سعودية تهاجم ابتدائية الذكري بسلاح رشاش

**شموخ شمالية** · 03-06-2010 16:38

المشاركة الأصلية كتبت بواسطة عبدالرحمن

اكيد الولد ما خذه ابوه عنده ومانع المرة من شوفة ولدها!
طيب المرة تبي تشوف الولد والابو معيي وش الحل!
الحل برايي رشه من رشاش فوق مدير المدرسة
واذا مانفع رشه براس الاب عشان تشوف ولدها!.
ايه طلعي لنا خبايا حقيقة الستات وماعليك من الجازي!

شكرا شموخ شمالية.

هلابك استاذي القدير

ان شاءالله بجيب كل شئ بس انت امسك الجازي عني
اخاف تذبحن وتفقدون الاخبار الزينه

الله يعين قلبها هالمسكينة تبي ضناه

مرورك شرف يااخوي الله يديمك

**شموخ شمالية** · 03-06-2010 16:44

المشاركة الأصلية كتبت بواسطة ابو فارس

هذه عقولكم يالحريم - ترى ماهو متأثر

مهما حصل فأن هذه المرأة لابد انها عانت الكثير
لذلك تصرفت بمثل هذا التصرف

نسأل الله ان يهديهم ويستر عليهم

دمت بخير

هلابك استاذي القدير

ليه وش بنا حنا >>> ترسل للجازي رساله

بعذر قلبه هالمسيكينه وهي مااخذت الرشاش الا بس تبي تهدد بوه والا المره ضعيفه
وتبي تاخذ ولدها لو بالقوة

الله يهدي الاباء اللي يحرمون الام من الاولاد

مرورك أسعدني الله يحفظك

**شموخ شمالية** · 03-06-2010 16:47

المشاركة الأصلية كتبت بواسطة راع الجمريه

والله الشقرديه

لاهنتي شموخ

هلابك يااخوي

لاتسمعك الجازي تحط الحــّره بي

لاني بس اجيب السوالف عن الحريم ووده بغولتي

مرورك اسعدني يااخوي الله يحفظك

**شموخ شمالية** · 03-06-2010 16:52

المشاركة الأصلية كتبت بواسطة ابو ضاري

ليس هكذا تورد الابل ايتها الام الحنون

واخرته خذوا منها الرشاش امحق فزعه

هلابك اخوي الضاري

وشنوح خوش فزعه

ياويلك من الحايليات .. على الاقل حملت سلاح انا لاشفته بالتلفزيون
طفيتوه هذي على الاقل حملته الشقرديه
ويعتبر هذا انجاز عندنا يالحريم ...انا ابي اسير عليه واحب يده

اسعدني مرورك يالطيب ..والله يديمك

**شموخ شمالية** · 03-06-2010 17:03

المشاركة الأصلية كتبت بواسطة الجازي

ايه بس مابعد أمداها تنحرم من ولدها

لأنهم من أمس متطاقين بس !!؟

بعدين دامها مخربتها من البداية تسان جابت هالرشاش يوم هالمملوح يضربها

إلا شوشو تهقين رشاش صدزي والا رشاش مويه

تصدقين أمس جزت عيني ماطاع يجيني النوم من هالقصة قمت وبحبشت في هالنت أدور على تفاصيل وجبت لك معلومات خطيرة

يقول لك ياطويلة العمر مدير المدرسة يصير عم الولد يعني أخو هالزوج المتخلف وداري عن مطاقتهم

عاد الغريبة إنها عقب الضرب تنومت في المستشفى مدري وشلون راحت للمدرسة ومعها رشاش وهي متنومة في المستشفى ومتكفخة لما قالت بس !!

إيه يادنيا العجايب

ياخي تخلي ولده عنده يشبع به !!

