بالخير عليكم
أنا بنتن خربت معي
ابي اسوق خلاص
طفح الكيل ورب العباد طفح
اقول لأبوي ياخي ابسوق ياخي
اشتر لي سياره ما صارت ابقضي اشغالي اللي موقفته من فتره >>>عدال يا ابو عابد
و يقول خيوينتس ما يقصرون
قوليلهم
ثمن ازهم على خيويني وكل واحد يشوتن على الثاني يما اعيف هالحاجة اللي أنا ابي
ياخي ماهي حاله
إن قلنا نبي سواق قالوا لا حنا وش حضرتنا وش تبين الناس يقولون عنا
وإن قلنا نبي نسوق قالوا حرام وعيب (:
وإن قلنا ودونا قالوا ما حنا فاضين
وش اسوي بروحي قولوا لي
وانكس لأبوي واقول لوه قلتلهم وقالوا لي هلون و هلون و هلون
قال يا بنيتي ... ما بيدي شين أنا الود ودي لو اطق لتس جيب ما طقه اطلق شنب
مار الشكوا للي ما تنام عينه >>>>>>ايه هين قال كذا
عاد أنا مابي الا شاص و دربيل عشان لا من ضاع حلالنا شغلت الشاص وقمت ادربل ...يا لبا حلاياي بس
ياخي ابصير طاره وابصير اقوا واحد بالحاره
و ابسمي روحي بوبو
>>>>
بوبو ترا معقد الطارات لا طب شارع يخلونه
الله يحفظك من النكبات عليك نطلات مجنونه
وابخاوي طهبل وابو جنيه وابو سراج ابوخشب و ويوي
وه بس وه
ربي عارفن لي ....
ياخي مالكم داعي تخلون هالسمرمد يسوقون سيارات وحنا لا
عيال اللذينا ما ينقضبون سيارات يلعبون بهن لعب
الا صحيح بوه ناس للحين تهتم بالتفحيط وتجمع مقاطعهم وتجمهر وتهايط والا لا ؟
الله يرحم ايامك يا والا اقول بلاش فضايح
برايفت
اجلت قصتي حقت عمتي الصنوت للاسبوع الجاي لدواعي امنيه
و شكرا
الا تعالوا صحيح وشنوح المضايف طافيه
رد مع اقتباس
المفضلات