( ثبات حتى الممات)
يا ناس خلوني على نصرة الدين
متمسك(ن) به في مساي وصباحي
الحق بصدع به على العسر واللين
والله كفيل(ن) بالفرج والفلاحي
ما نيب بايع مسلك الخير بالشين
ولو قدموا لي ملكهم بالرباحي
صابر على ديني ولو ناشني مين
ولو قطعو جسمي بكل السلاحي
وما دامني حي(ن) فلا لي براهين
يكون موتي في سبيل النجاحي
والله لاصبر دامها تطرف العين
وما قدر المولى على العبد لاحي
شعر حفيظ بن عجب آل حفيظ الدوسري
(( حياة المعنا بالقيامه وبالبابين))
أنا لا بغيت اكتب من الشعر لي بيتين
ترامى علي الهم يشكي لي اظروفه
عذابي اليا جيت اتمثل ولو حرفين
تسابق دموعي بالعنا غير مكفوفه
حياة المعنا بالقيامة و بالبابين
دخل بالولادة والمنايا على شوفه
حسافه على اللي ضيع العمر بين البين
تعنا ولا حصل مع الناس مالوفه
غريب الوطن لوعاش به فارقه في حين
يعود على داره ولو طالت اسلوفه
شربت الكدر والصافي اللي يسر العين
وخذيت التجارب من هل العرف موصوفه
لو اننها تصفى لشخص(ن) صفت لاثنين
ولو انها تبقى لاحد كان محسوفه
مضت بالكرام اللي عليها علو بالدين
وقفت بخير الخلق ما هيب مأسوفه
عسى الله يقدينا الشلا والختام الزين
ويغفر ذنوب(ن) خافيه غير مكشوفه
شعر الشيخ حفيظ بن عجب آل حفيظ الدوسري
رد مع اقتباس
المفضلات