حسن أم زيد المرتعد أو لا أحد ؟!

[اليمني]

السلام عليكم ورحمة الله

لدي سؤال أتمنى أن أجد الإجابة الشافية حيث أني سألت بعض من كبار السن فأكدوا لي بأنه لم يقتل أحد من المرتعدة مع عقاب وحجاب رحمهما الله
وليس في هذا إنتقاص لا لفرسان شمر ولا للمرتعدة فلكل فارس يوم له ويوم عليه
ولكن فقط لإستيضاح الحقائق حيث بعد سؤالي اتضح لي الآتي:
حسن المرتعد مات وهو مسن ولم يقتل
وزيد المرتعد مات بالطاعون في ديرة تسمى " الطبيق " قريبا من ديار الحويطات.

ومن سابق بحثي في هذا الموضوع داخل الانترنت وجدت قصائد تتحدث عن مقتل زيد المرتعد فإن صح القول بأن زيد لم يقتل فهذا يلقي بظلاله ع صحة نسبة هذه القصائد لذلك الجيل.

تحياتي لكم

[المطني]

الاخ العزيز / اليمني

المترجح عندي ان ما فيه احد من فرسان اليمنه حضر يوم ذبحت العواجيه ولا احد ذبح من المرتعده يوم ذبحت عقاب وحجاب والدليل على هذا عندي قول رشيد بن طوعان الشاعر المعروف ( لعيون هيفا نردع الشيخ بحجاب ) ولو كان المرتعد معهم كان ذكره رشيد بن طوعان لان حسن المرتعد فارس صنديد ومعروف وتفخر شمر بذبحه لانه مثل طيب عقاب وحجاب . اما قولك القصائد مافيه قصائد فيه بيت ينسب لحسين الذنيب يقول ( ابوك كز بحربة ٍ شوشليه ..... وعمك وزيد المرتعد مابعد دير ) والصحيح ان البيت هذا ملخبطين فيه الرواة البيت الصحيح هو ( ابوك كز بحربة ٍ شوشليه .... كزه حبيبي كزة الدلو بالبير ) لأن زيد ولد حسن ماهو على دور عقاب وحجاب اللي على دورهم ابوه حسن زيد على دور مشل وولده عسكر . عسى ان اكون افدتك .

تقبل تحيات اخوك / المطني

[اليمني]

جميل أخوي المطني تحليلك بخصوص قصيدة ابن طوعان وعدم ورود ذكر لحسن المرتعد في القصيدة وكما هو معروف بأن المرتعد في ذلك الوقت أي حسن لم يكن فقط فارسا بل كان شيخا لليمنة من الجعافرة وكما هو معلوم بأن شيخة المرتعده قديمة وقد تكون أقدم وإن كنت لست متأكدا من شيخة العواجي إلا أنها فقط على اليمنة ولا تتعداهم.

لكن هناك قصيدة أخرى ورد فيها ذكر المرتعد بأحد أبيات هذه القصيدة وطبعا مصدرها من الانترنت والقصيدة هي:

