مشاعر الحزن تقوي الذاكرة وترفع مستوى التفكير

[شموخ شمالية]

هلابك أخوي عبدالرحمن

وأشوا صرت معي لان الجميع أخذوها ان المعلومه تدعي للحزن
والصراحه هي تبيّن ان المحزون او الملقوع هو أكثر معرفه من الناس التي مامر عليها الحزن
او الخوف او الظلم والخ




تستاهل الجائزة...أبشر بالعروس بس لاتدري ام يوسف


مرورك شرف أستاذي القدير ..الله يديمك

[ابو ضاري]

الحزن يفحم التسبد

[الجازي]

8
8
الله لايفحم تسبدك وأنا أختك

معليش شموخة رجعت

مافيه أحد مامر عليه حزن ,, بس أنا قصدي على فائدة الحزن اللي ذكروها العلماء هل تعتبر فائدة وميزة أو سلبية !!؟

أنا بصراحة وأتكلم عن نفسي أعتبرها سلبية تخليك عايشة في دوامة

لأنك بتكونين حذرة من الكل وتوسوسين وما تصدقين أي أحد وتعيشين بشكوك وأوهام كله بسبب فائدة التشاؤم والحزن

تصديق الاشاعات ماله علاقة بالحزن أو السعادة ,, هو يعتمد على عقلية الشخص وتقبله لما يُعقل ومالا يعقل وهنا الفرق بين العاقل وغير العاقل ,, أو بين الفطن والمغفل

يعقوب عليه السلام تسبب له حزنه على يوسف بفقدانه الثقة في أولاده وتشكيكه في نواياهم من أخوهم الصغير لما طلبوا إنهم ياخذونه معهم عشان يكتالون !!؟ فانتقل من حزن لحزن آخر !!

يعني الحزن يخليك عايشة في دوامة من الخوف والحذر والشك وتعيشين في حزن مستمر

باختصار خليك سعيدة وعبيطة وش المشكلة

لا من جد ,, الحزن ماله فوائد إلا على قولتهم تقوية الذاكرة في استذكار الأحداث ,, يعني مايخليك تنسين ,, يساعد على الحقد والضغينة وووو

<<<<<<<<< حاقده على الحزن

الله يبعد عنا وعنك الحزن ياقلبي

[شموخ شمالية]

هلابك أخوي الضاري

وشرفني مرورك ياالطيب


الله يبعد عنا وعنك الحزن



الله يحفظك ويديمك

[شموخ شمالية]

أختي الحبيبه الجازي

هلا بهالعودة " تشرفيني يالغاليه


وربي إنك صادقه بكل كلمة قلتيها " لاني انا أنجرحت في يوم من الايام
ومن وقتها اشك بصدق اكثر الناس "الله يعين بس


والله يبعد عنا وعنك الحزن يالطربه

تريني من كثر ماحزنت بحياتي صرت اميل لعالم الكآبه""" الله المستعان


بس على يدك راح أبعد عن هالطريق وابي اتقاضب الشوش انا واياك عشان انسى الحزن وسيرته



لكِ كل الحب والتقدير

[الجازي]

يابعدي والله

أفا عليتس بس

<<<<<< تخصص مقاضب شوش

وأنت ماشاء الله عليك سيدة المواضيع الحلوة واللي فيها مقاضب شوش

تسلمين لي ياعسل

[شموخ شمالية]

هلا بهالطــّه


اذا انتي تخصص مقاضب الشوش أجل من الحين نبي نتصادق وأيــاك


ارسلي لي وكاله ..لان اذا غبتي بس ازعجي لي رساله على الخاص ولاتوصين



مرورك شرف ياقشطه

[شمـღ حنان ღــر]

اشكرك اختي ع المعلومه المفيده
ما عرفته ان كثره الضحك يميت القلب ويضعف الذاكره
لكن الحزن بعكسه هذا جديد علي


مشكوره ويعطيك العافييه

[شموخ شمالية]

هلابك أختي حنان شمر

ويسلم لي مرورك الحلو

لاعدمت هالطلــّه والله يحفظك

[شرهه]

^
بالله هاتي المقرفون




يا ويلي يالنفسياي



قاموا يرقعون لروحهم



اجل الحزن مفيد
هههههههههههههههههههههههههههه





الحزن مذاقه مر ... مر ... بالحيل

يعيفك بالمنفعة اللي تبي تجي من وراه ...وهاللي ذكرت اعلاه انا ماشوفه منفعه اقف بصف راعيت الفصيح




والفطين فطين ... والمخفه مخفه

بوه ناس ياما انقرصوا وانقرصوا وحزنووا بس ملاعبات وينلعب عليهم بسهوله ما ينفع معهم ولا ينكلون




وبوه ناس ذهان مثلي وشرواي


ما يحتاج ينلدغون من شان يعرفون يبخصون الناس




يعني ماهي شرط