عساي ماألفــي على الصديق

**ام الرغفان** · 01-02-2010 04:23

سلام عليكم جميعن

تسيف حالكن وحالكم يالربع <<للحين ماشية صح بالادب

اعترف اني دايم وانا عله على اللي اتوحد بوه

ودايم وهم يتوهقون بي وياخذون الف حساب اذا كنت معهم

يوم من الايام كنت تعبااانة قالت اختي يالله نروح الجمعيه(البقاله –الدكان)

تلقفت حسبي على ابليسي وقلت يالله قدام

ورحنا مشي يوم وصلنا وتقضينا وخلصنا الا اختي نست شي وبترجع تاخذوه وقالت لي وقفي هنا لاتتحركين<<تحرص علي ماقلتلكم عله

شفت زوله اختفى مع زحمة الهنود شوي الا انا حابه الارض اغمى علي

الا الخلق متجمعين وساكتين وانا شبه ميته بس الحمممدلله متستره

قمت الا هم واقفين وانا احقد عليهم ليه ماقومونن <<تشره على هنود

شوي الا اختي طلعت وتقول قومي يا............فشلتينا واقول بدال ماتقولين سلامتس تقولين لي هالحتسي المروح مثل وجهتس المروح مابقى الا ياصل لركبتس <<لي وجة اخانق

وقمت الا عباتي بيضاء حابه الارض صح L

ويوم بعد كنت بالسوواق ومعي خوياتي راجعين من الكليه وسواقنا ميت يمشي 10<<بدت تقمر

الا تحدوه تريله وسحب برييييييييييييييييييييييييييييييييك وننقز قدام واطلقت صرررررررررررررررررخة وتعطينن خويتي مخممممممس على وجهي للحين اصابعه بوجهي عاد وجهي تقل مزهريه وسكتت عرفت ان الله حق وسكت<<اسمع احد يقول متزديه

تقول ماخفنا من البريك انخرعنا من صوتتس تقل بس مغيول
البنات جاهم صمخ من صرختي المشكله كلهم ساكتين عادي نقزو قدام ورجعو وراء وكملو سوالفهم ماتسننا بغينا نموت قبل دقيقه مابهم احساس عادي

وخلصت ام الرغفان مصالته وبثارته

ومالي دخل لاصار الموضوع ماصل

**روح حايل** · 01-02-2010 04:34

آآآآآآآمين

استغفر الله يام الرغفان موضوعتس هذا يبيلوه طب الصراحه اتوقع معاتس انيميا حاده !

عالعموم بوه دختورن هنا بالمضيف يجمع بين الطب الشعبي والطب الحديث

اسموه الدختور يوسف وشهادتوه من جامعه مالبورو الاحمر

**ام الرغفان** · 01-02-2010 04:35

فكينن من بلاتس وشهادتوه خلينن بمرضي احسن

**روح حايل** · 01-02-2010 04:39

^

اجل الموضوع ينقل للدعم الفني لحين النظر فيه !

ابوضاري شمعوه بالاحمر هههههههههههههههههههه

**هلآ الآسلميهـ** · 01-02-2010 04:42

ههههههههههههههههههههههههههههههههه

ام الرغفان .. ابعدي عني اي موضوع لي لا اشوفتس تردين عليه .. اخاف تجيني قرادتس هههههههههههههههه

**ام الرغفان** · 01-02-2010 04:45

لاتحسبونن مثل بعض ناس مقرود

لا ذا مدري شسميه

لاشفت الشمس يجينن بلا

يمكن كنت خفاش تحولت انسان
الله اعلم

**يـــوسف** · 01-02-2010 04:49

لآحول انا وش اللي قطني بينكم يالمقرد

الحظيظ اللي ماشافكم

الحين شنوحتس انصفرتي ههههههههههههههه

فقر دم بتس يافلانه باتسر تعالي لعيادتي مخطط 91 شارع ابو طافش مقابل الهيعه

أويلي يالسواق شلون صابرن على لجة البنات اللهابو هالصوابر ياعنكم ان مابوه مر

لا الصوت بوه سحكية وخذنا

انتي زي سالفة اللي تبي تتفل على السواق ونسيت البرقع ههههههههههه

لاهنتي ياام الرغفان واسمحيلي ينقل لقسم ذوي الاحتياجات الخاصة