.. علآقة الحب .. باللون الأحمر .. وأبو ضاري .. >> في شي هع

[فارس الصحراء]

:


بسم الله الرحمن الرحيم ..


:



السلآم عليكم ورحمة الله وبركآته ..


:

شلونكم ..



يوسف .. يا حي هالخشه والله ..

مبروك الاشرآف تستاهل ..


:



فله حجآج .. >> يعني حركه هههه >> بالله براااا


:



اليوم جايب لكم سآلفه .. وهالسآلفه شي من لا شي

من مصآيب مطوعنا ومشرفنآ الغآلي ابو ضآري ..

وانا بوجهك يا يوسف عن خآلك ..

تراه يتهددني .. اذا نزلت هالسألفه ما يبيني أطلع تآريخه >> من الفضآيح والله ههههههه

:

طبعا يا جمآعه كل وآحد يعشق وهذي شغله مفروغن منه ..

يعني عآدي ما فيها شي >>> يمهد للموضوع ههههه


:




>>> يطق العصبه .. ويولع السيجآره يمخمخ على هالموضوع ..

:



بحكم علاقه الصدآقه بيني وبين ابو ضآري >> عز الله بتخرب عقب هالسآلفه ههه

نوبآت اشوفه متضآيق وعآد انا يا حبني للي يتضايقون >>

أحب احرث واشوف وش مضايقهم ..

ومره من حدآ الضيقات .. لقيت ابو ضاري يفرك صلجته وما غير يتأفف

وانا أجي وأجلس قباله .. طبعا الوقت كآن متآخر يعني حول الساعه 3 الفجر ..

يعني وقت متعوب عليه للفضفضه هههههههههههه

:

وانا أقعد أجرجره بالحتسي ..

:


وهو يطلق هكا التنهيده .. اللي احس انها طآلعه من صميم قلب قلبه ..

بغيت ابتسي يوم سمعته ..

وش العلم يا ابو ضآري ..

قآل يضرب الحب شو بيذل >>>

قلت اكيد حب بالله قلب وجهه بغا يتناولني بالدباسه ..

وانا اضحك ضحكه وهو يدري من ضحكتي اني خفت ..

:


قال يا فارس الصحراء اليوم حتى شلفاك ما تفيد ..

وانا انتخي ارررخو ابووي تسيف ما تفيد ..

قال (( |أطـــ ... بالسطل )) هنا سكت .. !!

حسيت ان وجهي طآآآح ..

قلت وش الطآري يا ابو ضآري ..

قآل عشقتي الليله زوآجه .. >>> صراحه انا بين مصدق ومكذب عشقه يا ابو ضاري نوبه وحده


:

وانا .. اجي واضمه واطبطب عليه >>> مصاريه مو فارس وابو ضاري هههه

:

قآل احبها .. وقآم يسولف لي عن مغامرآته .. ومطامراته ههههههه

:


عاد السالفه اللي .. أعجبتني .. وأقنعتني ان اللي يحب ..

يسوي كل شي .. وبدون شعور .. !!

:


لا أحد يعارضني اسمعوا السآلفه وبعدين احكموا .. !!

:




رآح مسير عند آهل العشقه مره من المرآت .. من غلا اهل عشقته >> ايه هين

:

وعآد عشقته كآنت تحتريه .. !!

الوكآد دخل وهم يقومون ويرحبون به .. ويقهوونه .. !!

وهو ما هو مرتآح .. عده .. على نآر >>> مشتاق المطوع هههههههه

(( طبعا السآلفه قديمه قبل الطواعه ))

:

وعيونه يطلع منهن قلوب حب .. !!

وحآلته يرثى له .. قهوتهم طعمها غير ..

شاهيهم غير .. >> ركزوا على شاهيهم

كل شي بهكا البيت يحبه ابو ضآري من حبه لعشقته >> ما تحبني يا ابو ضاري ههههه


بس تدري يا ابو ضاري لو هكا الوقت بوه جوالات .. كآن السوا تشتغل ههههههه


الوكآد ..

هو وهي .. متفقين .. انه اذا طلع ابو ضاري .. !!

تواجهه بالحوش ..

يعني حب برئ .. بس تشوفه ويشوفها من بعيد .. !!

وهو يكرم ابو ضاري .. ويحلف عليهم ما أحد يتبعه للباب >> ذهآنه

ويوم .. طلع .. !!

الا العشقه .. من ورى الجدار اللي بين حوش الحريم وحوش الرجال .. تطآلع .. !!

وهو يذوب ابو ضآري .. ههههههههههه


طبعا ما يقدر يتكلم .. يسوي حركات .. ههههه

يعني يأشر لقلبه يعني يحبها .. ويمسح على صدره ههههههههه

ويقرط عليها بووووسه ..

ومن الحركآت .. !!

