سنتن من المرات
يا عيال اللي يبي يدقق يديور من هنا
اخواني وخواتي الافاضل
مافيه شك ان رب العزه والجلال ما خلق شي الا لشيء
لحد يقول ليه الله خلق هالشيء
اعوذ بالله من هالكلام
عاد انا والعياذ بالله من الاناء احس ان الفورد مصنوعتن لنوعيتن معينتن من البشر
ومواصفات خاصه
واهمهن ان كراعينوه طوال << حشى طرد ضبان
يعني الطوال بس هم اللي يركبون الفورد
عاد قدر الله علي وشريتلي فورد << بالخير يابو غازي
يالربع قمة الاحراج اذا كان اللي يقدم المرتبه خربان
ياهو جاني شد عضلي
تسيف كراعي اليمين هالحين اطول من اليسار من كثر ما امغطه
الوكاد اني سافرت على هالمزيونه بهالفايت
ومسكت خط الشمال
ياااربي ما وصلت المجمعه وانا اعرف الناس
وانزل واسوي تمارين اطاله عند حدى المحطات
وتمارين فك عضلات
<< احلى تحيه لناصر الجوهر بغيابوه
وهي تجيني فكره على الاقل تبي تخفف من معاناتي
وانا اشرب البااااايسون
ليما خلص
واحط القوطي على الدعاسه وادعس عليه
تقل اشوى
الوكاد يوم تعديت الحفر وانا اقوم اضغط بهالدقم وهالازارير
وانا اطيح على اللي يثبت السرعه
والله والحلاااااااااااا
والله والزييييييييين
وادعس ليما وصلت 200
واثبت السرعه
وانا اتورض ( اتربع ) على المرتبه
واصبلي كاسة شاهي
واشغل المسجل واقوم اسولف عليه
مااااافطنت
الا هالتحويله بوجهي
عاد تخبرون خط الشمال ما يستغني عن التحويلات اللي يعز الحكومه
يالربع وانا ارتبك
مااااااادري وش اسوي
نسيت الفيد اللي يفك التثبيت
ونسيت ادعس على البريك او أي شي
الله يجيركم وانا اقوم اطنب
واطلع راسي مع الدريشه واقوم لي صياح
جيتكم
جييييييييييتكم
انحااااااااااااااااشوا
<< تخبرون ادور اقل عدد ضحايا لان فيه عمال يشتغلون
وانا امرهم طاااير
واخش مع التحويله
وارجع مع التحويله اللي وراه على سرعتي
بغيت اروح والبد بالمرتبه اللي ورا واللي يصير يصير
الوكاد ليما طبيت رفحاء وانا على سرعتي
واشوى فكيت المروح اللي بغى يدهورن
بس
يوم قربت للبيت سمعت قرشه معي
وانا انزل وراعي
ليمار فيه سطلن ناشبن بالسياره
الله العالم انوه حدا سطول العمال
انتبهوا يا اخوان يالمسافرين من تثبيت السرعه
وتقلدوا تحيتي
رد مع اقتباس
....كلهم طلبوا اللجوء السياسي من الخرعه
المفضلات