ياشركة أنعام ويش جاك مني = ويش بك علي ألآ يمــال المنيه
كل يوم رأس المال فيك متدني = يالقابضة يام العلوم الرديه
يمال داب صاري و متثـني = يضربك بناب منعكف كالحنيه
ماهو مثل نابي تقل ناب جني = زود على سمه رضع من خويه
طوله ثلاث أمتار واللون بني = ورأسه ياقربه من شدوق المطيه
عسى نيبانه بدغدغك ينشبني = حتى تموتي او تصيرين حيه
اللي ما يطيع شور والدوه لا تعاهدوه
وش تبون بانعام والوطنيه !
لو حاطن لك شبك ومربي لك حلال ابرك !
لكن مانقول الا الله يعوض صبرك
ياحبي لتس .. : )
صح لسانك
ابو عارف اسحب فلوسك
ولا تخلي الفلس
وتعال عندي لك مشروع على كيف كيوفك
خلك من الاسهم وجع الراس
طعن واسحب الفلوس
-----------------------المشاركة الأصلية كتبت بواسطة روح حايل
اللي ما يطيع شور والدوه لا تعاهدوه
وش تبون بانعام والوطنيه !
لو حاطن لك شبك ومربي لك حلال ابرك !
لكن مانقول الا الله يعوض صبرك
ويشلون عرفتي إن الوالد يقول إشتر لك خمسين نعجة يمال الغنيمة وخل هالوغدان يسرحون بهن في صهي المنصور برأس أجا ويش تبون برأس تنورة ودخاخينه وصباخيه.
جبتيها ياروح حايل وشكراً لك على التصبير بارك الله فيك.
-----------------------
صحت أبدانك
هاه وشو مشروعك لايصير مثل مشروع روح حايل؟
الفلوس ماينسحبن عقب هالقرصة متسممات ويمكن تموت الشركة.
شكراً لك لاهنت
عمي الى الحين وانت بالاسهم
<< احسب الاسهم طاحن ماابوه اسهم
اثري الى الحين بهن حيااة
الله يعوضك يااعمي .. وصح لسانك
شيييييييييييييع
خالي
لاتضيع التقاعد بالاسهم ويفلسون العيال
تر نسوي عليك حجر <- يرسل للعيال يشور عليهم يشكونك بالمحكمه
----------------------------
شكراً ريتاج على الشعور الطيب نحو الشويب بارك الله فيك
نعم متعلقينن بأسهم شبه ميته مازالت في حالة غيبوبه من ضمنها شركة أنعام القابضة قبضة قروشنا وعية تفرج عنهم.
تقبلي تحياتي وتقديري يالنشميه
------------------------خالي
لاتضيع التقاعد بالاسهم ويفلسون العيال
تر نسوي عليك حجر <- يرسل للعيال يشور عليهم يشكونك بالمحكمه
هلا بالسمي ومرحبا
قال يشكونن للمحكمة حتى المحكمة رايحة فيها بسبب الأسهم.
عليه مايلزم إذا تبيهم يحجرون على الفروة بكيفهم.
شكراً لك لاهنت يالغالي
يقولون ياحلو الددسن 2010
قائدي خايف عليك من انك تخرف عقب التقاعد
رح للجزر القمر خذ لك سفره سياحيه
الذين يشاهدون الموضوع الآن: 2 (0 من الأعضاء و 2 زائر)
ضوابط المشاركة
رد مع اقتباس
المفضلات