السلام عليكم ورحمه الله وبركاته
روحـي بحايل ما تفارق جبلها = حبي لها عيـّا على كل الأوصاف
افـرش حصاها واتوسّـد سهلها = وارقـد بحضن جبال سلمـى ولا اخاف
اسمح واراضيها واداري زعلها = واشتاق له شوق الطنايا للأضياف
او شوق سمر جبال حايل لاهلها =جاوزت من حبي لها حد الإسـراف
عينـي بإجاء ماتسمع اللي عذلها= وخشـوم سلمى مثل شذرات الأسياف
قصة غرام تراب حايل نقلها = تحكي على التالين من ماض الأسلاف
اجاء تهضّم عبـرته وإحتملها = ولا هي بعادة عبـرت الحـر تنشاف
وحـوّل على سمر الجبال ونزلها = عن دار ذلٍ عقب ما شاف ما عاف
سلمـى تغنـي له قصايـد غـزلها=على الـوفاء والود وسلوم الأشراف
هذا سالفه صارت بيني وبين خالي والحنشل صفقه العمر >>>>>>>سوالف تالي الليل
يوم اجتمعنا قلت لخالي انتبه من الحنشل تراه نصاب انا اشوف عيونه يقلبن صفر ( العباد)
قالي لا مايسويه ابو الحناشل
المهم تقهوينا
قال الحنشل انتم مشرفين الفله وحنا الاعضاء وانا من زود حبي بالفله ابي اساعدكم
واخلي كل عضو يكتب موضوع حتى نصير في المركز الاول
وانا قريت موضوعكم الفله في المقدمه
قلت جتك يابو الحناشل وانت تبي تعرس حوشلك كم قرش وخذ من صندوق ابو غازي الدراهم اللي لهن سنين ماتحركن
قلنا بيض الله وجهك يالعباد
قال بشرط وشو الشرط انا قرصن قلبي وخالي فاتحن افمه يقول وشعندك يالحنشل
قال ابي شيك مكتوب عليه نصف مليون من خزانه الفله وانا اجعل الفله في المركز الاول في المواضيع والمشاركات والاعضاء
توافقنا واعطيناه الشيك وراح لبو غازي وطرده قال مالقيتوا الا العبد تسون صفقه معه قال ابو غازي هذا ينصب عليكم وراه عرس وياخذ
فلوس الفله ومقبلين على الصيف نبي نشري مراوح ومكيفات لمجلس الفله وانتم تعملون هلون لا لا لا انا ماني موافق
المهم قمنا وحبينا راس ابو غازي والله هداه ووافق يعطي الحنشل نصف مليون
المهم الحنشل قال ايام وتاخذون المركز الاول
وطلع وهرب الله العالم باطراف الشعبه وقفل جوالاته طلع نصاب الحنشل
وهو يجينا الجعيثن وبالمخطر على علابينا انا وخالي قال انا قايللكم من اول لا تضيعون الفلوس بس ماتطيعون
والحين ندور الحنشل نبيه يرجع الفلوس
خالي بيع سيارتك الجديده وانا التاهو علشان نرجع الفلوس لبو غازي
رد مع اقتباس
المفضلات