ظهورهن ياعبيد
ظهورهن ياعبيد ياسابق الليل
وخذ الحذر ياعبيد عند الخباري
إحذر زلاق القاع والبرد والسيل
وإحذر جيوش أبياتهم بالنهاري
ياعبيد في ممشاك لاميل لاميل
حكيك موثق مثل ضرب الشباري
ظهورهن يعني بيوت الحلاحيل
عشان تاضح عند سامع وقاري
أبا أتحدى كل شاعر ولو قيل
سفيه مستهتر عجول إنتحاري
قل للقصايد:جاك من يعسف الخيل
ومن علم الأحرار صيد الحباري
وقل للقصايد:جاك من يدبل الكيل
ومن تعب الأبيات ليل ونهاري
وقل للقصايد:سيل وأزود من السيل
طوفان بحر وزحف رمل الصحاري
ماني بقصاد ولاواهن الحيل
شاعر وفي بدع الجزيلات ضاري
يامكثر(ن) بالقول ياتابع القيل
لاتعذرب إبن الكايده وإنت عاري
ترى عمود الشمس ماجفف النيل
ولايرد الغيب كثر المداري
بين الرجا والياس جرح وبهاديل
وبين القهر والصبر تك العباري
وبيني وبينك بعد الأقمار وسهيل
ضوي قريب ولاتوصل مداري
أنا لياشبيت شقر التماثيل
تنشاف في راس الطويلات ناري
إلحنه وأحلل الحرف تحليل
حتى يقال إن الجزيـلات داري
قم يانديبي يايمين المشاكيل
ياجابر(ن) يمناي بعد إنكساري
سلم على قحطان نعم الرجاجيل
الطيب به نهر(ن) من الله جاري
وخصص فلاح بماكتب بالمراسيل
الصادق الزيزوم ذيب المساري
ياما على شوفه نسوق الهلاهيل
ياحي من رجل(ن) وياحي طاري
إليا شكيت الهم ردد: تساهيل
وإليا ومنت الغدر ردد: حذاري
مدهاله القرآن خير المداهيل
وصحيح مسلم مع صحيح البخاري
وصدره ديار(ن) به بروق وهماليل
وريح الندى والورد بلسان قاري
لاياحفيد الـدرع والسيف والخيل
سهم(ن) سريع(ن) للمعادين ساري
من لابة(ن) له في حشا قصير تبجيل
عسى جزاهم بين حوض وحواري
قحطان ريح الدم والسمن والهيل
ضواري(ن) تكسر خشوم الضواري
وأنا ولد شمر على الضمر الحيل
سقم العدا سم(ن) للأجساد فاري
حنا سكون الليل وأدهى من الليل
من قبل ولا بالزمان الحضاري
إلا جهلنا فوق طيش المهابيل
وإلا جلسنا يعتـليـنا الوقاري
هذا وشمر والقحاطين ياسهيل
إخوان وأقرب من صديق(ن) مباري
إحبهم حب الكرم للفناجيل
وشوقي لهم شوقي لشوف الخضاري
في وسط روض(ن) مرويه غادق السيل
تضحك وما للهم بالصدر طـاري
تمشي وتبدع من خيالك مواويل
ويجاوبك بغناك صوت القماري
بين الخباري والنواوير والهيل
والشيح والقيصوم نبته جواري
آخذ مع الرحمن سجده وتهليل
وإقول: ماشا الله لك الحمد باري
ومن بعد ذكر الله تزين التعاليل
مع خدرة الشاهي وللشيح طاري
في مجلس(ن) كله رجال(ن) مشاكيل
لوتطلب أصعب ماتبي قيل صاري
مجالس(ن) ماهي على القال والقيل
ولابه لعرض الناس بايع وشاري
شبت حطب جنبه تصف المعاميل
تنادي أهل الطيب في كل داري
هذا هواي وركعة(ن) تالي الليل
وهذا منى عيني وهذا إختياري
والجادل اللي نظرته طير أبابيل
تذبح وأنا قلبي للأشواق قاري
من صغر سني عشقها بيد الحيل
وعلمني الأشعار وأيضا العباري
حتى كبرنا وأثمرن المحاصيل
والشوق يكبر والغلا بإزدهاري
ولبست عباته والنواظر بها الميل
من حبها كم واحدن بالطواري
جت دعوة(ن) من صاحبي بأول الليل
وقريت وأثر الموت معها مباري
وضاقت بي أرضي والسما ياسماعيل
وخطر(ن) على عيني تهل العباري
حضرت عرس أعز كل الرجاجيل
ودفنت روحي ماشي(ن) لإحتضاري
باركت له والدمع بل المناديل
وأقفيت وعيوني دليـل إنكساري
تزوجت!!!!! ياصعبها ياسماعيل
ياليت لو ماني بكـالـعلم داري
وياليت لوهو حلم يقضي مع الليل
وياليتني أعمى ولا كنت قاري
وياليت لو ماجاب شوقه مراسيل
لاشك مايـامر به الله جـاري
أحاول أنسى وأجرع المر وآشيل
حمل(ن) ثقـيــل ودمعتين إنكساري
الشـاعر: قصير خليوي النماصي الشمري
رد مع اقتباس
المشاركة الأصلية كتبت بواسطة الحنشل
المفضلات