نوتٍ لياصاحت وزجت له أصوات = هيفاء تراه العام لجت قطينـه
على شـجـاع ٍ راح مناللأموات = منيع إبن نوبان هم خابرينـه
هذي قروض ٍ بيننا ياالـقـرابـات = ياحلورداد الجزاء قبل حينـه
خليت زينين الميـاحـاء والإرات= وينام سعدون ٍ على سهرعينـه
عقاب ٍ غصيبن يوم الأفراس عجلات = وعزاه من طير ٍ نقر حجـتينـه
بالعونعقب عقاب هـدم ٍ للأبيات= ولو صيحن خفراتهم عـاذرينه
شـله مفيز ٍ شـلة الذيبللشاة = وخلاه للي يسـتغـله بدينـه
وحجاب يامـا قال بالبيت قم هات = عزي لكميالابتن فاقـدينـه
فـوّات قبل مدورين الـجـمالات= ياليت عقال العربحـاضرينه
آيـات خمسينن تعشيهم الـشـاة = من زوبع وضياغم ٍ خـالطينه
لميتينخيال ٍ وخيل ٍ مـريحـات = وجيش ٍ يعزل من وراهم كمينه
ردوا عليهم شمر ٍعقبالإقـفـات = وغدو بصياد الحباري بحـينـه
من زوبع ٍ وإلا السناعيس الآفـات = ذهيبماعوّد على مـرتجـينـه
ضياغم ٍ مـاسـايلوا عنه لومـات = ولا صفحو عن واحد ٍطـالبينه
بأيمـانهم مثل المحوص المـسدات= والريش من فوق الغلّبمردفينه
طريحهم باالكون مابه مـراجـات= ياكلن حثات البراثن وتـيـنـه
من طاحخلف قطيّهن بالهوى مـات=وعشاك ياذيب ٍ بالأبرق سمينـه
في رآي أبو بـدر ٍ زبونالبليـدات = ياطار عن جرد السباياء يقيـنـه
وبدر وكنعان ٍ خلاف الرديـات = حبسنلتالي خيلنا ضـامنـينـه
ومزعل حوالي هايس والـقدورات= وأظنهم بمشورب ٍمتهمينـه
هذي سوايـا هايس ٍ بالمثارا ت= صاحوا جزاء ماصاحت أم ٍجنينه
والمرتعدشوق الطموح المخلات= خذاه من دوشق بشلفاء سنينه
برماح ياماسـفرّن يـم الأموات = تروه بدف وريك يادايـرينـه
داوو نحست القلب مابه مراوات = شوايـعه وصلت لسوق المدينه
والبوق يابن هضيب يظهر عقوبات= عساه ترمي ناقله قبلحينـه
وحنا طلبتن عند رب الـسموات= عينه تراعي باذرن زارعينـه
وصلوا علىنبيكم عد مامات = أو عد ماتبني بيوت ٍ قطينه

هذه القصيدة بالبيت المذكور فيه المرتعد تشكل إشكالا لدي خصوصا بأن من سألته يجزم لي قاطعا بأن حسن المرتعد لم يقتل بل مات مسنا. تحياتي لك

وأتمنى المشاركة من الأعضاء

تحياتي

[الحيمري]

والمرتعدشوق الطموح المخلات=== خذاه من دوشق بشلفاء سنينه

صياح المرتعد حسب القول في اول المعركه وهو اللي تولاه توشق وبعدين كل اللي مع عقاب وحجاب في معركه قضا الشويهري من اكبر فرسان عنزه وعنزه معروفه بالمعارك الثقيله

والمثارات ليسى فيه اي عيب لكن الحضين مايركبن على بعض لازم واحد يفوز والثاني يخسر

وصياح المردعد هو ضيف الحمزه اللي له السالفه المعروف يوم الحمزي غايب والمردعد وربعه توزعو على بيوت شمر

يقول الحمزي
يالمردعد واجبك حق(ن) وصائب==حق على اللي يفهمون المواجيب
وسمتها بحضور كل القرائب==== ذبيحتك يامنقع الجود والطيب

لخ

[عبدالله الجعيثن]

رجم الشيوخ....سمي كذا لانهم 3



لو كانوا 2 كان سموه رجم الشيخين



وبعدين ومثل ماقال الحيمري عنزه كله شيوخ وهي كانت ثأر للشويهري من عقاب

[اليمني]

والمرتعدشوق الطموح المخلات=== خذاه من دوشق بشلفاء سنينه

صياح المرتعد حسب القول في اول المعركه وهو اللي تولاه توشق وبعدين كل اللي مع عقاب وحجاب في معركه قضا الشويهري من اكبر فرسان عنزه وعنزه معروفه بالمعارك الثقيله

