/ لاس فيقاس تنادي /

**روح حايل** · 30-04-2010 23:54

ابعدوا عني

لاتكلمونن تراي من كبار الشخصيات هالحين

شلونكم كل بيكم عساكم بخار

يالربع اتيتكم ابي شوركم ياملي انتم وادري ماتقصرون

اما اللي يبي ينصب علي يولي

يالربع كما تعلمون ان الله الرازق المنان على البشريه جمعاء

وان الله اذا اراد شيئاً انما يقول له كن فيكون

ولأن تجارتي كانت فقط في حدود البسطه بسوق الحب

بجانب بسطة ام رزوووق للبراقع والنقابات واللزي منوه

نوفيكم علما بان ام الهكي رزقها الله بفضلِ منه وله كثير الحمد والشكر

بمبلغ وقدروه 250.000 مائتان وخمسون الف ريال وفوقن مغاط ماسكهن

واتت علي ام الافكار الشيطانيه اني افتح محل كبير للمفرقعات والالعاب الناريه

وتعوذت من ابليس

ثم فكرت بفتح بوفيه تخصص تسبد حاشي

ثم تفلت عن يساري

وقعدت اقلب هالمخ لمين التوى وجانن شد عضلي بعصبة النخاع الايسر بالركبه

وقررت اني استشيركم يالفقرانين

<< امدا هالتكبر

الموضوع مفتوح حتى صباح يوم الاحد اقبل مشوراتكم للدراسة وبحث

الجداوى الاقتصادية والمشاريع المطروحه

بشرط :

الجديه في طرح المشروع

يمنع طرح معروض للسلف وشاكلته

رجاءا لحد يطلبن اصير لوه كفيل

وابي المشروع بحايل فقط لاغير << ابو من علمتس الوطنيه

يالله اها انجزوا علينا ولا ترى بروح اسافر بهن لاس فيقاس يقولون

التجاره اذا تبيه هناك

**ام الرغفان** · 01-05-2010 00:03

<<<تصب قهوه لاام الهكي

ممكن تصيرين خويتي

اسمعي انا عندي لتس مشرووع انما ايه بس انتي هاتي الدراهم انميهن لتس وارتاحي اهم شي راحتك ياطويله العمر

**روح حايل** · 01-05-2010 00:16

^

ههههههههههههههههههه

لا بالله خوش نصيحه

عاد ماعرفتينن انا لازم افتح عويناتي على اللي رايح واللي جاي

شلون لو هي دراهم وصخ دنيا

لازم انظف الوصخ بيدي ولا ما ارتاح هههههههههههههههههههههههههه

**شموخ شمالية** · 01-05-2010 01:45

/
هلا وغلا ومرحبتين ببنت ديرتي

انتي خويتي صح

تكفين أفتحي بوفيه ذبحنا فلافل التنور وبوفية مشاري ماعندهم ماعند جدتي

والا وش رايتس نصير شراكـة ونفتح مطعم نسائي عند برزان وربي لاتكب عليتس الفلوس كب
وعاد حنا بوجه عطله......... وخصم للعرايس

الا ماودك تسيرين علي الضحويه ياملي

**شرهه** · 01-05-2010 07:13

الليله ارد لتس

**ابو ضاري** · 01-05-2010 08:06

اسمعي ياام الهكي بما انك من اهل الفله

بوه مشروع تحت الانشاء

انا والجعيثن مشتركين بوه

المشروع على قسمين قسم يبيع بليله عند المجمعات الكبار بالشرقيه

والقسم الثاني مطعم بروستد حراق بالعزيزيه

وعند الكرميش

والمدير التنفيذي خالي يوسف وشرايتس تشتركين معنا وتحولين الدراهم لحسابي

**ليلى بنت عبدالعزيز** · 01-05-2010 08:11

على البركه الله يطعمك خيره ويرزقك

شكله قرض من البنك العقاري طالع لــ ابو العيال هههههههههه

شوفي نصيحه من اخت افتحي محفظه في بنك البلاد او الاهلي واشتري اسهم الراجحي

واذا تبين اي خدمه او استشاره من عيوني اخدمك

المهم لاتنسين الدعاء وتتصدقين منه
والله يرزقك بحلاله عن حرامه

**عبدالله الجعيثن** · 01-05-2010 11:25

<<<يضحك ويراعي للسما

ويلمس اذانه

مشكلة ذوي الدخل المحدود ليا انبعجت عليهم<<<<شعنده خاشقجي

3 حبات ميني باص...للمشاوير الخاصه

والثلاث بعد سنه تجيب 3 غيرهن

قسم ماياقفن

واكتبي على دريشته جوالي

**فوق الغمآم ~ْ ْ** · 01-05-2010 14:24

يمدحون لاآآس فيجآس

بس خذينن معك ،،

**يـــوسف** · 01-05-2010 14:55

لاس فيغاس

حيييييييييييييييييييييييييييييييي هآلطاري

اسمعي بلا مشاريع بلا بطيخ

إتركي عنتس سوالف اللي مسوين تجار وهم من جنبه لو يفتح بوفية مسح رقم ابوه يقاله مايبي احد يتمصلح معه

انا من رايي نروح شلة يم لاس فيغاس

ونقوم نحوف الطاولات اللي انا خابر <_ يرومش عيونه قالبات على شكل دولارات

وخلينا ندبلهن دبل ثري فور فايف وعلى يدي لأني خبير ياعين ابو بنقالي خليته على الزيرو

المهم وبكل سراحه عندتس سلف 61 الف

اليوم طردوني من الدوام عيو يخلوني اوقع العقد الجديد يما اسدد <_ بلأك لست مشرفكم افزعي