عشق الطفوله
السلام عليكم ورحمه الله وبركاته
علومكم كلو نفر
عساكم تنوزون
يالربع تذكرت عشقتنلي ايام الطفوله
وقلت خلن اسدحه بالفله
هذا قصر الله اقصد طول الله اعماركم
كنت انذخ عند وحدتن بالحاره تطيح الطير من السما
عليه قرينات تسنهن قرينات صخيل
ماعليكم من وصف المحبوبه
الزبده
كنت اغار عليه من الطير الطاير
وحدى الايام واقفن بجنب بيتهم وهي جالسه عند الباب
ويمرون اثنين من عيال الحاره ومتعود دايم اسطرهم
وانا اصوتلهم قلت شعندكم بهاذا وانا امسك الاول فوق وانا ابزخوه بالارض
وانا امرغ علمت الثاني بالتراب( كرم الله وجيهكم) وانا افتح اثموه واعبيه تراب
ويغديلهم جعير وهم ينحاشون
وتقوم تطالعلي وتبتسم خلفه
وانا ادقه بهكالغمزه
وهي تكش علي واقوم اتشوشحه بالرضم
وهي تنحاش وتدخل بيتهم
وبعده بيوم رجعت الامور لمجاريها
وكل مازاله تغرم بي اكثر <<< ياعمري يالرومنصيه
لين جا هكاليوم الاغبر الي قلت ابي اسولف معه
وانا اقرب واسلم وترد السلام ونقوم ناخذ ونعطي
اقشر ماعلي يوم واق اخوه مع الباب
ويصفقه بقس الا مكوم سنونه قدامه
يوم شفت الدعوى كذا وانا انحاش
من الذله ضيعت بيتنا
ويمسكن بعد ماهد حيلي من الركض
وسؤال معتاد وش عندك واقف عند البيت؟
قلت لا بس اسئل اذا كان ناقصكم شي << اوخص يالولد
وعلمي بنفسي هكالساعه<<< من صيد امس
اخبر انه عطاني ركبه
ويوم صحيت الا تسن احد مروشن بالتراب
والسيقان متمرمحات<<<< حالتتن يرثى لها
ومن عقبه قمت مامر من قدام بيتهم
واذا جا طريقنا من عند بيتهم الوذ من ورى البيت
المفضلات