والمثارات ليسى فيه اي عيب لكن الحضين مايركبن على بعض لازم واحد يفوز والثاني يخسر

وصياح المردعد هو ضيف الحمزه اللي له السالفه المعروف يوم الحمزي غايب والمردعد وربعه توزعو على بيوت شمر

يقول الحمزي
يالمردعد واجبك حق(ن) وصائب==حق على اللي يفهمون المواجيب
وسمتها بحضور كل القرائب==== ذبيحتك يامنقع الجود والطيب

لخ

حياك أخوي , الفرسان تذبح وتنذبح ’ ماهي عيب أبدا لكن صياح المرتعد مات مسن أيضا وصياح هو صياح بن زيد بن حسن , وحسن الملقب بمسكت الورع هو اللي كان بوقت عقاب أما ولده زيد ما أدري لحق عليهم وهم شباب أو لا
أما صياح فماهو عصرهم أبد وصياح عهده قريب وكثار من شيباننا الأحياء عاصروه

[راعي الوقيد]

والله يالغالي اللي انا سمعت وعلى ذمة الراوي يقول ان اللي ذبح مع عقاب وحجاب هو عمهم فارس الفريس
مزعل ابن فايز واللي متحظيه بدر اخو هايس وقفوه العبدي الثالث مشاري الشقاق المفضلي ولد عم مفيز العفر اللي جدع عقاب!!
وعقب ما انتهوا منهم وهو يلاقيهم هكالرجال عاض ابهامه ، يجر رمحه صويب ؛ صويب وماخوذة فرسه.
قال : انا المرتعد جابتن العنزية ياخو سعدى ـ هايس القعيط ـ والله لاطالب ولامطلوب ، ولكن جابتن النخوة ، والعمر غالي ياهايس .
اثره حسن المرتعد شيخ اليمنه ـ بلهجة الراوي ـ!!؟
قال : سلمت وخاب طالبك ..!؟؟
الزبدة ان حسن الرتعد كان مع عقاب وحجاب بالطراد لكنه لم يذبح بل سلمه الله .؟

والله اعلم

ولكم التحية

[اليمني]

رجم الشيوخ....سمي كذا لانهم 3



لو كانوا 2 كان سموه رجم الشيخين



وبعدين ومثل ماقال الحيمري عنزه كله شيوخ وهي كانت ثأر للشويهري من عقاب

هلا أخوي , ومابكم قصور أنتم كلكم شيوخ , والثأر بين الناس من قديم لكن بالنسبة لرجم الشيوخ مافيه أحد من المرتعدة كلام أكيد

أما تسميته بالشيوخ فيمكن فيه غير عقاب وحجاب لكن أكيد إنه مو من المرتعده القصيدة اللي أوردتها أنا بالرد السابق مذكور فيها أشخاص آخرين مثل مزعل أما التسمية فماهي مقياس , تعرف البدو يهملون المثنى كثيرا فأنا مثلا لو ضاع لي قلمين أقول " وين راحت الأقلام " بلهجتي الدارجة , قد لا يسري هذا ع لهجة البدو في ذاك الوقت أو قد يسري لا علم لي صراحة .

[المطني]

