ذود اربعيني
[poem=font=",6,white,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
ياسابقي دارت بالافكار حاجات=راحت وردت واستدارت وجابت
قطعت معها ياجماعه مسافات=وميزانها في كل الاحوال ثابت
ذود اربعيني شرفت للطويلات=ياصاحبي كل العواريض شابت
والحمد لله ماعليه ملامات=مادام نفسي للدنيات هابت
اشوم عن قول الخطا والدناسات=النفس من عوج السواليف طابت
ناسٍ تحرف باللقصص والروايات=يبغون للتاريخ درب ومنابت
اهدافهم ياحسبي الله حيالات=مفهومهم تغيير سيره وعابت
هي عولمه وإلا تطور حضارات=وإلا علومٍ عبر الازمان ذابت
ياهيه عل بخاطري واشعل الذات=شمس الحقيقه والمفاهيم غابت
ليت المؤرخ يلتفت للبدايات=ويعيد قوله يوم الاقوال صابت
وليت البدايه ترتبط بالنهايات=ياعاذلي وشلون الاهداف خابت
معذور ياوقت النقاء والميانات=معذور ياشفت التقاليد سابت
نسأل ونبحث والمقادير عجلات=نطرد سرابٍ للوجاهات كابت
وياسابقي تاهت بالافكار حاجات=من كثر مادارت وراحت وجابت
[/poem]
نهير النمش
رد مع اقتباس
المشاركة الأصلية كتبت بواسطة بتول آل علي
المفضلات