/
[poem=font="Traditional Arabic,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يالله ياعـــالــم خـفــي كـــل ماكـــان= سامع دبيب النمـــل بخف احتمـاله
يامـكــون الدنـيا ياعـــالي الــــشـان= انك تعـــز اهــل الوفـــا والـــعـداله
عقـبان نـجـد مــطوعة كـل فسـقــان= هم ضـد مــن دبـر بسـو وجـهــاله
حمات الوطن عن كل خاين وغلطان= وياسعد من يضفي عليهـم ضـلاله
اسـتنجدو بالعـلم مــن راس فـهـمان= صــقر الـجزيرة هـومـبـادي دلالـه
دســتوره الـقــران و للحـق مـيـزان= وبناء عمود الدين وانهـى الضلاله
مـشــو علـى مـمشاه ذربيـن الايـمان= حمات الوطن نور ٍٍالوطن هم جماله
ومـن اسـتلم منـهم ضمـنها بالايمان= حــكــمو بـشرع الله بـعــز وعـداله
واستـكـمــلت بالعــز وقـــاده كحيلان= ملك الـــصخاء راع الـوفا هوجماله
واليـوم شــفنا العــيد بقـدوم سلطان= سلطان راعي الجود راعي البساله
الـليث نـأيـف شـيـد الـحفـل باعـلان= بــعـودة ولـي الــعـهد زاد ابـتهــاله
النــائب الثــاني دعــى كل الاوطان= بــشــفى ابـوخـالـــد الاحــزان زالـه
كل الــوطن رحــب بعــودة بــليهان= والــي بــعـيدن يـكــتفي بالــرســاله
وشفنا يزور ابـطال قـــوات جازان= بـواســل الابـطــال عـنــد اشــتعـاله
ان حلت الهيجاء وغطا الجو دخان= تــبيـن بــحــزات الــوازم رجــــاله
هم الــذي ماهــابو المـــوت شجعان= دون الوطن ترخص الابطال حاله
وانتم شعـار الجــيش في كل ميدان= حمات الوطن والجار مايناش جاله
والشعب صفق وعن الوطن زال الاحزان=بعــودة ابوخالد بيان احـتفاله
بـصفه امـير العـاصـمه نعم ٍ بسلمان=ســلمان يا أمـــير الــوفا والعداله
ياسعـــد من ينخاك ياعــالي الــشان= يامـــير من مــنشاك عـــز وشكاله
والــمملكة بيت العرب بكل الامكان=تــقـدم نــوايا الــخيـر للــي لجـاله
في ظل حكم اللي له الشعب رضيان=العــاهل الــي خــيـره الــشعب ناله
العاهل الضــــرغام نــــور ٍٍ للاوطان=وغير الصخا وسام الشجـاعه كماله
الــيــــث ابومــتعب تــولاه باحــسان= العـــاهـــل اللي لاعــدمـنـا خـــياله
ومن بعــد هذا شــيد الحــفـل باعلان=بعــــودة ولـي الـعــهد زاد ابتـهاله
واختــامها عم الــفرح كل الاوطــان= من غرب شرق المملكة ليا شماله
وصلوعلى ســيد الملاء سرواعــلان= شــفيع مــن يطـلب مــلاجي ظلاله
[/poem]
/
/
صح لسانك يابو عبيد
قصيده جزله ، ويستاهل سلطان الخير
/
تراني ثاني مرّه ادخل ادوّر السامري الصوتي ، اول مره قلت من جهازي يمكن مايطلّع الصوت والثانيه من جهاز ثاني 
/
كان تبينا نغير العنوان ، عطنا خبر
تسلم ولاهنت
رد مع اقتباس
المفضلات