شاعرنا الراقي.. حيــّاك الله

[مقبل الضوي]

مارايك بعمل المرأه !!


هل تؤيــّد زواج الاقارب او تفضها خارج القبيله !!


كتبت قصيده عن عروس الشمال ام لا !!



لي عودة ..الله يعينك...

هلا وغلآ

* عمل المرآه .. اشوف انه عادي اذا ما يكون بالعمل تخالط



* الزواج بشكل عام قسمه .. انا مؤد للزواج وبس ايآ كان

* نعم كتبت بعروس الشمال وقريبآ تكون بالمضايف

[مقبل الضوي]

الله يصبحكم بالخير


اخوي مقبل


الشهرة هل هي عامل لستر عيوب الشاعر او لفضحها ؟



بيت او قصيدة تمنيت لو كتبتها ؟



هل تعتقد ان ( ابو غازي ) شاعرنا المخضرم قادر على مجاراة قصيدة { سارعي للمجد والعلياء }؟




ميولك الرياضية ؟




تاريخ تسجيلك 2007 إذا قارناها بعدد المشاركات فالعدد قليل وعليك الاعتراف به .... لماذا ؟<<< هالسؤال احس فيه لعانة





تري مكاسي شاعرنا مقدماً

هلا وغلآ

* الشهره به سلبيات وبه ايجابيات ولكن ايجابياته اكثر

* قصيدة تمنيت اني اكتبه .. قصيدة فيصل الطواله ( الذاهبه ) قصيدة ناصر القحطاني

* ابو غازي شاعر كبير اما المجاراة هههههههههههههه والله اشك

* ميولي الرياضة ( اشجع حسين عبدالغني والارجنتين )

* اما تاريخ تسجيلي ومشاركاتي فالسبب تقصير مني انا وانا عندي منتدى خاص ويشغلن لكن المضايف بيني وبينه عشق

*حياك الله يالعزوه

[مقبل الضوي]

اسئلتي طال عمرك


هلا وغلا سلطان


س1/ هل اثر الشعر في حياه مقبل اليوميه ؟

كثير ..

س2/ متى كانت بدايتك الشعريه ؟؟


تقريبآ بدايتي الفعليه قبل 4 سنوات

س3/بعض الشعار لايمتلك سوى شعر الغزل ؟ فما هو رأيك بهؤلاء الشعار؟

الشعر وش ماكان غرضه يعتبر شعر .. ودائمآ تلقى كل شاعر له ميول معينه لكن الشاعر الذكي ياصل للقلوب بأي غرض

شكرآ اخوي سلطان

[مقبل الضوي]

منهو يقول العشق تمحيه السنين ؟؟
حرام من قاله فلا عمره .. عشق ..!!



الله الله.. صح لساانك هالبيت عن قصايد يا مقبل..




حياك الله يا مقبل.. في مكانك..



و مبروك الفوز في مسابقة النبطي..



بالنسبة للمسابقة.. ماهي أفضل المشاركات برأيك..!؟


هالسؤال طرى علي..




و سابقى هنا متابع..

هلا وغلا بالغالي واستاذي هايس

والله ويعلم الله ان لك معزه بقلبي


وصح بدنك والله يبآرك فيك

الحمد لله على الفوز


بالنسبة للأفضل

للأمانة بركات ويستاهل

[مقبل الضوي]

ياهلا ويمرحبا باخوي مقبل الضوي الشاعر الجزل

ما ابي اطول عليك اخوي الغالي
بس سؤالي هو طلب مو سؤال ؟

بيت شعر عن الفراق ؟
ولاهنت واسعدني تواجدك اخوي الكريم وبارك الله فيك وفي حضورك للمنقول هذا شرف لنا جميعااا

هلا وغلا بالغالي


والله حضورك غالي


بالنسبه لطلبك

ابشر هذي قصيده مو بس بيت



تومي لي الفرقا بموعد شتاتي .!!
وانا ارتقب راس المشاريه وارقاه






اكثر همومي يكسره قو ذاتي
الا عيونك ماتعودت فرقاه...





