طبعاً كلكم يا اخواني ويا اخواتي شفتوا تيكا
اللي هي سلحفاة خزامى
مهو بس هي اللي عنده اهتمام بالحيوانات الاليفه
انا كانت عندي هالصفه الطيبه في بنو البشر
كنت يوم انا وغد اربي عندي بالحوش كم حيوان ابن حيوان
كان عندي ارنب ودجاجه وسلحفاة
بس سلحفاتي شهبا ذابحه الضيم
وكنت مسمي الدجاجه مطيعه
لانه تطيع ولا توذي وحبيبه ماشفت حبابته << كناية عن كثر ماهي حبيبه
والارنب كنت مسميه ام دنسه
مره عطيته ايسكريم ويوم جيته باليوم الثاني ولا وارمتن رقبته
الله العالم التهبن لويزاته
والسلحفاة كنت مسميه مرزوقه
واغليه غلا غير طبيعي
ويعود سبب غلاي له لاني كنت استثمره عند عيال الحاره
اي واحد يبي يشوفه ينق ريالين الله لا يهينوه
واخليه يمسكه ويلعب به شوين
دجاجتي مطيعه شاركت به بسباق دجاج عندنا بالحاره
واحسب الدجاج مثل سباق الهجن
وقبل السباق بأسبوع وانا اربط راس مطيعه بقصدير
ابي اجوعه علشان يخف وزنه
اكبر مابه جنوبه الله يرحمه
واسبوووع كامل لا كلت ولا شرب
يوم جاء يوم السباق ولا غازتن كراعه من صيد امس الله يرحمه
وتبقى عندي الارنب ام دنسه
وسلحفاتي مرزوقه
مرزوقه هذي قدر الله عليه يومن من الايام
كان اخوي الكبير يدوره يبي ياخذه مني
وانا اخذه واغيبه ورا كفر جيب ابوي
واروح واجلس داخل اتقهوى مع امي
واخوي يجي ويسألن وينهي
وانا اقول مدري
يوم خذي شوين ولا صوت ابوي شغل الجيب
ويدق ريوس
وانا اقمز من عند امي ولي صياااح مرزووووووووووووووووقه
اول ما حرك ابوي
واسمع قرشته
يوم جيت ولا طابعن كفر الجيب على تسبده يابعد تسبدي
ولا متطشره
ياقردي اللي مهو بالناس
وش هالحظ
وانا اروح لام دنسه ارنبي
وامسكه واضمه على صدر
قلت ماقدر اخليتس عندي يا بعد طوايفي
اخاف من دلاختي تروحين فيها
ابقطتس علشان تعيشين بسلام
وانا اقطه ورا الحوش
واسمع تسلب ينبح
قلت لابالله عينت خير
واروح ركض ابي افزع له
يوم جيت ولا الهتلي ينقله معوه لاعنن جدفه
وياعله ما عادت تربيتهم
وتقلدوا تحيتي
رد مع اقتباس
المفضلات