يا أهل الفلة الغيارا تعالوا حلوا هالمشكلة العويصة التي قبت بيني وبين خويي أبو حسن ياوجيه الخير كلكم رجال وحريم أنخاكم كل بإسمه وحسب قدرته يعني كل ساعية وسعوه الكل يدلي برأيه لحل هذا الإشكال الذي نقص علينا حياتنا وعكر مزاجنا بعد هالخوة الطويلة وهالجيرة صار كل منا يشاف خويه صكه حويزية وخذا الطريق الثاني.
يالربع وأنتن يالربعات هذا الشيء ماينسكت عليه أقصد هالقطيعة لا ولاهي بس قطيعة إلا فيها كلمة تلطم على شحم وقولة والله ماعندك ماعند جدتي ومن هالكلام الإستفزازي وخايف إن الأمر يتطور إلى مدة اليد لاقدر الله لإن الشيطان يقولون للساع مامات ورفقاء السوء يدقون الإسفين بيننا الي نقوله تريب الذلال.
لم يبقى أمامنا إلا فزعت الله عز وجل ثم فزعة المخلصين منكم رجال حريم الموضوع جداً خطير ووصلة درجة التوتر بيننا إلى درجة الغليان لم يبقى إلا الإنفجار ربعنا لاتخلوننا تروا الموضوع جداً خطير وحساس ومثل مايقولون الناس بالناس والكل بالله والكلمة الطيبة صدقة فنرجوا منكم جميعاً التدخل السريع والعاجل ولاتحقرن من المعروف شيءً لعل الله سبحانه وتعالى يجعل في مساعيكم فرج وأنتم قدها وقدود ولا للإنسان بعد الله إلا إخوانه.
إخواني وأخواتي فاليوم يومكم أيها الإخوة والأخوات الأعزاء ابيكم تحكمون بيننا كلن بعرفه وحسب قدرته وخبرته ومكانته الإجتماعية ولن ننسا لكم هذا المعروف وهذا الصنيع ماحيينا والعين ماتعلا على الحاجب هو سبب خلافنا وعلى هذا الشيء تهاوشنا ونحتاج إلى فزعتكم وتدخلكم السريع .
أبو حسن يقول العين تحت الحاجب وأبو ناب يقول لا بل الحاجب فوق العين، فاي منا كلامه صح؟.
هو يناظرني وأنا ما أشوف نفسي ويقول شف عينك تحت حاجبك ثم إطالع له وهو مايشوف نفسه يمار حاجبه فوق عينه ، وويلي يا أبو حسن هذا يبي له دق رمة هو المخطي ودك تجمعه هو وأم الرغفان ثم ترغفنهم.
وتقبلوا فائق تحيات أبو ناب وأبو حسن
رد مع اقتباس
المشاركة الأصلية كتبت بواسطة فتى البيداء
المفضلات