لاسلهمت برموشها موج عاتي
يغرق بها قلب المولع ويحياه





ماكن بغيابك حياتي :حياتي ..!!
يبست محاصيل القاء وانتهى ماه





الياس ياطا وجه كل امنياتي ..
(..الا غلاتك يبطي الوقت ياطاه..)





من القهر والضيم (حبرت شفاتي )
ومن الغلا والعشق (روحي تحداه)





لو تجتمع كل الظروف.. وعداتي
لبيع روح ٍ .. ماتهاب ..المعاداه





طيرت من قلبي..( حمام اغنياتي..
غيمة رحيل ..!!وشوق يقنب بطرياه





ياغيمتي اروي (بقايا نباتي )
الوقت حدن ياغناتي على اقصاه





مابيك ماضي.. تنصبه ذكرياتي
ابيك حاضر.. يرفع الشوق مبداه





ابيك ليلٍ يسترن في... مباتي
ابيك عشق ٍ افرشه..//.. واتغطاه





شفني بدونك .. انعمي .. ياعصاتي
شفني بدونك اعشق الليل./.وانخاه





اشب مجلس ليلتي بك.. احاتــي
مدري انا اقدع من غيابك معاناه





ولاتدق( نجر الغرام) اغنــياتي
وابهره من رجعتك.. واتقـــهواه





لاتقول كم (آآآه ) خذيت بحياتي
قل كم تبي تاخذ حياةٍ من (الآآآه)

[مقبل الضوي]

لقاء جميل جداً...
ولعالم الجمال هنا عودة
مع أسئلة

كل التحايا للشاعر القدير مقبل الضوي
وعاطر الود للأخت شموخ..

لكما احترامي ..

هلا وغلا اختي شام


اتشرف بتواجدي

والله يبيض وجه مشرفتنا


شكرآآ اختي شام

[مقبل الضوي]

ماذا تنصح الشاعر المبتدي ؟

اقرب مدينه لقلبك ؟وهل زرت او سافرت خارج المملكه ؟

الصداقه ماذا تعني لك؟وهل كتب ابيات عن الصداقه؟

هلا وغلا

* انصح اي شاعر مو بس المبتدى بالقراءة لانه بصراحه تزيد الابداع

* اقرب مدينة لي غير الجوف هي رفحاء وحايل

* نعم كتبت عن الصداقه وهذي هي


ربك يعين ويفرج الهم يا صفوق
لاصرت انا والهم حزب ورفاقه
كني ربيط بمقدم البيت مشنوق
والبيت عن دمي يفتق رواقه
يدي قصيره والنظر دايم فوق
دعوة ضعيفن بالرجاء وبنطاقه
الموت اشرف من خيانه بها بوق
الذوق صونك للخوي وبـ لباقه
ياصفوق كبدي عايفه لذة الذوق
والجسم ماله يالمجانين طاقه
سم الكدر يكره على وجهي الروق
والدمع يصبغ وجنتي بحتراقه
يامن يعين ضحكتي ؟؟ من لها عوق
وقلبن يداري عبرته واختناقه
في هالزمن شفت المظاهر لها سوق
ولآ المخابر قلـلوا فـي اعتناقه
الذيب مايصبر بدنيا بها ضوق
ولآالردي تبرك عليها نياقه
احدن همومه وجهها دايمن فوق
احدن همومه بالردى والعلاقه
شفت الخشب يبلشك لاصار محروق
والعود الازرق قيمته بحــتراقه
وكان المراجل ثوبها اليوم مشقوق
تحرم علي لو هو لذيذن مذاقه
اما اصادق مثل شرواك ياصفوق
ولآ اعيش العمر بلــيا صداقه


وهذا مقطع صوتي

[مقبل الضوي]

هلا وغلا بريح الشمال

هلا بالبدوي الشامخ

وفعلا ... ضيف يستحق هذه الاستظافه

اقصد شاعر جزل ... تفتخر به الاستظافه

...

..

