السلام عليكم ...
هذه القصيدة للشاعر مطلق البخيتان قالها بعد مرور ثلاثة عشر عام على وفاة زوجته وان دل ذلك على شي فيدل على وفاء هذا الرجل لزوجته رحمها الله 00
واتت هذه القصيدة نتيجة لما يضمر من حزن وجراح في داخل اعماقه
فقال
عذب السجايا دموع العين يرثنه## باللحد الاظلم عليه القاع مردومه
من غير ماصف وصوف الحور يشدنه ## اللي فراقه جعل دنياي مكتومه
لو ذاق حزني ملاك الموت مااظنه## شاله وخلا لي الوغدان وهدومه
يا مرها ليا معت من الوغد ونه## يا شينها فاجعات الوقت وسلومه
قالو يبه ودنا قم ودنا الجنه ## نبي نشوف امنا وننام بكمومه
يبون مثل خوياهم والجدا ونه## امنت في دبرة الخالق ومقسومه
يا طول حزني عليها مااقدر اكنه## ما ينفعن ليت لي يوم قبل يومه
اثنا عشر عام عجزن لاينسنه ## موته لقلبي زمهريره وزقومه
هي جنة ذقتها غيري سمع عنه ## ما يرومه الوصف مهما جاد مايرومه
يا وسع عذر الدموع اليا تباكنه##مالي جدا الا الونين وقول مرحومه
حنيت حنة خلوج شالته دنه ## وحوارها شوف عينه قسمة لحومه
وونيت لي ونة ما ونه شنه ##بيد العقيدي من المسحوب مهمومه
وارسلت له صيحة ما عودت منه## ولازلت اراجي بشير الخير بعلومه
عساه بالخلد والانهار يسقنه## في روضة من رياض الخيرمحشومه
وصلاة ربي عد طش يهلنه ## غر السحايب على محمد وتسلومه
رد مع اقتباس
المفضلات