله والله يعوض اهل الطفل .

حياك الله أخوي شامان

وأشكرك على إضافتك القيمة

وفعلا زي ماتفضلت بعضهم مايبدأ سجلهم الاجرامي إلا بعد مايتغرب ويوصل لمكان عمله نتيجة ضغوط الغربة والوحدة وأحياناً التعامل السيء من الكفيل !!

شرفت متصفحي أخوي شامان

[الجازي]

بسبب تعامل الأمهات السيئ مع الخادمات مما زاد الحقد والكراهية للخادمة على الأم
وانعكس ذلك على الأولاد .

الخادمة تربي الأأطفال لا
الخادمة تعتني بالأطفال حتى ترجع الأم للضرورة نعم
الخادمة للغسيل والتنظيف نعم
الخادمة للطبخ والتنظيف والغسيل معاً لا
للطبخ (خاصة )نعم .

ويجب تثقيف الأمهات في التعامل مع الخادمات للأمانه فالمرأة ناقصة عقل سخيفة
لاسيما الغير متعلمة فكيف تهين وتضرب الخادمة وتأمنها على أولادها لاسيما ذلك التصور نابع من نقص عقل المرأة وضعفها .
أخيرا شكرا لكاتبه الموضوع الأخت جازي

حياك الله أخوي أبو عبدالعزيز أنت وردك الناري

سخيفه حته وحده

التعامل السيء مع العماله لايقتصر على جنس معين ,, حتى بعض الرجال تعاملهم أسوأ من السيء مع من هم تحت أيديهم ,,


لكن لانصفهم بالسخفاء أو ناقصي عقل ,, إنما سوء خلق وحدة في الطبع !!

وبعض النساء غير المتعلمات هن أفضل بكثير وأرقى في تعاملهن من المتعلمات لأني كما قلت يعتمد ذلك على أخلاقها وليس على مستوى تعليمها !!

بالتأكيد حسن المعاملة وحسن الخلق من أقوى أسباب كسب الخادمه ,, لكن يظل هناك فجوة فيما يتعلق بحقوق المواطن المسلوبة والتي لم يجد من يحفظها له !!؟

في ظل غياب وزارة العمل عن العمل !!

كل الشكر لمرورك وإضافتك أخي أبو عبد العزيز

[الجازي]

عذرا أختي الجازي ... مرة أخرى


الأخ ابو عبدالعزيز ... وفقك الله ..



أما نقصان عقلها فد جاء به الدليل ... وبينه في أن المقصود به أن شهادتها تعدل نصف شهادة الرجل .... وأما نعتها بـ ((سخيفة)) فلا أوافقك عليه ...

فالمرأة هي الأم والاخت والزوجة والبنت .... والسخف لا علاقة له بالجنس ... بل يما يصدر من أفعال من اي شخص كان لتحكم عليه بأنه (( سخيف )) ..

شكرا لك ...

حياك الله أخوي أبو عبدالله

شاكرة لك توضيحك وعودتك للموضوع مرة أخرى

[الجازي]

له عدة معاني ، و الأقرب لـ الإحساس

[ الإغراء ]

والله أعلم

حياك الله أخوي طلال

ردك هذا ليس في صلب الموضوع <<<<< من اللي سائله

يعطيك العافية على التوضيح ,,

فعلا واضحه !! غيي من الغواية !! وشلون ما انتبهت لها !!

اللي حاس تفكيري شوي اني تخيلتها تابعة لعزوتي ,, قلت يمكن معناها حول العزوة !!

يالله ومنكم نستفيد

ألف شكر لتكبدك عناء العودة والرد من جديد <<< تسمع بالذرابة