يـاجـار كـانـك طعتنـي بـرقـع الطيـر , !
يمكن تعجبكم !
ياجـار كانـك طعتنـي برقـع الطـيـر
طيـرك وحـش واقلوبنـا مستميـتـه
لولاي رجـلٍ مـن رجـال بهـم خيـر
ماصـد واغـض النظـر مـن بخيتـه
ياجار طيرك كل ماعـرض اعصيـر
مــدري عـلامـه يلتـفـت مادعيـتـه
يـمـر كـنـه شــارد الصـيـد لاذيـــر
لا بــوه لابــو حــي حـيـه ومـيـتـه
اغيـر وانـذر وانـذر القـوم واغيـر
وابـيـع روحــي وانـهـزم لا بغيـتـه
يـردنـي يـاجـار طـبـعٍ لـنــا غـيــر
الـجـار مــا نــدرج لـغــرات بـيـتـه
يبقا علـى حشمـه وشيمـه وتقديـر
ويـروح عـنـي بـالـردا مــا قفيـتـه
من خوف شيٍ ما بعد صار ويصير
يـمـا هـدمــت الـبـيـت والا بنـيـتـه
بعـدٍ عــن الهـيـن مـعـزه وتوقـيـر
ورجـمٍ علـى غيـر النقـا مـا بديـتـه
يحـدنـي يــم الـخـطـا دون تـبـريـر
الــى بــلا نــي بالـهـوى مابلـيـتـه
وانـا بشـر منـي خطـايـا وتقصـيـر
الله يـغـفـر كــــل ذنــــبٍ جـنـيـتـه
الشاعر/هـادي الرزقي
رد مع اقتباس
المشاركة الأصلية كتبت بواسطة سلطااان السويري
المفضلات