صبحكم الله بالخير ياعمال العماليه
يالعذارى شيلن الصف صفين >> طربانتن على هالصبح
مو مني من المصالي والجبن يسلالالام شي فضيع
الله يرحم اللي ياكلون التميس >> ماتبحر لاحد
صدز ماقلتوا لي معي تسع ميه وش اسوي بهن
ادري اني ابصرهن اصرهن وهمن مرتن وحده اخربهن
الا انا وش كنت ابقول اييي صح ابلة العلوم شامان وينه وبصري الوضيحي ماله بينه
عسى المانع خير يارب
لاتلوموني يالربع احب اقهوي العجز وصرت زيهن مليون ابو خمس طعش سالفه
قبل الموضوع الاساسي
صبر ابمحش خشمي ودموعي بطرف كمي
لي شهيم يالربع وبتساء
تخيلو وش صار وانا على اخر عمري وش طلعت
صدمه لما تعيش وتاكل وتشرب وتكبر وتكبر
وبالاخير تكتشف وش انت
صدمة شعوري بالبشر ماهي غريبه لكن الغريبه انا ليه دلخه ماستوعب
تخيلو بس تخيلوا يعني عشان تعيشون اللي عشته وتحسون باحساسي
جالسه بمجلسن طويل عريض سياح نياح تطارد بووه الجراذي
وانا كاشختن بين هالبني وهالحريم وماغطتن عمري وقاطتن اذني عند الحريم
وانا اللي كني اسمعهن يطرني وانا انقز سمي ولبيه وامري
مدري ليه حسيت امي وده تصفن بالفنجال بس رده حس خالتي
وهي تقولي بوه وحده تبيع زنجبيل حمر واخضر ونبيتس تذوقينهن >> حسيت فوق راسه هذاك ابو قرون
وانا افق الخشه واتبوسم ايه مو انا الذويقه الوحيده يعني يعجبهم ذووقي
وانا مقفيتن عنهم وهي تجيني الطعنة اللي ماهقيته
وانا اكتب بدمي لاتصالح على جدار الصالة من جهة المطبخ
تدرون وش سمعت >> تنشق خشمه وتبسي اصبرو
قالوا شكله مو حلو بس مالنا غير غريد تذوقه اذا زين صلحنا منو واذا مو زين
جدعناو بالزباله تكرمون
وعلى اخر جمله فهمت وش انا
اخيراً اشتغل المخ
اجل انا فار تجارب يملا الشهله مدري الهشله
انا على اخر عمري اصير فاره >> على طاري اخر عمري طرت لي سالفه بس بعدين اقوله لكم عن جدتي بالملاهي
عاد ذقته وقلت عجيييييب كلكن اشترن منه
وهو يارب تديم النعمه كنه طعم شاهي ماصل ومخمج
وبس
مع تحيات غريد سابقاً >> ماقدر اكتب وش انا حالياً
رد مع اقتباس
المفضلات