أغتاض مما قلت والله أغتاض
.....قــلــبــي تـــر الغلطان مثلك يغيضـه !!
صار يتشظى من تصاريف الالفاظ
....يامن سمع هرجت نفوس(ن)مريضه !!
يجض قلبي حيل منّك ليا جاض
.....مثل جضيض الحوض تسمع جضيضه!!
أَعرض عني دايم تر الطيب الاعراض
.......بلياك في قلبي هموم(ن) عريضه !!
بعض الزواحف طالعه بين الانقاض
..........الله يــبــدّل فـي زمـنهم نقيضه !!
مالي بهم حاجه ولا عندي أغراض
...........لكن تجي منهم علوم(ن)خفيضه!!
ياقايلين الفرض سنّه ونعتاض
.............ماتقبل التعويض مهما تعيضه !!
الفرض فرض فارضه رب الافراض
.............حيثه علينا من الآهي فريضه !!
وانت أتكبر ما تقل حولك حياض
.......والروح باريها بيوم(ن)يــفـيــضه !!
صدى الحديد تعالجه بعض الاحماض
....لكن صدى نفوس البشر وش حميضه !!
أنا اترفع فوق شــيــنـات الالفـاظ
....بس أكتبك ضمن الــهـمــوم البغيضه !!
حصانك ليا منه ركض كل مركاض
.....لازم تـــقــــول لبعض قولك غميضه !!
رد مع اقتباس
المفضلات