وش عذر كفك لو تضيع المراسيل***لو ضاعت حروفي ترا ما اسامح
ضيعت عمري بين نزف وهماليل ***وضيعت حتى صورتي والملامح
لاتعتذرلي مابقى شي ماقيل***الحق واضح والخطامنك واضح
حسيبك الله صرت اخاف المقابيل***والله حسيبك يالغضي صرت جارح
عزفت للقمرا قصيد ومواويل***حتى عشقت العزف في ناي فاضح
قصايدي تنبيك بعض الغرابيل ***لا واهنيك بالغدر صرت ناجح
كنت احسب ان الحب كله تساهيل***كنت احسب اني بنظرتي شخص لامح
كنت احسب اني داخلك ريحة الهيل***ي داخلك كنت احسب الشوق جامح
ضميان جيتك يالبحر عايف النيل***لين ارتويتك يالبحر وانت مالح
وهذا خطاي وهذا عشق المهابيل***وانا غرير بالهوى جيت طامح
لين اكتشفت الحب بعضه تماثيل***وحبك رماني فوق زيف المسارح
اول غلاك بخافقي يشبه السيل***دايم اهوجسبك مع الناس سارح
ّنّّّّسيتني اسمي بسود مضاليل ***حتى حسبت اسمي مع الوقت فالح
وانا فلاح اللي وفا للمواصيل***شاف الهلاك بعينك وقال رابح
عشقت فيك الحب والخوف والويل***وعشقت طفل بنظرتك كان صالح
انا اعترفلك مابقالك معي ليل***وانا اعترفلك يالبخت كنت طاح
اليوم كني وكنك الجدي وسهيل***حتى الغلا من بيننا صار نازح
واللي بقالي من غيابك غرابيل***واللي بقالك في خفوقي ملامح
رد مع اقتباس
المفضلات