(( الكاتم )) نبي الراي بدون مجاملة

[الكاتم]

ظلم القرابه اقسى على النفس من ظلم الاخرين خصوصا اذا كنت طيب وكريم معهم ومتواصل .
الكاتم صح الله لساانك ولا هنت واهديك هالقصيده لموضوعها المتقارب مع موضوع قصيدتك.

الحسافه هزيمه

[poem=font=",6,white,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]

لامن تذكر كل حي ٍنديمه = انا يثور بضامري مثل الاعصار
كني غريب وعاملٍ ٍلي جريمه = في ديرةٍ من سلمها بث الاخبار
مالي قرابه والعواقب جسيمه = والخوف دلى بين الاضلاع له كار
اما اني اهرب والعواقب سليمه = والا اني اثبت واكشف غموض الاسرار
الحق يبغى صيرميٍ ٍصتيمه = ومصقلٍ ٍمن صنعت الهند بتار
اسمع وركز يا فهيم وفهيمه = موقف وفا ومقابله موقف انكار
الجرح يبقى بالنفوس الكريمه = لو هي تسامح فيه بالنفس تذكار
مثل الدروب المبطيات القديمه = في كف صحصاح ٍ خلت منه الامطار
واثر الجروح اللي تسمى اليمه = تجي من اللي له معزه ومقدار
اللي وجعها بالحشى زاد ظيمه = ياكني اونس بالضماير لهب نار
ليته زرقني بالرماح العديمه = اللي تخلي احمر الدم نثار
ولا ياليته باقي ٍفيه شيمه = ليته تعذرواقبل بكل الاعذار
عجزت افسَر منه ليه الظليمه = لا يطلبا ًمال ولا يطلبا ًثار
ومعوده سلم العرب والحشيمه = عين ٍله فراش وعين ٍله دثار
ومدام ما معه النوايا سليمه = يقفي وانا اقفي نكتفي باللذي صار
ابقى على جرح ٍ يتيم وعزيمه = اخير من عيشه ذليله ... العار
كبَرت عليه بوقفتٍ مستقيمه = مابه ركوعٍ او سجودٍ اوجهار
ماني متحسف والحسافه هزيمه = اثبت كما يثبت من الحيد سنجار

[/poem]

اخي الكريم نايف حزوم
صح بدنك وصح لسانك على هذه الهدية الرائعة
قصيدتك عقد من اللؤلؤ الفريد بل تاجٌ من زمردٍ وياقوت إزدان بها متصفحي وعلت هامته

يسعدني ويشرفني مرورك الكريم وإطراءك الجميل
وهذا البيت عن قصيدة
كبَّرت عليه بوقفةٍ مستقيمه = مابه ركوعٍ او سجودٍ او جهار

دمتم بحفظ الرحمن