تخيلوا يا أخوان ان مشرفنا الرائع منصور عنده محل عصاير لا ومحله غير شكل العصاير اللي عنده فرش وطازه ولها طعم ولوم مختلف عن تلك العصاير التي نراها في الاسواق يقول ان الخلطات التي بها هم من ابتكرها تعلوا انشوف وش عند منصور :
عنده عصير ( الدحمي المعتق )
وهو عباره عن خلطة كيوي مع ماي لقاح ومسحوق كاكاو مطحون بشويه بن عربي مع شويه هيل وفوقه شويه انواع من التمور يستخدم إذا كان الواحد طاعن في السن ويعتقد بانه ما زال شاباً ..
عنده عصير ( عبدو ما بدو )
وهو عباره عن تفاح ايراني مع فستق أصفهاني على لوز شيرازي مخلوط مع باجه كربلائية ينصح بشربه عندما يريد الواحد التحدث عن طهران ونظامه الحاكم ..
عنده عصير ( شاموا مو شامبوا )
هذا العصير عباره عن كوكتيل دراق مع كرز مع شوية عنب سويداوي مع نستله بالشوكولاته والكافور الروسي وهو للطاقة وكثرة الحركة ..
عنده عصير ( ريمانكو شمريكي )
هذا العصير عباره عن خلطة برتقال وليمون وفريجروب مطحون عليه قهوه مرة مع شويه هيل ومخمر مدة طويلة يستخدم للعجز والشيبان على حد السواء ويزيد من طاقتهم في السفر ..
عنده عصير ( لوليتي ما تساليشي )
هذا العصير عبارة عن برتقال وموز وشوية منجا مصرية مطحون فوقة شويه فول مدمس يزيد من جرأة الانسان ويخليه شويه عصبي وينصح بشربة في المسائل الوطنية ..
عنده عصير ( اشربوه حتستعجبوه )
هذا العصير طايح بجبده معروض لكن محد يشتريه الا ليمن يذوقه الواحد فله طعم فريد ومذاق عجيب وهو عباره عن مجموعة فواكه مضروبة بالخلاط وعليها كريم فانيلا وحليب المراعي عادة ما يستخدم للرمزية والضرب تحت الحزام ..
عنده عصير ( منصوركو )
هذا العصير يهديء الاعصاب ويريح العقل ويسبب للمتهور عسر هضم وهو عباره عن كباية عصير بقلاس يحتوي على برتقال وليمون وعليه ماي لقاح نقطتين وعشرة نقاط عصير شعير ..
طبعا عنده عصير خاص ما اراح اقوله ولا اجيب طاريه لانني اشك بان هذا العصير صنع من أجلي الامر الذي لا اريد الافصاح عن مكوناته حتى لا تطيح باقي العصاير بجبده ومحد يشتري منه ..
ملحوظة :
اللي لمحت لهم أمون عليهم وأعتقد بانهم يتقبلون ما كتبت بصدر رحب ولدي الكثير الا انني أخاف من العتب والزعل لو قمت بذكرهم ومقالي ساخر لا يعني انه يمس أحد من الزملاء فلهم مكانة بقلبي واحترام بعقلي ..
رد مع اقتباس
المفضلات