اخي مقبل ... من اجمل مراحل حياتي العمليه

انثاء تواجدي في منطقة الجوف

ولكن من سوء حظي اني لم اتشرف بمعرفتك عن قرب

خيرها بغيرها

وعلى ضوء ذلك ... سأسألك سؤالا / اسئله

هل كتبت في الجوف نص / نصوص ؟

هل كتبت في الشمال بشكل عام ؟

مالك زياره للشرقيه ؟

(ومبروووووك الفوز بالمسابقه ) وتستاهل وربي

(وشكرا لمشرفتنا على هذا الجهد )

لي نكسه (على قولة اهل الفله )

تقبل مروري

الراسي

الراسي وعصابة راسي بشير

يابعد حيي هالوجه

والله انك قهرتن صدز

قهرتن بسالفة عملك بالجوف

لكن ان شاء الله الجايات اكثر

بالنسبة للجوف والشمال كتبت قصيدة


وبصراحة ما نشرته الا بمنتدى وآحد

وانا ابشاورك انت ومن يقرآه

انزله هينا بالمضايف او لا

ومناسبة القصيدة هي :

اول مره اسافر برا السعودية العام الماضي

المهم خويك يحسبن الاوضاع مثل ديرتوه

يوم وصلت بوسط عمان جانن هكالتاكسي

يعرض خدماته

الوكان قاله كلام هيضن

القصيده هي :
الناس حيه والشوارع تضارك
واليل طوح غترته وسط عمان

خلك يسار السيد واعكس مسارك
لآ صار جيبك بالدنانير ملـــــيان

تبي صبايا تنثره رزف طارك؟؟
ولا تجيكم بنت ترقص لكم هان ؟؟

يمين( ملها ) و(الكنايس) يسارك..
وهذا طريق ( اربد ) ليا صرت بلشان


وانا الذي فيني جيوش... ومعارك
وفي ناظري حر ٍ من الضيم سكران!!

حر ٍ تراواله ..حدود الجمارك..
يموت لاشاف التقاليد تنهان!!

وياراكب اللي للثقيلات( بارك)
جيب ٍ على كل المشاوير طربان

اشر على دارك ويا قرب دارك
وليا وطيت البنص ماقال تعبان

ينصا ربوعن بالمواقف تضارك
هل الشمال مدلهة كل بحلان


حايل وجبه والنفود بمســــارك
والجوف .. رفحاء والحفر علمهم بان

ربع ٍ على قاع الجزيره تبـــــارك
شمر على قلب المواجيب نيشان

ربعي طــــــنايا يوم عج المعـــــارك
ربعي طنايا واقضب العلم يافلان

واخص اخوي اللي وسيع المدارك
طلال عزي بالمواقف كحيـــــــلان

وياما حلا تعللتن عنــــــد نارك
وصفرٍ على جاله دوى كل عمسان





* زيارة الشرقية :

لو تدري يمكن تدبن ههههههه

والله لي اسبوعين جيت منه

والعذر والسموحه يالراسي

* والله يبارك فيك يا ذيبان


عزالله وآفي يالغالي

[مقبل الضوي]

بالخير بالخير بالخيري




حيا الله شاعرنا






بما انك كتالوني وشو شعروك يوم يجربعونكم الانتر






تقول ان المضايف شلليه ؟ مافهمت وش تقصد بالضبط ممكن توضح اكثر >>>تبي تنكبه






من الذي يطرب الضوي ؟؟






طيب انت من ربع الشيشه والا الزقاير ؟>>ابو من علمتس الاسعله








حياك اخونا منور المنغول

هلا وغلا


حياك الله اختي


وش دراتس اني برشلوني ؟؟



* المضايف شلليه .. انا اقولك الصدز ولا ابلش وانا اقوله مدام انه صدز

المضايف شلليه ( كل واحد له شله ) قدآآم مععه معه

اتوقع فاهمتن قصدي


*يطربن ابو نايف


* الحمد لله لا شيشه ولا زقاير من فضل الله


* منوره السنغال اختي

[ام الرغفان]

ماعندي سؤال بس بصبح/امسي عليك بالخير

وبكتفي بالمتابعه,,,

يعطيك العافيه,,,

شموخ يسلمو