وفي غمآر .. هذه اللحظآت المليئه .. بالحب .. والحنآن ..!!

قآم ابو ضاري .. يدق ريوس .. على شآن يمشي ..

وما يبي يعطي العشقه ظهره .. يبي يملي عيونه من عشقته ..

:


وهو يرجع ويرجع ويرجع ..


الا هو طايحن بصندوق طماط .. العقال والشمآغ .. وهو كلهم طاحوا بالصندوق ..

العشقه ماتت من الضحك >> يقول ابو ضآري يا حلو ضحكتها للحين بأذنه ..


الوكآد .. انه قآم ينفض ثوبه .. ويآخذ شميغه .. ويقفي ..

طبعآ بعد ما طآح وجهه عند عشيقته النذخ كله طآح بالطماط هههههههه

عآد ابو ضاري من يومه ما يحب الطمآط ههههههههههههه

:



يا حبيبي يا ابو ضآري الله يعين قلبك .. !!

:





ابو ضآري احبك ههههههههههههه


بس بدون طمآط ..


ومن هنا .. كآن اللون الأحمر متعلق بالحب .. بسبة هالسآلفه ..

يعني اللي يحب يهدي عشقته دب أحمر / ورده حمرا / يغلف الهديه بغلاف احمر / كله بسبب ابو ضآري والطماط ..

:


ابو ضآري من جد انت قدمت تضحيه للعشآق والحبيبه بوقتنا ..

:



يا حبيبي يا ابو ضآري ..

:







هذي هديه يا الغآلي ..


:







:



يضرب الحب شو بيذل ..

[جود الضياغم]

يعطيك العافيه يافارس على المعلومه توي عرفت سر اللون الاحمر بالحب


والله منت بسيط يابو ضاري


تسلم يافارس

[يـــوسف]

ابو العــز يالله حيوووووووووووووووووووووووووووووووووووووو ووووووه












منور يآلوآيلي <- ابفضحك عند ربعك اقول قطوع مايمر علينا




أبــو العز عندي واحدن فكوك ومابي اتسذب عليك اقول قريت الموضوع








خلن أقرآه على روآغه ولاتقول لخالي شين













<- يراعي للي يمينه ويدعي عليه بقلبه

[ام الرغفان]

فارس هههههههههههههه حلو تمهيدك بالموضوع بس وش يفكك الحين من ابو ضاري ويوسف كلهم ضباط الفله


مالقيت الا ابو ضاري تفضح بووه











اهم شي الشاهي غير<<كفف

[شموخ شمالية]

تستحق مخالفة اخوي عبدالعزيز


لانك نقضت جروح مطوعنا....


والحين تحرم عياله من أكل الطماط لان الاخت ام ضاري راح تشوف الموضوع
وتحـرّم الطماط بالبيت ويصير بهم ضعف دم وانت السبب





وبعد هالسالفة راح يزود سعر الطماط
والسبب عشق الضاري





اضحكتنا الله يسعدك ..خوش سالفة والله




لك احتراامي

[ابو ضاري]

جوالي طافي تسان متصل على خالي قايلله لا تحطه بوجهك

بس انا اوريك بعدين تنبش بالماضي يالغالي


ومادامك بوجهه خالي مانا قايللك شي بس مانساها لك

يالربع مادامها انفضخت البطيخه

تسيف ودي تبلعن الارض وهي تشوفن وتضحك الله يستر على بنات المسلمين

الحين اصد لاشفت طماطم

اذا انخمعت عند اللي تحبه مانا زينه تخليه تضحك >>>>>>>>يبي يصرف السالفه

وحنا اول الذهانه ماليتن الراس

عاض لسانه منقهر من الفارس انا اوريك

منغبن

ابو غازي تكفي بعصا الشرطه خله يرعج بمحله

[فارس الصحراء]

يعطيك العافيه يافارس على المعلومه توي عرفت سر اللون الاحمر بالحب


والله منت بسيط يابو ضاري


تسلم يافارس

هلا جود الضياغم ..

:


ايه وابو ضاري عنده براءه اختراع

[فارس الصحراء]

يوسف انا بوجهك يا شين ...


:


والا ترى افزع .. عليكم ربعي اللي باالوذه >> يراعي لابو ضاري بعين حمرا


:



يوسف .. سلم لي على اللي عن يمينك

[فارس الصحراء]

ام الرغفان ..


:


عوذه منتس تبين تشبينها >> يراعي ليوسف وعين حآله يقول لا تخليني يا يوسف

:

[فارس الصحراء]

تستحق مخالفة اخوي عبدالعزيز

شوفي هو ظلمني بمخآلفه آول >> للحين تلعب بتسبده ههههههه


شموخ لا تصيرين محرآث شر ..


:



هو ما يشتري طماط الحين .. ممشي الحآل بمعجون ههههههه (( صلصل ))