وغميضت شبابك ياسلطان (1)
السلام عليكم ورحمه الله وبركاته
علومكم ياهل الفلهماكنت احسب اني اشوفكم كثر ماشفتكم
افييييه الحمد لله على السلامه
<<< توه واصل اراضي السعوديه
اسمعو ياهل الوجيه الكالحه اقصد الفالحه
ابي اقولكم سالفتي من طئطئ لين عليكم السلام
الاسبوع الي طاف قام يقردنن واحد من العيال
تكفى خاون لسوريا نبي نتمشى كم يوم وراجعين
الزبده قلبت الفكره براسي واقتنعت (انقردت ) وخاويته
حجزنا الطياره وخبطح الا حنا بسوريا
<<< ماوده يقول الفضايح الي صارت بالطياره
وصلنا سوريا واجرنا وعينا من الله خير
وبالليل رحنا تعشينا وتمشينا والامور تمام التمام تيقاهي تيقاهي
رجعنا نمنا
ونطلع ثاني يوم لباب الحاره الا حلاق ابو عصام موجود
ومقهى ابو حاتم ايضا قلت ماحولهم تصوير ابي اصور معهم
قالو اقضب الباب اصرفلك
ودقت ساعت الصفر وحانت اللحظه الغبراء
قلنا نبي الزبداني ونركب مع راعي تكسي
قلت عمووو ازا بتريد وصلنا لزبداني << بهالحتسي تسني سوري
ركبنا معوه خويي من ركبنا نام ورى بالتكسي
وانا دق حنك معوه
يومنه هتسع يمين بطريق مظلم
قلت عمووو هاذا مهو طريقنا يعلك تخفى
قال عمووو هاذا طريق مختصر
قلت عمووو لاقيني بلفه تضحك علي ارجع لطريقنا لاتغدي علوووم
قال يعني شو بدك تعمل ولاه
قلت لا ابد سلامتك ابي اسلم عليك
وانا افزع خويي قلت اقعد لعن ابو حيك هذا نوى زرفتنا
شوين يومنه طلع المسدس
قال ولاه انتا وياه بتئعد عائل ولا شو
وانا اطلع الفلوس الي بجيبي وجواز السفر قلت هاذا الي معي توصي على شي غيره
نكمل مجريات القضيه في الحلقه القادمه
رد مع اقتباس
المفضلات