الاخ العزيز / اليمني

(استدراك )البيت اللي ذكرت انا لحسين الذنيب هناك من ينسبه للتبيناوي

اما القصيده اللي انت ذكرت فهذي للتبيناوي والروايه اللي عندي لم يذكر فيها المرتعد

اياة خمسين تعشيهم الشا = من زوبع وضياعم خالطينه
اياتهم واياة خيل مريحات =وجيش يعزل من وراها كمينه
وردوا عليهم شمر عقب الاقفاة= وغدوا بصياد الحباري بحينه
عقاب رمنه يوم الافراس عجلات = فوات ماعود على مرتجينه
فوات فبل مدورين الجمالات =ياليت عقال الملا حاضرينه
شله مفيز شلة الذيب للشاة =ورماه للي مستغله بدينه
عاليت ياحماي تال الونيات =عزاه من طير نغت حجر عينه
وقع خلاف الجيش مابه مراوات =اما يسار وريك ولا يمينه
بحراب ياما سفّرت يم الاموات = ياكلن حثات البراثن وتينه
وقالوا حضاته هايس والقدورات =واظنهم بمشوربن متهمينه
من زوبع ولا السناعيس الافات =ماصددوا عن خيّر طالبينه
بايمانهم مثل المحوص المدلاّة =والريش من فوق الغلب مردفينه
ان كان هيفا العام زجّت له اصوات = نوت يروع اليوم لجة قطينه
بالعون عقب عقاب هدمن الابيات = لو صيحت خفراتهم عاذرينه
توطته حرد اليماني مشيحات =تروه بدف وريك يادايرينه
وحجاب ياما قال بالبيت قم هات = عزي لكم يالابة فاقدينه
خلوه زينين المياحا والارات =ينام سعدون على سهر عينه
هذي قروض بيننا يالقرابات =وحلو ردات الجزا فبل حينه

بعدين هناك قصيده لفالح بن فضل الغيثي منه بيت يدل على ان القتلى هاكليوم العواجيه بس ويأكد قول ابن طوعان ( لعيون هيفا نردع الشيخ بحجاب ) يقول فالح وهناك من يقول انه لعايد الغيثي ( ياعقاب عقبان المنيصب لون لك .... واستلحقن ياعقاب راسك معه راس ) ما قال راسين قال راس اللي هو اخوه حجاب وهالحين القبور اللي عند الابرق قبرين بس لو حسن المرتعد مذبوح معهم كان صارن ثلاث . وبعدين سكوت شمر عن ذكر المرتعد بالقصيد يدل على عدم قتله لان قتله ماهو خفي ( مسكت الورع )

[راعي الوقيد]

ولو كان المرتعد معهم كان ذكره رشيد بن طوعان لان حسن المرتعد فارس صنديد ومعروف وتفخر شمر بذبحه لانه مثل طيب عقاب وحجاب .

يقول ابن طوعان:

حرٍ شهر بس الزماميل والخيل * يدوّر مقانيصه بغرات الاجناب
باول شبابه عذب الكنس الـحـيـل *وخبط بيمناه البحر عقب ماشـاب

الى ان يقول :

وغشى زبار وريك مثل الهماليل * نشبت حراب القوم بقطي الأصحاب
ترايعوا للهوش ربعٍ مشاكيل * حمّاية الساقات والخيل هرّاب
عيال الشيوخ معرّبين الأخاويل * ردّوا على ربعٍ تدانوا بالأنساب
اولاد وايل كنهم جاري السيل * قدّامهم ربع يعوقون الأطلاب
عيال الطنايا فوق قبٍ مشاويل * حمّاية اللي جذّ يوم الدّخن راب
ردّوا وصادوا فارس يرعب الخيل * ياوي صيده يوم جابته الأسباب
حريمنا زجّن بزين الهلاهيل * توكّدن من شلعة الحر لعقاب
وحريمهم يشدن صريخ المحاحيل * جاهن عليمٍ مع هل الخيل ماطاب
ان كان نوت تزعج الصوت بالحيل * لعيون هيفا نردع الشيخ بحجاب
والمرتعد زبن العياد المهازيل * حوّل به اللي للتنافيل كسّاب
عقاب سلف عند وجهك مشاكيل * انت القضا بهذلول ياحصان الأطاليب
غدوا بك اللي ينزلون الأطاويل * اكّالة الدِّيوان بديار الأجناب

الى ان يقول :

انا احمد اللي بالوسا عدّل الميل * هذي فعولك يوم قدّيت الأسباب
دنياك هذي يالعواجي غرابيل * من قدّ جيب الناس قدّوا له اجياب

ولو تلاحظون اكثر تركيز القصيد على ذبحة عقاب وهو طلبهم..؟

وسلامتكم