بالخيرات لاهل الفله الغالين
شلونكم
ششششششخبااااركم
اني ارا حيونه باديه على الزقرت
المهم
سيرت بهالفايت على خوين لي
وقمنا نجر هالسوالف
ونسولف بالعطورات
وهو ينطلدز علي يالربع
قال انا عندي عطر اسمه ... << مايبي يسوي دعايه
وشاريه بـ 500 ريال
قلت وشو بخمسميه
قال ايه
قلت الخمسميه الزرقا اللي انا خابر
قال ايه
قلت خمسميه وشو ريال ولا ربيه
قال ياخوي جايك العلم اني بنقالي ايه مسمية ريال
قلت العن شكلك تشري عطر بخمسميه
لعنبو بليسك مقاضي بيتنا كلهن بست ميه
قال لاحووول يهالمتخلفين
انتم ..
وانا اقاطعوه قلت وشو وشو وشو
قال شفيك
<<< بهاللحضه الوضع توتر بيننا
قلت وش تقول انت منهم المتخلفين ؟
قال انت وامثالك ويالله قم اطلع برا
قلت ماني طالع وبك خير طلعن << لزق ببيت الرجل
وهو يصوت لاخوانوه << توهم مسلمينن علي
وهي تقبس
وامسكلي زاويه وبالفناجيل انا وياهم خذوه وذقوه
هالعطر ذكر بسالفه قديمه << ياعل وجه العدو يخفا مسك خط
كان فيه بالرياض سوق شعبي اسموه سوق الخميس
ما يجي الا يوم الخميس
ومرتن من المرات رحنا يموه
وكنا صغار
يوم تقضينا وخلصنا ورتسبنا بالسياره
قالت امي لابوي اوووقف اوووقف
قال ابوي خير وشفيه
قالت امي نسيت ابشري طيب للوغدان
حنا يوم سمعناه طرنا بالعجه
قاهريننا عيال الحضر معنا
ليا دخل حديهم الفصل بس نتليه من زين ريحوه
المهم وهي تشري امي حوالي 15 واحد
كلهن نوع واحد
تخبرون القديم اللي غرشتوه حديده
كلوه حديد
لونوه فضي
اخبروه يوم شرتوه امي كان الواحد بخمس ريال << يااااربي يالغلا
الوكاد
يوم قمنا الصبح نبي ندرس
وهي تجيب امي عطوراته
وهي تقوم تكش
يالربع
ياعليه ريح
لو ترش على عنز فطست
عليه ريح بالمخ على طوووول
الوكاد اميمتي مجهده وتبي تطيبنا
وحنا نروح للمدرسه
وانا كااااشر من الوناسه من قدي ريحتي شي
وادخل بالفصل
تقل داخلن عليهم باجيو
شووووي وهو يدخل المدرس
وهو يسد خشموه
<< مستانسن على الوغدان ما يدرون وش السالفه
وهو يقوم يتنشنش
ويتنشنش
تقل تسلب بليصي
ليما وصلني << العن ابو شكل خشموه اصلي
قال وش هالريح اللي معك
قلت طيب يبه << ضيع من الخرعه يحسبوه ابوه
قال الغالي اطلع برا خذلك لفتين بالملعب ليما تهجد ريحك وتعال
وانا اطلع واقوم افر بالملعب << مجهد يابعد رووووحي
يوم طلعت من المدرسه واعلم امي
والغريب
ان كل اخواني مروا بنفس حالتي
المقصد
العطورات وكل شي بالدنيا
له حد لا تنقص عنه ولا تزيد عنه خلك بالمعقول
ويالبى الرخيص الكويس
وتقلدوا تحيتي
المفضلات