وتشوف نفسها ومستقبلها

رجالة آخر زمن <<< صعيدية

هلا بالغلا وحبيبة قلبي وروحي >>> ذالــّه

ايه سمعت انه المدير عم الولد وهي عمرها 40 ومعها اخوها 16
والضاهر ان هوشتهم قديمه والا شلون جت للمدرسه وهي منومه بالمستشفى

الصراحه القصه غريبه ..بس ان شاءالله لاسمعت جديد راح اجيبه هنا

تبين الصراحه تعجبني المره اللي تاخذ حقها وافي مو مثل بعضنا يوخذ حقها وهي ساكته

وأخذة الضنا تذبح لو يوم لانها تخاف انه ياخذه منها للابد لان بعضعهم مايخافون الله

الله لايحرمنا واياكم من ضنانا >>> جته البتسوه

مرورك غالي ياغاليه بس تكفين لاتخانقينن مااعود أجيب هالاخبار

هاتس ورده

**شموخ شمالية** · 03-06-2010 17:09

المشاركة الأصلية كتبت بواسطة أبـو فهد

مرة عوبا

ياعويذة الله من شر هالعوب

----------------
أبو فهد الهمزاني

هلابك استاذي القدير

تدري ان مرورك اليوم مهو زين الضاهر تبي المخطر

شنوح تقول عوب يااخي نبي ننفّـس عن روحنا شوي
والا شنوح الرجال يضرب المره ومااحد يقول شئ ولاصارت حرمه قامت قيامتهم

يااخي مدري ليش معجبتن هالمره الضاهر اني عوبا

أسعدني مرورك يااخوي الله يحفظك

**الجازي** · 03-06-2010 17:54

يابعدي ياشوشو

جيبي ولا يهمتس

دامي متابعه لتس بصير أفسر وأشرح الأحداث على الطريقة اللي تخليها لصالحنا

بس أنا همي إنها ماتسوي شيء مهي قده

يعني جابت الرشاش بس وبعدين !!؟

ما أطلقت على أحد <<<<< سفاحة

يعني دام المدير عم الولد تسان أطلقت عليه بالنيابة عن زوجها

على الأقل تثبت إنها قد مسكة الرشاش

هاه وش رايتس فيني عاد عقب هالحتسي اللي يجمد على الشارب

شموخة تراتس غالية والله

تسلمين لي ولمعسكر النساء الشرقي <<<< لحد يسألني ليه شرقي بالذات لأني مدري حسيتها مناسبة وبس

**شموخ شمالية** · 03-06-2010 18:07

^
^

ياحبي لتس / ويسلم لي هالمرور ياعسل

انا اطالب انهم يحطونك الدكتور النفسي للمضايف
يااختي عليك تحاليل نفسيه للمواضيع تخلي لها نكهه خاصة

الا ماعندك زيارة لحايل ودي أشبع من سوالفك ياجدي

**الجازي** · 03-06-2010 18:41

آآآآآآآآآآآآآآآآآآآآآآآآآآآآآآه جعل من قال آه تبرى علته <<<<<<<<<< بتقصد بعد شوي

شوشو تكفين ماعندتس محرم لي يجيبني عندكم

شوفي بإذن واحد أحد تساني جيت لحايل قبل ما أموت <<< بالله فيه أحد يجي لحايل عقب مايموت

فأنا بعلمتس عشان أشوفتس لو في مدرسة الذكري

<<<< نسوي تذكار الحرية (( حرمه معها رشاش ))

جايه جايه الله لايعوق بشر وتسانهم ماطاعوا مالنا إلا الرشاش

<<< تسنها جازت لها سالفته

وإلا بكتب في وصيتي يدفنوني في حايل عشان أصير أول وحدة تجي لحايل عقب ماماتت

وخلهم يبلشون بي ولا يعيون علي مرة ثانية <<< وين مرة ثانية ياخاله وأنت ميته

وه بس ياشوشو هيضتيني وأنا مش أد الهياض ده

**الحيمري** · 04-06-2010 00:23

عوبا ماهي عوبا ماعلينا اهم شي انه وليده بنات بنت حصان

تعليق على ضؤ الموضوع
فضخه قلب مدير المدرسه وزوجها ماينام في البيت يروح يم مركز الشرطه وينام عندهم وكان خاطب له حرمه وطلقها قالوله ليه قال العمر ياشامان ههههه