صبحكم / مساكم الله بالخير جميعا
قصيده تعبر عن نفسها .
محتار فيك اليوم وأحترت مبطي....!
القصيده :
محتار فيك اليوم وأحترت مبطي
وش قصتك بالظبط حيرتني فيك
تخطي تجيني تعتذر ثم تخطي
وتزعل وترضاء ..قبل اجيلك واراضيك
أطلبك ماتعطي ..وتبغاني أعطي
وياما عطيتك بس ماعدي اعطيك
وأحكي معك با أسلوب للصوت أوطي
وأنت بكلامك تزعج اللي حواليك
لاشك رايح .. نكشف الي تغطي
وافهم حقيقه حاضرك قبل ماضيك
بقلبي سطيت.. ورايح بقلبك أسطي
وأخذ بثأر جروح قلبي.. وأخليك
للشاعر منصور بن سعدي الرمالي
الله يرحم الشاعر الكبير منصور الرمالي
ولاهنت اخوي ناصر على النقل المميز
دمت بود
الله يرحمه اللهم امين لاهنت يالغالي ياسلطان
التعديل الأخير تم بواسطة ناصر الشمري ; 24-04-2010 الساعة 10:28
،،
رحم الله الشاعر الرمالي
وأبقاك الله أخوي ناصر
وتسلم يمينك على النقــل المميّز
لاعدمناك
وأن أردت التفاخر بشيء
ذكرت { أبي } لا أكثـر ..!
السراحه
قصيدة قمة من شاعر قمة .. الله يرحمه
بس يا ناصر يا خوي ليه للحين نبرة الفراق ماسكه معك
قلنا لك القلب رهيف ... خف علينا يرحم لي شايبن جابك
جبلنا من الغزليات المفرفشات
<< غايلن ناصر بزاوية .. تفهم
لكل من ظن بنا السوء .. غفر الله له
ناصر تسلم يمينك ولاهنت قصيده جدارائعه
يسلموا ناصر لاختيار هذه الابيات الجميلة
دائماً ننتظر جديدك
احترامي لكَ..
هكذا هم الغرباء يأتون ويرحلون بـصمت ..!
لاهنتي اختي شموخ لاهنتي اختي الكريمه
هههههههههههههه الحنشششششل لبى قلبك .
ابششر ابشر يالغالي
كل انسان عنده همه بشي يجيد فيه ويبدع ابداع الغزل والحب بخريطه ناصر الخبر ( ماهي موجوده )
احس ان اقرب لي شي الذكريات الاوله اقرب لي من الحاضر فاحس اني اجيد اختيار القصائد اللي انا احس اني افكر فيها
وهي الفراق الذكرى الاياام اللي مضت احس انها احسن من اللي راح تجي عشان كذا تشووفني متمسك في الماضي .
وابشر يالغالي كم عندنا الحنشل واحد وابشر بالغزل والحب بس شرط( لك ماهي لي ) لاني ما احب هههههههههه
ابشر يالغالي ماطلبت شي عيوني لك
ام الرغفان وتسلم يمينك اختي الكريمه لاهنتي
الذين يشاهدون الموضوع الآن: 2 (0 من الأعضاء و 2 زائر)
ضوابط المشاركة
رد مع اقتباس
المفضلات